Cameron Green – IPL 2026: ఇటీవల దుబాయ్ లో జరిగిన 2026 ఐపీఎల్ మినీ వేలంలో ఆస్ట్రేలియా స్టార్ ఆల్ రౌండర్ కామెరున్ గ్రీన్ అత్యధిక మొత్తానికి అమ్ముడుపోయిన ఆటగాడిగా నిలిచాడు. ఓవరాల్ గా ఐపీఎల్ చరిత్రలో అత్యధిక ధరకు అమ్ముడుపోయిన మూడవ ప్లేయర్ గా రికార్డులకు ఎక్కాడు కామరూన్ గ్రీన్. ఇతడిని కోల్కత్తా నైట్ రైడర్స్ 25.20 కోట్లకు సొంతం చేసుకుంది. కామెరున్ గ్రీన్ ని ఓ కంప్లీట్ ఆల్రౌండర్ గా జట్టులోకి తీసుకున్న కేకేఆర్.. అతనిపై ఎన్నో ఆశలు పెట్టుకుంది.
Also Read: U19 Asia Cup 2025: ACC ఛైర్మన్ నఖ్వీ ఇజ్జత్ తీసిన టీమిండియా… ముఖాన కొట్టిన మెడల్స్
బ్యాట్ తో పాటు బంతి తోను రాణిస్తాడని కేకేఆర్ ఆశిస్తోంది. ఇక తనను కేకేఆర్ భారీ ధరకు కొనడం పై ఆనందాన్ని వ్యక్తం చేశాడు గ్రీన్. ఇందుకు సంబంధించిన వీడియో ని కేకేఆర్ తన సోషల్ మీడియా ఖాతాలో అభిమానులతో పంచుకుంది. ఈ వీడియోలో గ్రీన్.. ఈడెన్ గార్డెన్స్ లో కేకేఆర్ తరఫున ఆడేందుకు ఉత్సాహంగా ఎదురుచూస్తున్నానని.. ఐపీఎల్ 2026 సీజన్ లో కేకేఆర్ కప్ గెలవాలని ఆకాంక్షించాడు.
కామెరున్ గ్రీన్ ని కేకేఆర్ 25.20 కోట్లు వెచ్చించి కొనుగోలు చేసిన విషయం తెలిసిందే. అయితే ఈ మొత్తం అతడి చేతికి వెళ్లదు. ఐపీఎల్ నిబంధనలు, భారత పన్ను చట్టాలు, ఆస్ట్రేలియా ప్రభుత్వ ఆర్థిక విధానాలు, బీసీసీఐ ఆర్థిక విధానాల కారణంగా అతడి వాస్తవ ఆదాయం గణనీయంగా తగ్గిపోతుంది. అన్ని తగ్గింపులు వర్తింపజేసిన తర్వాత కామెరూన్ గ్రీన్ భారతదేశం నుంచి ఇంటికి తీసుకువెళ్లగల మొత్తం సుమారు రూ. 9.74 కోట్లు మాత్రమే. ఇటీవలి కాలంలో మెగా వేళానికి దూరంగా ఉండి.. కేవలం మినీ వేలంలో మాత్రమే పేరు నమోదు చేసుకోవడం ద్వారా కొరత ఆధారిత బిడ్డింగ్ యుద్ధాలను సృష్టిస్తున్నారనే ఆందోళన బీసీసీఐలో తీవ్రంగా పెరిగింది.
దీనిని నియంత్రించేందుకు బోర్డు గరిష్ట రుసుము విధానాన్ని అమలు చేస్తోంది. ఈ విధానం ప్రకారం ఒక విదేశీ ఆటగాడికి ఫ్రాంచైజీ ఎంత ఎక్కువ వెచ్చించి కొనుగోలు చేసినా.. అతడికి నేరుగా చెల్లించే గరిష్ట మొత్తం 18 కోట్లకే పరిమితం అవుతుంది. ఇంతకు మించిన మొత్తం బీసీసీఐ ఆధ్వర్యంలోని ప్లేయింగ్ వెల్ఫేర్ ఫండ్ కి మళ్ళించడం జరుగుతుంది. తద్వారా అతడికి వచ్చిన 25.20 కోట్లలో నేరుగా లభించేది కేవలం 18 కోట్లు మాత్రమే. ఇక ఈ 18 కోట్లు కూడా మొత్తం అతని ఖాతాకి చేరదు. ఇక్కడినుండే అసలు పన్నుల భారం ప్రారంభమవుతుంది.
ఇండియన్ ప్రీమియర్ లీగ్ ద్వారా వచ్చే ఆదాయాన్ని భారత పన్నుల చట్టం వృత్తిపరమైన ఆదాయంగా పరిగణిస్తుంది. ఇది మన దేశ ఆటగాళ్లకు సెక్షన్ 194 J కింద 10% మాత్రమే టి.డి.ఎస్ కి వర్తిస్తుంది. కానీ విదేశీ ఆటగాళ్లకు నాన్ రెసిడెంట్లుగా వర్గీకరించి సెక్షన్ 115 బి.బి.ఏ కింద పన్ను విధిస్తారు. ఇందులో 20% టి.డి.ఎస్ ఉంటుంది. అంతేకాకుండా అతని ఆదాయం ఎక్కువగా ఉండటం వల్ల సర్ చార్జ్, సెస్ లు కూడా వర్తిస్తాయి. ఇలా అతని 18 కోట్లలో 20% టి.డి.ఎస్ విధిస్తే 3.60 కోట్లు తగ్గుతుంది. అంతేకాకుండా దీని మీద 25% సర్ ఛార్జ్ తో మరో 90 లక్షలు కట్ అవుతుంది. అదనంగా 4% సెస్ గా మరో 18 లక్షలు కట్ అవుతాయి.
Also Read: Ishan Kishan: వివాదంలో ఇషాన్ కిషన్..టీ20 వరల్డ్ కప్ కాదు, నాకు తినడం, పడుకోవడమే కావాలి !
ఇలా మన ప్రభుత్వం వద్దే మొత్తంగా 4.68 కోట్ల పన్నుల రూపంలో కట్ అవుతాయి. ఈ అన్ని తగ్గింపుల తర్వాత ఇండియా నుండి గ్రీన్ సుమారు 13.32 కోట్లను మాత్రమే ఆస్ట్రేలియాకి తీసుకువెళ్తాడు. ఇక తన దేశంలో కూడా అతడి పై ఆధాయ పన్ను, మెడికేర్ లేవీ వర్తిస్తుంది. ఆస్ట్రేలియా – భారత్ మధ్య ఉన్న డబుల్ టాక్సేషన్ అవాయిడెన్స్ ఒప్పందం ప్రకారం.. భారత్ లో చెల్లించిన పన్నుకు అతడికి క్రెడిట్ లభించినప్పటికీ.. ఆస్ట్రేలియాలో అతనిపై పన్ను భారం తప్పదు. ఆస్ట్రేలియాలో కూడా వివిధ రకాల పన్నుల కింద దాదాపు 3.58 కోట్లు చెల్లించాల్సి ఉంటుంది. ఇవన్నీ పోగా గ్రీన్ తన ఇంటికి తీసుకు వెళ్ళేది 25.20 కోట్లలో రూ. 9.74 కోట్లు మాత్రమే.
Share
Phone Tapping Case: ఫోన్ ట్యాపింగ్ కేసులో సిట్ దూకుడు.. మాజీ సీఎస్లు, ఇంటెలిజెన్స్ చీఫ్ విచారణ
Amazon offers: సౌండ్ అదిరిపోవాల్సిందే.. జేబీఎల్, సోనీ, నాయిస్ హెడ్ఫోన్స్పై అమెజాన్లో సగానికి పైగా తగ్గింపు
