Parasakthi OTT : తమిళ స్టార్ హీరో శివ కార్తికేయన్ నటించిన తాజా చిత్రం పరాశక్తి.. ఈ ఏడాది సంక్రాంతి సందర్భంగా కోలీవుడ్లో రిలీజ్ అయిన ఈ మూవీ బాక్స్ ఆఫీస్ వద్ద మిక్సీ్డ్ టాక్ ను సొంతం చేసుకుంది.. అయితే తెలుగులో ఈ సినిమాని మొదట రిలీజ్ చేయాలని అనుకున్నారు. ఇక్కడ సంక్రాంతికి స్టార్ హీరో సినిమాలు వరుసగా రిలీజ్ అవుతుండడంతో, థియేటర్స్ కొరత కారణంగా ఈ సినిమాని రిలీజ్ చేయలేదు. ఇప్పుడు తెలుగు వర్షన్ డైరెక్ట్ ఓటీటీ లోకి స్ట్రీమింగ్ కి రాబోతుంది.. దర్శకురాలు సుధా కొంగర తెరకెక్కించిన ఈ చిత్రం బాక్సాఫీస్ వద్ద భారీ విజయాన్ని దక్కించుకుంది.. అయితే ఇప్పుడు స్ట్రీమింగ్ కి వచ్చిన ఈ మూవీ ని ఎక్కడ చూడొచ్చు అన్నది కాస్త వివరంగా తెలుసుకుందాం..
డిఫరెంట్ స్టోరీ తో వచ్చిన పరాశక్తి మూవీ పలు విమర్శలను సొంతం చేసుకుంది.. ఒకవైపు మౌత్ టాకీ ఎలా ఉన్నా సరే ఈ సినిమాకు కలెక్షన్లు మాత్రం భారీగానే వసూల్ అవ్వడం మామూలు విషయం కాదు. తెలుగులో రిలీజ్ కానీ ఈ మూవీ ప్రస్తుతం డైరెక్ట్గా ఓటీటీలోకి రాబోతుంది.. ఫిబ్రవరి 7 ఓటీటీలోకి వచ్చేస్తుంది. ప్రముఖ ఓటీటీ సంస్థ జీ5 లో ఈ మూవీ స్ట్రీమింగ్ కు రాబోతుంది. తమిళ్తో పాటు తెలుగు, మలయాళం, కన్నడ వర్షన్ కూడా విడుదల కానుంది. టాలీవుడ్లో శివకార్తికేయన్కు భారీ క్రేజ్ ఉండటంతో పరాశక్తి ని ఓటీటీలో చూసేందుకు తెలుగు ప్రేక్షకులు కూడా ఎంతో ఆసక్తిగా ఎదురుచూస్తున్నారు. ఈ మూవీలో టాలీవుడ్ యంగ్ సెన్సేషనల్ హీరోయిన్ శ్రీలీల హీరోయిన్ గా నటించింది. ఈ మూవీతో కోలీవుడ్ లోకి ఎంట్రీ ఇచ్చింది.. ప్రస్తుతం ఈమె తెలుగు కన్నా కోలీవుడ్ లోనే బిజీ అయ్యేందుకు ప్రయత్నాలు చేస్తుంది..
Also Read :చిరు మూవీలో దురంధర్ బ్యూటీ.. విలన్ గా బాలీవుడ్ నిర్మాత..?
పరాశక్తి మూవీ రిలీజ్ అయ్యాక కాంగ్రెస్ నేతలు తీవ్ర వ్యతిరేకత చూపించిన విషయం తెలిసిందే.. 1965లో తమిళనాడులో హిందీ వ్యతిరేక నిరసనల నేపథ్యంలో పరాశక్తి సినిమా తెరకెక్కింది. ఆ సమయంలో భారత కేంద్ర ప్రభుత్వం హిందీ భాషను తమిళులపై బలవంతంగా రుద్దలని ప్రయత్నాలు జరిగేవి. వాటిని వ్యతిరేకిస్తూ విద్యార్థి సంఘాల నేతలు ఉద్యమాలు చేసేవారు. గొడవల సమయంలో ఇద్దరు సోదరులు, చెజియాన్, చిన్నదురై జీవితాలు ఎలా ప్రభావితమయ్యాయనేది అసలు స్టోరీ.. ఈ మూవీలో రానా దగ్గుబాటి, బాసిల్ జోసెఫ్, డాలీ ధనంజయ వంటి నటులతో పాటుగా బాలీవుడ్ బ్యూటీ సంధ్య మృదుల్ నటిస్తుంది.. కోలీవుడ్ లో మంచి టాక్ ని సొంతం చేసుకున్న ఈ మూవీ ఓటీటీ లో ఎలాంటి రెస్పాన్స్ ను దక్కించుకుంటుందో చూడాలి.. ఇక ప్రస్తుతం శివ కార్తికేయన్ భారీ ప్రాజెక్టులలో నటించబోతున్నట్లు తెలుస్తుంది.. అతి త్వరలోనే ఆ సినిమాల గురించి ఒక క్లారిటీ ఇచ్చే అవకాశం ఉంది..
Share
Zomato Free Order: జొమాటోలో ఫ్రీ ఆర్డర్.. పౌష్టికాహారం కోసం రివార్డ్స్.. ఎలా చేయాలంటే?
Euphoria Movie: ‘యుఫోరియా’ స్పెషల్ ప్రీమియర్ చూసి ఎమోషనల్ అయిన భూమిక.. ఏం చేశారంటే?
