Sunil Gavaskar on H. Pandya: దేశం కోసం ఆడే ఆటగాళ్లలో హార్దిక్ పాండ్యా కూడా ఒకడు: గవాస్కర్!

Gavaskar Said Hardik Pandya will Be a different Player in T20 World Cup: జూన్ 2 నుంచి టీ20 వరల్డ్‌కప్ ప్రారంభం కానున్న సంగతి తెలిసిందే. ఈ నేపథ్యంలో హార్దిక్ పాండ్యా ఎంపిక కరెక్ట్ కాదని, ఫామ్‌లో లేని తనని, ఎందుకు ఎంపిక చేశారని నెటిజన్లు ప్రశ్నిస్తున్నారు. ముంబై ఫ్రాంచైజీ ఓనర్ల నుంచి ఒత్తిడి వచ్చిందా? లేక గుజరాత్ వాడని, అమిత్ షాతో కలిసి తిరిగాడని తీసుకున్నారా? అని ఓపెన్ గానే ప్రశ్నిస్తున్నారు.

ఈ అంశాలపై క్రికెట్ దిగ్గజం సునీల్ గవాస్కర్ అందరికీ స్ట్రాంగ్ కౌంటర్ ఇచ్చాడు. ప్రతీ అంశాన్ని వ్యక్తిగతంగా ముడిపెట్టి చూడకూడదని అన్నాడు. ఏదో నాలుగు మ్యాచ్ లు సరిగా ఆడలేదని, ఆ ఆటగాడి కెరీర్ మొత్తాన్ని డిసైడ్ చేయలేమని అన్నాడు. నిజానికి ఐపీఎల్ వేరు, వరల్డ్‌కప్ వేరని అన్నాడు.

ఐపీఎల్‌లో ఆడటానికి, దేశం కోసం ప్రాతినిధ్యం వహించడానికి చాలా తేడా ఉంటుందని తెలిపాడు. జాతీయ జట్టుకు ఆడుతున్నప్పుడు.. ప్రతి ఆటగాడు ఎంతో గర్వంగా ఫీలవుతాడు. హార్దిక్ పాండ్యా అయితే అందుకు రెట్టింపు ఫీలవుతాడు. అదే తన బలం కూడా అని అన్నాడు. దేశం కోసం కమిట్ మెంట్ తో ఆడేవారిలో హార్దిక్ పాండ్యా ఒకడని అన్నాడు.

Also Read: రాజస్థాన్ ఆగుతారా? సాగుతారా? నేడు హైదరాబాద్ సన్ రైజర్స్ తో మ్యాచ్

ప్రస్తుతం జరుగుతున్న ఐపీఎల్‌లో అతడు ఎన్నో సమస్యల్ని ఎదుర్కుంటున్నాడు. అయినా వాటిని అధిగమిస్తూ.. తన బాధ్యతల్ని చక్కగా నిర్వర్తిస్తున్నాడని కితాబునిచ్చాడు. వరల్డ్‌కప్ కోసం భారత్ తరఫున రంగంలోకి దిగినప్పుడు.. పాండ్యా మైండ్‌సెట్ పూర్తి భిన్నంగా ఉంటుందని అన్నాడు.

నిజానికి వన్డే వరల్డ్ కప్ 2023 ఫైనల్ లో పాండ్యా లేని లోటు స్పష్టంగా కనిపించిందని అన్నాడు. తనే గానీ ఉండి ఉంటే మనకి కచ్చితంగా కప్పు కొట్టేవాళ్లమని అన్నాడు. బ్యాటింగ్‌, బౌలింగ్‌ విభాగాల్లో పాండ్యా భాగస్వామ్యం ఎంతో కీలకం అవుతుందని అన్నాడు.

Also Read: MI vs kkr Preview IPL 2024: ముంబైకి చావో రేవో.. నేడు కోల్ కతాతో మ్యాచ్

ఇక్కడ ఐపీఎల్ లో అంటే వ్యక్తిగతంగా ఒత్తిడి ఉంటుంది. టీమ్ ఇండియాలో ఆడేటప్పుడు ఆ తలనొప్పి రోహిత్ శర్మ, రాహుల్ ద్రవిడ్ వీరందరూ పడతాడరు. తనకేమీ ఉండదు కదా అన్నాడు. ప్రస్తుతం నాకు మంచి జట్టుని ఎంపికచేశారు. తప్పకుండా టైటిల్ రేస్ లో టీమ్ ఇండియా ఉంటుందని అన్నాడు.