Asia Cup 2027: ఐపీఎల్ 2026 టోర్నమెంట్ (Indian Premier League 2026 Tournament) ముగిసిన నేపథ్యంలో టీమిండియా… అంతర్జాతీయ క్రికెట్ టోర్నమెంట్ పైన దృష్టి సారించనుంది. ఆఫ్ఘనిస్తాన్ తో మరో నాలుగు రోజుల్లోనే టెస్టులతో పాటు వన్డేలు జరగనున్నాయి. ఈ క్రమంలో ఆసియా కప్ 2027 టోర్నమెంట్ (Asia Cup 2027) గురించి బిగ్ అప్డేట్ వచ్చేసింది. 2025 చివరలో ఆసియా కప్ టీ20 ఫార్మాట్ లో జరగగా.. టీమిండియానే ఛాంపియన్ అయింది. ఇక ఇప్పుడు 2027 ఆసియా కప్ టోర్నమెంట్ పైన కీలక అప్డేట్ వచ్చేసింది. ఈ టోర్నమెంట్ వన్డే ఫార్మాట్ లో జరగనుండగా… బంగ్లాదేశ్ ( Bangladesh ) వేదిక కానున్నట్లు వార్తలు వస్తున్నాయి. ఈ మేరకు సోషల్ మీడియాలో ఓ పోస్ట్ కూడా వైరల్ అయింది.
1984లో ప్రారంభమైన ఆసియా కప్ టోర్నమెంట్.. విజయవంతంగా సాగుతోంది. ఈ టోర్నమెంట్ లో ఇప్పటివరకు 9సార్లు అత్యధికంగా టీమిండియానే టైటిల్ గెలుచుకుంది. ఆ తర్వాత శ్రీలంక 6 టైటిల్స్ సంపాదించి రెండవ స్థానంలో ఉంది. ఇప్పుడు వరకు పాకిస్తాన్ 2 ఆసియా కప్ టోర్నమెంట్ లు గెలిచింది. ఈ మూడు జట్లు మినహా ఏ ఒక్క టీం కూడా ఇప్పటివరకు ఛాంపియన్ కాలేదు. ఇక ఆసియా కప్ టోర్నమెంట్లో మొత్తం ఎనిమిది జట్లు పాల్గొంటాయి. ఇందులో 5 శాశ్వత సభ్య దేశాలు ఉన్నాయి. టీమిండియా, పాకిస్తాన్, శ్రీలంక, బంగ్లాదేశ్ తో పాటు ఆఫ్ఘనిస్తాన్ శాశ్వత సభ్య దేశాలు. యూఏఈ, ఒమన్, హాంగ్ కాంగ్ టీమ్స్ ఆడతాయి.
ఎనిమిది జట్లను నాలుగు గ్రూపులుగా డివైడ్ చేస్తారు. ఇక 2025 ఆసియా కప్ టోర్నమెంట్ యూఏఈ వేదికగా జరిగింది. వాస్తవంగా పాకిస్తాన్ దేశంలోనే జరగాలి. కానీ ఇండియా పర్యటించబోదు కాబట్టి, తటస్థ వేదిక అయిన యూఏఈని సెలెక్ట్ చేశారు. ఇక ఇప్పుడు 2027 ఆసియా కప్ బంగ్లాదేశ్ లో వన్డే ఫార్మాట్లో జరిగే ఛాన్సులు కనిపిస్తున్నాయి. బంగ్లాదేశ్ వర్సెస్ టీమ్ ఇండియా మధ్య మొన్న టి20 ప్రపంచ కప్ 2026 సందర్భంగా వివాదం రాజుకుంది. దీంతో ఈ టోర్నమెంట్ బహిష్కరించింది బంగ్లాదేశ్. అటు బంగ్లాదేశ్ లో కూడా పర్యటించబోకూడదని బిసిసిఐ నిర్ణయం తీసుకుంది. ఇలాంటి క్రమంలో 2027 ఆసియా కప్ బంగ్లాదేశ్ లో జరిగితే పరిస్థితి ఏంటని చర్చ జరుగుతోంది. అయితే అప్పటివరకు ఇండియా వర్సెస్ బంగ్లాదేశ్ మధ్య సంబంధాలు పెరిగే అవకాశాలు ఉంటాయని కొందరు చెబుతున్నారు.
ఆసియా కప్ 2027 టోర్నమెంట్ నేపథ్యంలో ఇండియా వర్సెస్ పాకిస్తాన్ మధ్య మ్యాచ్ జరిగే అవకాశాలు స్పష్టంగా కనిపిస్తున్నాయి. ఈ రెండు జట్లు వేర్వేరు గ్రూపుల్లో ఉంటే.. ప్లే ఆఫ్ దశలో తలపడే చాన్స్ ఉంటుంది. ఒకే గ్రూపులో ఉంటే… గ్రూప్ స్టేజిలో కచ్చితంగా తలపడతాయి. మొన్న ఆసియా కప్ 2025 సందర్భంగా కూడా ఇదే జరిగింది.
🚨 ASIA CUP 2027 UPDATE 🚨
– The Asia Cup 2027 is likely to be played in Bangladesh before the ODI World Cup. It will be played in the One Day format. (Mazhar Arshad) pic.twitter.com/VFOhGB64lp
— Rayham. (@RayhamUnplugged) June 3, 2026
Share
ఆన్లైన్ బెట్టింగ్పై సుప్రీంకోర్టు సీరియస్.. రాష్ట్రాలకు ఫ్రీ హ్యాండ్!
కాంగ్రెస్ సర్కార్ పై.. నాగం జనార్దన్ రెడ్డి ఫైర్..?
