Zomato Free Order| ఈ రోజుల్లో చాలామంది ఆన్లైన్లో భోజనం ఆర్డర్ చేస్తుంటారు. స్విగ్గీ, జొమాటో లాంటి ఫుడ్ డెలివరీ యాప్స్ వినియోగదారుల సంఖ్య కూడా వేగంగా పెరుగుతోంది. ఈ నేపథ్యంలో జొమాటో కొత్త ఫీచర్ తీసుకొచ్చింది. కస్టమర్లకు ఆరోగ్యకరమైన ఆహార అలవాట్లను ప్రోత్సహించడమే దీని లక్ష్యం. రుచికరమైన ఆహారంతో పాటు శారీరకంగా ఫిట్గా ఉండాలని కంపెనీ కోరుకుంటోంది. ఆరోగ్య స్పృహ ఉన్న యూజర్ల కోసం హై-ఫైవ్ ఛాలెంజ్ ప్రారంభించింది. రెగ్యులర్గా హెల్తీ మీల్స్ ఆర్డర్ చేస్తే రివార్డ్ ఇస్తుంది. ఛాలెంజ్ పూర్తి చేస్తే ఒక ఉచిత హెల్తీ మీల్ దొరుకుతుంది. ఈ ప్రక్రియ చాలా సులభంగా ఉంటుంది.
జొమాటో గతంలో హెల్తీ మోడ్ అనే ఫీచర్ తీసుకొచ్చింది. ఈ మోడ్లో మంచి న్యూట్రిషన్ వాల్యూ ఉన్న ఫుడ్ ఐటెమ్స్ చూపిస్తుంది. బ్యాలెన్స్డ్, న్యూట్రిషియస్ డిషెస్ సులభంగా దొరుకుతాయి. హై ప్రోటీన్, ఫైబర్ ఉన్న ఫుడ్ ఆర్డర్లపై ఈ ఛాలెంజ్ ఫోకస్ ఉంటుంది. అవసరమైన మైక్రోన్యూట్రియెంట్స్ ఉన్న డిషెస్ను హైలైట్ చేస్తుంది. ఇవి ఎనర్జీ ఇస్తాయి. ఓవరాల్ ఫిట్నెస్ మెరుగుపరుస్తాయి.
హై-ఫైవ్ ఛాలెంజ్ ద్వారా వరుసగా అన్నీ ఆరోగ్యకరమైన ఫుడ్ ఆర్డర్లు చేస్తుంటే రివార్డ్ ఇస్తారు. హెల్తీ మోడ్ సెక్షన్ నుంచి మీల్స్ ఆర్డర్ చేయాలి. ప్రతి హెల్తీ ఆర్డర్కు ఒక హై-ఫైవ్ పాయింట్ వస్తుంది. నాలుగు పాయింట్లు సేకరిస్తే ఉచిత మీల్ అన్లాక్ అవుతుంది. ఐదవ హెల్తీ ఆర్డర్ పూర్తిగా ఉచితం అవుతుంది. ఈ రివార్డ్ సిస్టమ్ హెల్తీ ఫుడ్ ఛాయిస్లను కొనసాగించేలా ప్రోత్సహిస్తుంది.
హై న్యూట్రిషన్ వాల్యూ ఉన్న మీల్స్ మాత్రమే ఛాలెంజ్కు అర్హత పొందుతాయి. డిష్లో కనీసం 20 గ్రాముల ప్రోటీన్ ఉండాలి. ఫైబర్, బ్యాలెన్స్డ్ కార్బోహైడ్రేట్స్ కూడా ఉండాలి. మంచి మైక్రోన్యూట్రియెంట్స్ ఉన్న మీల్స్కు హై హెల్తీ స్కోర్ వస్తుంది. హెల్తీ మోడ్ మెనూలో ఇలాంటి డిషెస్ స్పష్టంగా మార్క్ చేసి ఉంటాయి. వీటిని ఎంచుకుంటేనే హై-ఫైవ్ పాయింట్లు వస్తాయి.
నాలుగు హై-ఫైవ్ పాయింట్లు వచ్చిన తర్వాత మీకు రివార్డ్ అర్హత వస్తుంది. హై హెల్తీ స్కోర్ మెనూలో నుంచి ఉచిత మీల్ క్లెయిమ్ చేయవచ్చు. ఐదవ ఆర్డర్కు డబ్బు చెల్లించాల్సిన అవసరం లేదు. ఈ ఛాలెంజ్ను ఎన్నిసార్లైనా రిపీట్ చేయవచ్చు. ఉచిత మీల్స్కు ఎలాంటి లిమిట్ లేదు. కేవలం హెల్తీ డిషెస్ ఆర్డర్ చేస్తూ పోతే సరిపోతుంది.
ఈ ఛాలెంజ్ పరిమిత కాలం మాత్రమే అందుబాటులో ఉంటుంది. ఫిబ్రవరి 28 వరకు మాత్రమే ఈ ఆఫర్ రన్ అవుతుందని జొమాటో ప్రకటించింది. డెడ్లైన్ ముందే ఛాలెంజ్ పూర్తి చేయాలి.
Also Read: ప్రకృతి నాశనం.. మనుషుల కంటే ఎక్కువ నీరు తాగేస్తున్న ఏఐ టెక్నాలజీ
ఈ ఛాలెంజ్ సెలెక్టెడ్ పెద్ద నగరాల్లో మాత్రమే అందుబాటులో ఉంది. ఢిల్లీ, ముంబై, బెంగళూరు, హైదరాబాద్, కోల్కతా, పూణే, చెన్నైలో ఈ ఆఫర్ పనిచేస్తుంది. ఈ సిటీల్లో ఉండే యూజర్లు సులభంగా పాల్గొనవచ్చు. మిగతా సిటీల్లో త్వరలో అందుబాటులోకి వచ్చే అవకాశం ఉంది.
ఈ ఛాలెంజ్ యూజర్లలో ఆరోగ్యకరమైన ఆహార అలవాట్లను పెంచుతుంది. తరచూ ఆర్డర్ చేసేటప్పుడు ఖర్చు తగ్గుతుంది. న్యూట్రిషియస్ మీల్స్ (పౌష్టికాహారం) తిని డబ్బు ఆదా చేసుకోవచ్చు. జొమాటో ఆరోగ్యకరమైన ఫుడ్ కల్చర్ను ప్రోత్సహిస్తోంది. ఈ ఛాలెంజ్ రెండు విధాల లాభాకరం. జొమాటోకు రివార్డ్ సిస్టమ్ వల్ల ఆర్డర్లు పెరుగుతాయి. మరోవైపు యూజర్లు ఆరోగ్యకరమైన ఆహారం తక్కువ ధరలో లభిస్తుంది.
Share
Today Gold Rate: బంగారం కొనాలనుకునే వారికి గోల్డెన్ ఛాన్స్.. భారీగా దిగొచ్చిన పసిడి ధర!
Parasakthi OTT : ఓటీటీలో 'పరాశక్తి' తెలుగు వర్షన్ డైరెక్ట్ స్ట్రీమింగ్.. ఎక్కడ చూడొచ్చంటే..?
