Tilak Varma: టి20 ప్రపంచ కప్ 2026 టోర్నమెంట్ ( T20 World Cup 2026 tournament) నేపథ్యంలో తెలుగు కుర్రాడు తిలక్ వర్మపై ( Tilak Varma) దారుణంగా ట్రోలింగ్ జరుగుతోంది. తిలక్ వర్మ టి20 వరల్డ్ కప్ లో స్లోగా బ్యాటింగ్ చేస్తున్నాడని క్రికెట్ అభిమానులు మండిపడుతున్నారు. అతని స్థానంలో శివమ్ దూబేను ప్రమోట్ చేయాలని డిమాండ్లు చేస్తున్నారు. ఇలా స్లోగా బ్యాటింగ్ చేస్తే టీమిండియా వరల్డ్ కప్ గెలవడం కష్టమే అని పోస్టులు పెడుతున్నారు. విరాట్ కోహ్లీ లాంటి స్టార్ ఆటగాడి స్థానంలో తిలక్ వర్మకు అవకాశం వస్తోన్న సంగతి తెలిసిందే. మరి ఇలాంటి నేపథ్యంలో తిలక్ వర్మ అద్భుతంగా ఆడకుండా.. టి20 లను టెస్టుల్లాగా ఆడుతున్నాడని దారుణంగా ట్రోలింగ్ చేస్తున్నారు. దీనిపై వెంటనే టీమిండియా యాజమాన్యం చర్యలు తీసుకోవాలని కోరుతున్నారు.
టి20 ప్రపంచ కప్ 2026 టోర్నమెంట్ ( T20 World Cup 2026 tournament) నేపథ్యంలో తిలక్ వర్మ ( Tilak varma) బ్యాటింగ్ పైన సోషల్ మీడియాలో దారుణంగా కామెంట్లు పెడుతున్నారు. టి20 ప్రపంచకప్ 2026 టోర్నమెంట్ లో ఇప్పటి వరకు నాలుగు మ్యాచ్ లు ఆడాడు. ఈ సందర్భంగా అతడు ఒక్క అర్థ సెంచరీ కూడా నమోదు చేయలేదు. టీమిండియా కు అవసరమైన పరుగులు ఎక్కడ సాధించలేకపోయాడు. యునైటెడ్ స్టేట్స్ ఆఫ్ అమెరికా (USA) జట్టుతో 16 బంతులలో 25 పరుగులు మాత్రమే సాధించాడు తిలక్ వర్మ. ఇక నమీబియా పైన కూడా అవకాశం వచ్చింది. అక్కడ 21 బంతులు ఎదుర్కొని 25 పరుగులు మాత్రమే చేశాడు.
ఇక పాకిస్తాన్ పైన 24 బంతులు మింగిన తిలక్ వర్మ ( Tilak varma), కేవలం 25 పరుగులు చేశాడు. ఇక పసికూన నెదర్లాండ్స్ పైన విజృంభిస్తాడనుకుంటే.. అక్కడ కూడా 27 బంతుల తిన్న తిలక్ వర్మ, 31 పరుగులు మాత్రమే చేశాడు. దీంతో తిలక్ వర్మ టి20 లకు పనికిరాడని దారుణంగా ఆడుకుంటున్నారు క్రికెట్ అభిమానులు. స్ట్రైక్ రేట్ 120 తో టి20 లు ఆడాలంటే కష్టమేనని.. తిలక్ వర్మను పట్టుకొని సూపర్ 8 ఆడడం తెలివి తక్కువ పని అంటూ పోస్టులు పెడుతున్నారు ఫ్యాన్స్. వెంటనే తిలక్ వర్మను తొలగించి, సంజు శాంసన్ ను తీసుకోవాలని డిమాండ్ చేస్తున్నారు. సూపర్ 8 లోకి అడుగుపెట్టిన టీమిండియా ఫిబ్రవరి 22వ ( FEB) తేదీ నుంచి మ్యాచ్ లు ఆడనుంది. మొదట దక్షిణ ఆఫ్రికాతో తన తొలి మ్యాచ్ ఆడబోతోంది టీమిండియా. ఆ తర్వాత జింబాబ్వే లాంటి చిన్న జట్టుతో కూడా ఆడనుంది. చివరగా వెస్టిండీస్ తో ( West Indies) మార్చి 1వ తేదీన సూపర్ 8 మ్యాచ్ ఆడనుంది సూర్య కుమార్ యాదవ్ సేన.
Tilak Varma In 2026 T20I World Cup pic.twitter.com/rRYrKDMUUX
— RVCJ Media (@RVCJ_FB) February 18, 2026
🚨 Another slow knock from Tilak Varma
After the last innings, batting coach Sitanshu Kotak backed him and said he played according to the situation.
He is unable to find the rhythm. He must need to accelerate in the middle overs. If he fails to do so, then it will be trouble… pic.twitter.com/LcV5B3dE0H
— Tejash (@Tejashyyyyy) February 18, 2026
Share
Tollywood Movies: మిస్సైన మ్యాజిక్.. ఆ సీన్లు ఉంటే ఈ సినిమాల రేంజ్ మరోలా ఉండేదేమో!
Robot Army: వచ్చేస్తున్నాయి రోబో సైనికులు.. శత్రువులకు ఇక చుక్కలే.. కానీ ఆ వీడియోలు నిజమేనా?
