Xiaomi TV S Mini LED 2026: బడ్జెట్ ధరలో అడ్వాన్స్‌డ్ ఫీచర్లను అందించే షావోమీ.. టీవీల విషయంలో మరోసారి తమ వినియోగదారులను ఆశ్చర్యపరిచింది. తాజాగా 2026 ఎడిషన్‌ పేరుతో షావోమీ టీవీ ఎస్ మినీ ఎల్‌ఈడీ సిరీస్‌ను చైనాలో లాంచ్ చేసింది. ఇందులో చిన్న సైజుల నుంచి మొదలుకొని ఏకంగా 100 ఇంచుల భారీ స్క్రీన్ వరకు రకరకాల ఆప్షన్లు ఉన్నాయి. దీంతో ఇక ఇంట్లోనే ఒక మినీ థియేటర్‌ను సెట్ చేసుకోవచ్చన్నమాట.
ఈ టీవీల్లో వాడిన డిస్‌ప్లే క్వాలిటీ మామూలుగా లేదు. మినీ ఎల్‌ఈడీ టెక్నాలజీ వల్ల రంగులు చాలా నేచురల్‌గా, స్పష్టంగా కనిపిస్తాయి. పగటిపూట వెలుతురు ఎక్కువగా ఉన్నా కూడా బొమ్మ క్లియర్‌గా కనిపించేలా దీనిలో 2000 నిట్స్ బ్రైట్‌నెస్ ఇచ్చారు. ఇక గేమింగ్ అంటే ఇష్టపడే కుర్రాళ్లకు ఈ సిరీస్ బాగా నచ్చుతుంది. అలాగే 144Hz రిఫ్రెష్ రేట్ ఉండటం వల్ల గేమ్స్ ఆడేటప్పుడు గానీ, ఫాస్ట్‌గా కదిలే యాక్షన్ సీన్లు చూసేటప్పుడు గానీ స్క్రీన్ ఎక్కడా ఆగకుండా చాలా స్మూత్‌గా సాగిపోతుంది.
Also Read: ఏందీ.. ఏసీలపై 65% డిస్కౌంటా? ఈ అమెజాన్ ధమాకా సేల్‌ను మిస్ చేసుకుంటే ఇంకెప్పుడూ కొనలేరు!
ఈ స్మార్ట్ టీవీలో షావోమీ తమ సొంత ఏఐ ఇమేజ్ ఇంజిన్‌ను పెట్టింది. ఇది మనం చూసే వీడియోకి తగ్గట్టుగా సెట్టింగ్స్ మార్చేసి బెస్ట్ క్వాలిటీని ఇస్తుంది. ఇక ఆడియో గురించి చెప్పాలంటే.. వరల్డ్ ఫేమస్ హార్మన్ కంపెనీ వాళ్లు దీని సౌండ్‌ను ట్యూన్ చేశారు. దీంతోపాటు డాల్బీ అట్మోస్ సపోర్ట్ ఉండటంతో సౌండ్ వింటుంటే మనం థియేటర్లో కూర్చున్న ఫీలింగ్ కలుగుతుంది. ఇది కంపెనీ లేటెస్ట్ హైపర్ ఓఎస్ మీద పనిచేస్తుంది.
ఇక ఈ టీవీ ధర విషయానికి వస్తే.. 55 ఇంచుల మోడల్ రూ.38,000 దగ్గర మొదలవుతుంది. ఇక భారీగా ఉండే 100 ఇంచుల మోడల్ ధర దాదాపు రూ.1,28,000 వరకు ఉంటుంది. ప్రస్తుతానికి ఇవి చైనాలో రిలీజ్ అయ్యాయి. కానీ షావోమీకి మన దగ్గర ఉన్న క్రేజ్ చూస్తుంటే.. త్వరలోనే ఈ సిరీస్ మన దేశంలోనూ సందడి చేసే అవకాశం ఉంది. మంచి క్వాలిటీ ఉన్న పెద్ద టీవీ కావాలనుకునే వారికి ఇది కచ్చితంగా బెస్ట్ ఆప్షన్ అవుతుంది.
Also Read: సమ్మర్ హీట్‌కు బై బై.. మార్కెట్లో హాట్ కేకుల్లా అమ్ముడవుతున్న టాప్-5 బెస్ట్ ఎయిర్ కూలర్లు ఇవే!
Share
గద్వాల్లో మెరిసిన ఆణిముత్యాలు.. రెండేళ్ల రికార్డును బ్రేక్ చేసిన ఇంటర్ విద్యార్ధులు
Rohit VS Bumrah: ముంబైలో చీలిక..రోహిత్ శర్మను బండ బూతులు తిట్టిన బుమ్రా, రూ.50 లక్షల ఫైన్
