Xiaomi Laptop Power Bank| చైనా ఎలెక్ట్రానిక్స్ కంపెనీ షావోమీ.. తన పవర్ యాక్సెసరీలను ప్రపంచవ్యాప్తంగా విస్తరిస్తోంది. తాజాగా యూనైటెడ్ కింగ్డమ్లో కొత్త షావోమీ 67W పవర్ బ్యాంక్ 10000ను (Xiaomi Power Bank 10000 67W) లాంచ్ చేసింది. ఈ పవర్ బ్యాంక్ ఇంతకుముందు చైనాలో విడుదల అయింది. ఇప్పుడు యూరప్ మార్కెట్లలో అందుబాటులోకి వచ్చింది.
షావోమీ ఈ పవర్ బ్యాంక్ను తరచూ ప్రయాణం చేసే వాళ్ల కోసం తయారు చేసింది. ఇది చిన్న సైజులో బలమైన చార్జింగ్ ఇస్తుంది. ఈ పవర్ బ్యాంక్ ప్రత్యేకంగా ల్యాప్టాప్లను చార్జ్ చేయగలదు. తక్కువ ధరలో పవర్ ఇచ్చే ఇలాంటి పవర్ బ్యాంక్లు చాలా తక్కువ.
ఇందులో 10,000 mah బ్యాటరీ కెపాసిటీ ఉంది. ఇది స్మార్ట్ఫోన్లు, ట్యాబ్లెట్లు, లైట్ ల్యాప్టాప్లకు సరిపోయే ఛార్జింగ్ ఇస్తుంది. సైడ్లో డిజిటల్ డిస్ప్లే ఉంది. ఇది బ్యాటరీ స్టేటస్ చూపిస్తుంది. ఎంత బ్యాటరీ మిగిలిందో సులువుగా మీరు ఇందులో చూడవచ్చు.
షావోమీ ఈ పవర్ బ్యాంక్లో ఇంటిగ్రేటెడ్ యూఎస్బీ-సీ కేబుల్ ఇచ్చింది. ఈ కేబుల్ 67W వరకు ఫాస్ట్ చార్జింగ్ సపోర్ట్ చేస్తుంది. ప్రయాణంలో అదనపు కేబుల్స్ క్యారీ చేయాల్సిన అవసరం లేదు. ప్రయాణంలో చార్జింగ్ చాలా సులువుగా ఉంటుంది.
షావోమీ ప్రకారం.. పాపులర్ డివైస్లను త్వరగా చార్జ్ చేస్తుంది. షావోమీ 15ను ఒక గంటలోపు ఫుల్ చార్జ్ చేస్తుంది. ఐఫోన్ 16 ప్రోను 30 నిమిషాల్లో 56 శాతం చార్జ్ చేస్తుంది. ఐప్యాడ్ ఎయిర్ 11-ఇంచ్ M3ని కూడా త్వరగా 33 శాతం చార్జ్ ఇస్తుంది.
పవర్ బ్యాంక్లో యూఎస్బీ-సీ, యూఎస్బీ-ఏ పోర్ట్లు ఉన్నాయి. ఒకేసారి మూడు డివైస్లను చార్జ్ చేయవచ్చు. ఫోన్లు, ట్యాబ్లెట్లు, ఇయర్బడ్స్ లేదా ల్యాప్టాప్లు చార్జ్ అవుతాయి. ప్రొఫెషనల్స్, తరచూ ప్రయాణికులకు ఇది సూపర్.
ఈ పవర్ బ్యాంక్ 65W యూఎస్బీ-సీ ఇన్పుట్ సపోర్ట్ చేస్తుంది. ఫుల్ చార్జ్ కేవలం 1.3 గంటల్లో అవుతుంది. టైట్ షెడ్యూల్ ఉన్న వాళ్లకు చాలా టైమ్ సేవ్ అవుతుంది.
షావోమీ దీన్ని చిన్న సైజులో తక్కువ బరువు ఉండే డిజైన్తో రూపొందించింది. దీని సైజు 115 x 66 x 26 మిల్లీమీటర్లు. బరువు సుమారు 247 గ్రాములు. బ్యాగ్ లేదా పాకెట్లో సులువుగా క్యారీ చేయవచ్చు.
Also Read: ట్రిపుల్ ఫోల్డింగ్ ఫోన్ డిస్ప్లే చూసి భయపడుతున్న యూజర్లు .. డ్యామేజ్ అయితే అంతే మరి
ఐస్ బ్లూ, టాన్ అనే రెండు రంగుల్లో లాంచ్ అయింది. రెండూ క్లీన్, మాడర్న్ లుక్ ఇస్తాయి. షావోమీ మినిమల్ స్టైల్కు సరిపోతాయి. ప్రస్తుతం యూరోప్, చైనా ఆన్ లైన్ లో లభిస్తున్నాయి. ఇండియాలో కూడా త్వరలో లాంచ్ అయ్యే అవకాశం ఉంది.
యూకేలో షావోమీ అధికారిక వెబ్సైట్లో £32.99 (భారత కరెన్సీలో దాదాపు రూ.4000) ధరలో లభిస్తోంది. ఈ ధరలో ఇంత ఫీచర్లు ఇచ్చే పవర్ బ్యాంక్లు చాలా తక్కువ. కచ్చితంగా వాల్యూ ఫర్ మనీ ప్రొడక్ట్.
చాలా పవర్ బ్యాంక్లు ల్యాప్టాప్లను సరిగా చార్జ్ చేయలేవు. షావోమీ ఆ పని కచ్చితంగా చేయగలదు. పవర్, పోర్టబిలిటీ, ఫాస్ట్ చార్జింగ్ ఫీచర్లతో ఇది బెస్ట్ ఆప్షన్.
Share
Hyderabad News: సీఎం రేవంత్రెడ్డితో ఆర్బీఐ గవర్నర్ సంజయ్ భేటీ.. సంస్కరణలు, ఆ చట్టంపై చర్చ
Jet Crash: అమెరికాలో ఘోర విమాన ప్రమాదం.. రన్వేపై కుప్పకూలిన జెట్, ఆరుగురు మృతి?
