ఇక థియేటర్‌కు వెళ్లక్కర్లేదు.. 4 స్పీకర్లు, మినీ ఎల్‌ఈడీ డిస్‌ప్లేతో వచ్చేస్తోన్న షావోమి కొత్త సిరీస్!

Xiaomi FX Mini LED TV: ప్రముఖ టెక్ బ్రాండ్ షావోమి భారతీయ వినియోగదారుల కోసం సరికొత్త స్మార్ట్ టీవీ సిరీస్‌ను తీసుకువస్తోంది. Xiaomi FX Mini LED పేరుతో రానున్న ఈ సరికొత్త సిరీస్ జూన్ 4న దేశీయ మార్కెట్లో విడుదల కానుంది. ఈ మేరకు కంపెనీ అధికారికంగా ఒక ప్రకటన విడుదల చేసింది. గతంలో వచ్చిన మోడల్స్ కంటే మెరుగైన డిస్‌ప్లే టెక్నాలజీతో పాటు అద్భుతమైన ఫీచర్లను ఇందులో చేర్చినట్లు సంస్థ తెలిపింది.

త్వరలోనే భారత మార్కెట్లోకి:

ఈ సరికొత్త స్మార్ట్ టీవీ సిరీస్ జూన్ 4వ తేదీన భారతదేశంలో అధికారికంగా లాంచ్ కానుంది. ఈ విషయాన్ని షావోమి తమ సోషల్ మీడియా వేదికగా పంచుకుంది. మినీ ఎల్‌ఈడీ బ్యాక్‌లైటింగ్, సరికొత్త క్వాంటం మ్యాజిక్ టెక్నాలజీతో వస్తున్న ఈ టీవీలు సాధారణ ఎల్‌ఈడీ టీవీల కంటే అద్భుతమైన బ్రైట్‌నెస్, కాంట్రాస్ట్‌ను అందిస్తాయి. సినిమా ప్రియులకు, గేమర్లకు ఇది సరికొత్త అనుభూతిని ఇస్తుందని కంపెనీ నమ్మకంగా చెప్తోంది.

అద్భుతమైన కలర్స్:

థియేటర్ తరహా కలర్ రిప్రొడక్షన్‌ను అందించే వైడ్ కలర్ గాముట్ ప్యానెల్‌ను ఈ సిరీస్‌లో వాడారు. ఇది అన్ని రకాల బ్రైట్‌నెస్ లెవెల్స్‌లోనూ స్పష్టమైన రంగులను చూపిస్తుంది. ఇక ఆడియో విషయానికి వస్తే.. ఇందులో ప్రత్యేకమైన ట్వీటర్లతో కూడిన ఫోర్ స్పీకర్ సౌండ్ సిస్టమ్‌ను అమర్చారు. దీనివల్ల ఇళ్లలోనే హోమ్ థియేటర్ లాంటి సౌండ్ క్వాలిటీని ఆస్వాదించవచ్చు.

Also Read: ఇంటర్నెట్, సిగ్నల్ లేకపోయినా కాల్స్ మాట్లాడుకోవచ్చు.. Xiaomi 17Tలో మైండ్ బ్లోయింగ్ ఫీచర్లు!

అమెజాన్ ఫైర్ టీవీ ఇంటిగ్రేషన్:

ఈ టీవీల్లోని మరో పెద్ద ప్రత్యేకత ఏమిటంటే.. అమెజాన్ ఫైర్ టీవీ ఇన్‌బిల్ట్‌గా వస్తోంది. దీనివల్ల వినియోగదారులు నేరుగా అన్ని OTT యాప్స్, స్ట్రీమింగ్ సర్వీసులను వాడుకోవచ్చు. అంతేకాదు.. అలెక్సా వాయిస్ కంట్రోల్ ద్వారా టీవీని సులభంగా ఆపరేట్ చేయొచ్చు. దీంతోపాటు మనకు నచ్చిన కంటెంట్ సలహాలను కూడా ఈ ఇంటర్‌ఫేస్ అందిస్తుంది.

అంచనా ఫీచర్లు:

గ్లోబల్ మార్కెట్ ఆధారంగా చూస్తే.. ఈ సిరీస్‌లో 4కే రిజల్యూషన్, 144హెర్ట్జ్ రిఫ్రెష్ రేట్, డాల్బీ విజన్ ఐక్యూ వంటి ప్రీమియం ఫీచర్లు ఉన్నాయి. క్వాడ్‌కోర్ ప్రాసెసర్, 2GB RAM, 32GB స్టోరేజ్‌తో పనిచేసే ఈ టీవీలలో అద్భుతమైన గేమింగ్ కోసం హెచ్‌డీఎమ్‌ఐ 2.1 పోర్టులు కూడా అందించారు. అయితే భారత మార్కెట్లో వీటి ధర ఎంత ఉండబోతుందనే వివరాలు జూన్ 4న తెలియనున్నాయి.

Also Read: AMOLED స్క్రీన్, 12 రోజుల బ్యాటరీ.. డైరెక్ట్ టైప్-సి ఛార్జింగ్‌తో దుమ్ములేపుతున్న బోట్ కొత్త వాచెస్!

Share

• 
• 
• 
• 
• 
•