Xiaomi TV: ప్రముఖ టెక్ దిగ్గజం షావోమి (Xiaomi) భారతీయ వినియోగదారుల కోసం సరికొత్త ‘షావోమి టీవీ FX మినీ ఎల్ఈడీ’ (Xiaomi TV FX Mini LED) సిరీస్ను మార్కెట్లోకి విడుదల చేసింది. ప్రీమియం హోమ్ థియేటర్ అనుభూతిని అందించే లక్ష్యంతో అదిరిపోయే ఫీచర్లతో ఈ స్మార్ట్ టీవీలను గురువారం దేశీయ అందుబాటులోకి తీసుకొచ్చింది. ఈ అధునాత టీవీ సిరీస్ ధరలు, ప్రధాన ఫీచర్లు, ప్రత్యేకతలు ఏంటో ఈ కథనంలో చూద్దాం.
షావోమీ తన ‘షావోమి టీవీ FX మినీ ఎల్ఈడీ’ సిరీస్ ను మొత్తం నాలుగు సైజుల్లో లాంచ్ చేసింది. 43, 55, 65, 75 అంగుళాల స్క్రీన్ వేరియంట్లలో దీనిని తీసుకొచ్చింది. ఇవన్నీ 4K అల్ట్రా HD రిజల్యూషన్ను కలిగి ఉన్నాయి. ముఖ్యంగా ఇందులో వాడిన క్వాంటం మ్యాజిక్ (Quantum MagiQ), ఫుల్-అరే మినీ ఎల్ఈడీ టెక్నాలజీ వల్ల స్క్రీన్ పై రంగులు ఎంతో స్పష్టంగా, సహజంగా కనిపిస్తాయని షావోమీ పేర్కొంది.
పెద్ద స్క్రీన్ వేరియంట్లయిన 55, 65, 75 ఇంచ్ మోడళ్లలో గేమింగ్ ప్రియుల కోసం ప్రత్యేకంగా 120Hz రిఫ్రెష్ రేట్ (DLG 120Hz Game Mode)ను అందించారు. దీనివల్ల హై గ్రాఫిక్స్ గేమ్లు ఆడుతున్నప్పుడు ఎలాంటి లాగ్ లేకుండా స్క్రీన్ చాలా స్మూత్గా రన్ అవుతుందని షావోమీ వర్గాలు తెలిపాయి.
ఈ స్మార్ట్ టీవీలు అమెజాన్ ఫైర్ టీవీ (Fire TV) ఆపరేటింగ్ సిస్టమ్తో పనిచేస్తాయని షావోమీ తెలిపింది. దీని ద్వారా నెట్ఫ్లిక్స్, ప్రైమ్ వీడియో, డిస్నీ+ హాట్స్టార్ వంటి 12,000 కంటే ఎక్కువ యాప్స్ను సులభంగా యాక్సెస్ చేయవచ్చని పేర్కొంది. అలాగే అలెక్సా (Alexa) వాయిస్ కంట్రోల్ సపోర్ట్ కూడా ఈ షావోమీ టీవీలు కలిగి ఉన్నాయి.
Also Read: కాలం మారిందోచ్.. ఇక వర్షాకాలంలో వెచ్చగా ఉంచే.. టాప్ 5 ఏసీలు ఇవే..!
భారత్లో ఈ టీవీల అసలు ధరలు రూ.32,999 (43 అంగుళాలు) నుండి ప్రారంభమై రూ.84,999 (75 ఇంచ్) వరకు ఉన్నాయి. అయితే పరిమిత కాల లాంచ్ ఆఫర్ కింద రూ. 3,000 వరకు తగ్గింపును షావోమీ ఇస్తోంది. ఫలితంగా ప్రారంభ మోడల్ను కేవలం రూ.29,999కే కస్టమర్లు సొంతం చేసుకోవచ్చు. జూన్ 11 నుండి అమెజాన్, ఫ్లిప్కార్ట్, షావోమి అధికారిక వెబ్సైట్లలో ఈ టీవీలు అందుబాటులోకి వస్తాయని షావోమీ ప్రకటించింది.
Also Read: వానలు వచ్చేస్తున్నాయ్.. ఏసీలో ఈ సెట్టింగ్స్ మారిస్తే.. ఇక వర్షాకాలంలోనూ హాయిగా ఉండొచ్చు!
Share
బయ్యర్లకు డబ్బులు ఇచ్చేసిన నిర్మాత.. 'జన నాయగన్ 'మూవీ రిలీజ్ లేనట్లేనా..?
Bolla Brahma Naidu Arrest: చిక్కిన వైసీపీ మాజీ ఎమ్మెల్యే.. తమిళనాడులో బొల్లా బ్రహ్మనాయుడు అరెస్ట్
