Jet Crash: అమెరికాలోని నార్త్ కరోలినాలో ఘోర ప్రమాదం చోటుచేసుకుంది. స్టేట్స్విల్లే రీజనల్ విమానాశ్రయంలో ల్యాండింగ్ కావాల్సిన ‘సెసనా C550′ (Cessna C550) జెట్ విమానం అనూహ్య రీతిలో రన్వే సమీపంలో కుప్పకూలిపోయింది. విమానం నేలను తాకిన వెంటనే భారీగా మంటలు చెలరేగడంతో క్షణాల్లోనే విమానం పూర్తిగా దగ్ధమైపోయింది. అయితే విమానాశ్రయానికి కేవలం అరమైలు దూరంలోనే ఈ ప్రమాదం జరిగింది. ప్రమాద సమయంలో ఆ ప్రాంతంలో ప్రతికూల వాతావరణం నెలకొందని, తేలికపాటి వర్షం కురుస్తోందని ప్రత్యక్ష సాక్షులు, అధికారులు పేర్కొన్నారు.
స్టేట్స్విల్లే రీజనల్ విమానాశ్రయంలో కూలిన సెసనా C550 జెట్..
ఈ ప్రమాదంలో ఆరుగురు మృతి చెందినట్లు సమాచారం. అయితే, విమానంలో ప్రయాణిస్తున్న వారు ఎంతమంది? సిబ్బంది వివరాలు ఏమిటి? అనే విషయాలపై అధికారికంగా ఇంకా పూర్తి స్పష్టత లేదు. విమానం పూర్తిగా కాలిపోవడంతో మృతదేహాలను గుర్తించడం, సహాయక చర్యలు చేపట్టడం అధికారులకు సవాలుగా మారింది.
ఎయిర్పోర్ట్ను మూసివేసిన అధికారులు
ప్రమాద తీవ్రత దృష్ట్యా స్టేట్స్విల్లే రీజనల్ విమానాశ్రయాన్ని అధికారులు తాత్కాలికంగా మూసివేశారు. విమాన రాకపోకలను నిలిపివేసి, ఘటనా స్థలాన్ని భద్రతా బలగాలు తమ ఆధీనంలోకి తీసుకున్నాయి. మరణించిన వారి వివరాలను సేకరించేందుకు, వారి కుటుంబ సభ్యులకు సమాచారం అందించేందుకు స్థానిక యంత్రాంగం ప్రయత్నిస్తోంది.
Also Read: రైలు బోగి కింద మంటలు.. రాష్ట్రంలో తప్పిన పెను ప్రమాదం, జస్ట్ అయితే..?
సోషల్ మీడియాలో వైరలవుతున్న ప్రమాద దృశ్యాలు..
ప్రమాదానికి గల కారణాలపై FAA, NTSB లోతైన దర్యాప్తును ప్రారంభించాయి. వాతావరణ పరిస్థితులు అనుకూలించకపోవడం వల్ల ఈ ప్రమాదం జరిగిందా? లేక విమానంలో ఏదైనా సాంకేతిక లోపం తలెత్తిందా? అనే కోణంలో నిపుణులు విశ్లేషిస్తున్నారు. ప్రస్తుతం ఈ ప్రమాదానికి సంబంధించి విజువల్స్ సోషల్ మీడియాలో వైరల్ అవుతున్నాయి.
అమెరికాలో ఘోర విమాన ప్రమాదం.. ఆరుగురు మృతి
అమెరికాలోని నార్త్ కరోలినా స్టేట్స్విల్లే ప్రాంతంలో జరిగిన ఘోర విమాన ప్రమాదంలో ఆరుగురు మృతి చెందారు. మాజీ నాస్కార్ స్టార్ డ్రైవర్ గ్రెగ్ బిఫిల్కు చెందిన 'సెసనా C550' జెట్ విమానం ల్యాండింగ్ సమయంలో కుప్పకూలి ఒక్కసారిగా మంటల్లో… pic.twitter.com/bTu3XyFKbk
— ChotaNews App (@ChotaNewsApp) December 18, 2025
Share
Laptop Power Bank: ల్యాప్టాప్ ఛార్జ్ చేసే పవర్ బ్యాంక్ లాంచ్ చేసిన షావోమీ.. 10000mah బ్యాటరీతో 67W ఛార్జింగ్
Year Ender 2025 : 2025లో వచ్చిన మోస్ట్ పాపులర్ ఓటీటీ సిరీసుల లిస్ట్... ఇందులో మీరెన్ని చూశారు ?
