YouTube vs Instagram: ప్రస్తుతం సోషల్ మీడియాలో ఎక్కడ చూసినా షార్ట్ వీడియోల హడావుడే కనిపిస్తోంది. కేవలం టైమ్‌పాస్ కోసమే కాకుండా.. వీటి ద్వారా మంచి ఆదాయం సంపాదిస్తున్న వాళ్లు ఎందరో ఉన్నారు. అయితే, క్రియేటర్ల మనసులో ఎప్పుడూ మెదిలే ఒకే ఒక్క ప్రశ్న ఏంటంటే… యూట్యూబ్ షార్ట్స్, ఇన్‌స్టాగ్రామ్ రీల్స్… ఈ రెండింటిలో ఎక్కువ డబ్బులు ఇచ్చే ప్లాట్‌ఫార్మ్ ఏది అని? ఇప్పుడీ ప్రశ్నకు సమాధానం తెలుసుకుందాం రండి..
ఈ రెండు ప్లాట్‌ఫార్మ్‌లు పని చేసే విధానం, డబ్బులు ఇచ్చే పద్ధతి పూర్తిగా వేరుగా ఉంటాయి. యూట్యూబ్ తమ క్రియేటర్లకు నేరుగా యాడ్స్ (ప్రకటనలు) ద్వారా వచ్చే ఆదాయంలో కొంత వాటాను ఇస్తుంది. కానీ ఇన్‌స్టాగ్రామ్‌లో అలాంటి శాశ్వత విధానం లేదు. అక్కడ ఎక్కువగా బ్రాండ్ ప్రమోషన్లు, స్పాన్సర్‌షిప్‌ల ద్వారానే క్రియేటర్లు సంపాదిస్తుంటారు. అందుకే కంటెంట్ రకాన్ని బట్టి ఆదాయంలో చాలా తేడాలు కనిపిస్తాయి.
డైరెక్ట్‌గా డబ్బులు సంపాదించుకోవడానికి యూట్యూబ్ షార్ట్స్ ఒక చక్కని మార్గం చూపిస్తోంది. దీనికి కొన్ని అర్హతలు సాధిస్తే చాలు.. మన వీడియోలపై వచ్చే ప్రకటనల రెవెన్యూలో వాటా లభిస్తుంది. వ్యూస్ పెరిగే కొద్దీ ఆదాయం కూడా పెరుగుతుంది. వ్యూస్‌కి వచ్చే అమౌంట్ మొదట్లో కొంచెం తక్కువగా అనిపించినా, లాంగ్ టర్మ్‌లో స్థిరమైన సంపాదనకు ఇది ఒక నమ్మకమైన వేదికగా నిలుస్తుంది.
Also Read: OnePlus 13 నుంచి Nord సిరీస్ వరకు భారీ ఆఫర్లు.. జూన్ 10 వరకు బంపర్ డిస్కౌంట్స్!
ఇన్‌స్టాగ్రామ్ రీల్స్ క్రియేటర్లకు ప్లాట్‌ఫార్మ్ నుంచి నేరుగా వచ్చే సొమ్ము కంటే.. బ్రాండ్ల ద్వారా వచ్చే ఆదాయమే ఎక్కువ. ఫ్యాషన్, లైఫ్‌స్టైల్, బ్యూటీ వంటి విభాగాల క్రియేటర్లకు ఇన్‌స్టాగ్రామ్‌లో మంచి క్రేజ్ ఉంటుంది. ఒక కంపెనీకి సంబంధించిన ప్రొడక్ట్‌ను ప్రమోట్ చేస్తే, వాళ్లు ఇచ్చే అమౌంట్ ఒక్కోసారి యూట్యూబ్ వ్యూస్ ద్వారా వచ్చే ఆదాయం కంటే చాలా రెట్లు ఎక్కువగా ఉంటుంది.
యూట్యూబ్, ఇన్‌స్టాగ్రామ్ మధ్య ఉన్న మరో పెద్ద తేడా వీడియోల మనుగడ. యూట్యూబ్‌లో ఒకసారి అప్‌లోడ్ చేసిన షార్ట్ వీడియో, కొన్ని నెలల తర్వాత కూడా వ్యూస్ తెచ్చుకుంటూ డబ్బులు సంపాదించి పెడుతుంది. కానీ ఇన్‌స్టాగ్రామ్ రీల్స్ అలా కాదు. అవి అప్‌లోడ్ చేసిన కొన్ని రోజులకే ట్రెండింగ్‌లో ఉండి, ఆ తర్వాత నెమ్మదిగా కనుమరుగైపోతాయి. అందుకే ఇన్‌స్టాగ్రామ్‌లో ఎప్పుడూ యాక్టివ్‌గా ఉండాల్సి వస్తుంది.
చివరిగా చెప్పాలంటే.. మీకు ఎలాంటి రిస్క్ లేకుండా నేరుగా ప్లాట్‌ఫార్మ్ నుంచే వ్యూస్‌ని బట్టి డబ్బులు రావాలనుకుంటే యూట్యూబ్ షార్ట్స్ బెస్ట్ ఆప్షన్. లేదు.. బ్రాండ్లతో కాంటాక్ట్స్ పెంచుకుంటూ పెద్ద పెద్ద ప్రమోషన్లు చేయాలనుకుంటే ఇన్‌స్టాగ్రామ్ రీల్స్ కరెక్ట్. అందుకే చాలామంది స్మార్ట్ క్రియేటర్లు రెండు ప్లాట్‌ఫార్మ్‌లను వాడుకుంటూ డబుల్ ఇన్కమ్ పొందుతున్నారు.
Also Read: iPhone 18 Proలో భారీ మార్పులు.. లాంచ్‌కు ముందే బ్యాటరీ, డిస్‌ప్లే ఫీచర్లు లీక్.. ధర కూడా పెరగనుందా?
Share
తలకిందులుగా వేలాడితే ఫ్రీ బైక్.. వైరల్ అవుతున్న షోరూమ్ ఛాలెంజ్!
కేటీఆర్పై వ్యాఖ్యలా? ఒళ్ళు దగ్గర పెట్టుకో కడియం.. డాక్టర్ రాజయ్య హెచ్చరిక
