IND VS SA 2nd Test: నేటి నుంచే రెండో టెస్ట్..లంచ్‌, టీ బ్రేక్ లో మార్పులు, 30 నిమిషాలు ముందుగానే

IND VS SA 2nd Test: టీమిండియా మరో రసవత్తర ఫైట్ కు సిద్ధమైంది. టీమిండియా వర్సెస్ దక్షిణాఫ్రికా ( India vs South Africa, 2nd Test ) మధ్య ప్రస్తుతం టెస్ట్ సిరీస్ జరుగుతోంది. ఈ టెస్ట్ సిరీస్ నేపథ్యంలో ఇప్పటికే తొలి టెస్ట్ ఈడెన్ గార్డెన్స్ వేదికగా జరగగా, అందులో 30 పరుగులు తేడాతో టీమ్ ఇండియా దారుణ ఓటమి చవిచూసింది. చేజేతులా టీమిండియా ఆ మ్యాచ్ లో ఓడిపోయింది. ఇక ఇవాల్టి నుంచి ఈ రెండు జట్ల మధ్య రెండో బిగ్ ఫైట్ జరగనుంది. గౌహతి బర్సపారా క్రికెట్ స్టేడియం ( Barsapara Cricket Stadium, Guwahati) వేదికగా దక్షిణాఫ్రికా వర్సెస్ టీమ్ ఇండియా మధ్య రెండో టెస్టు ఇవాళ ఉదయం ప్రారంభం అవుతుంది. ఇక ఈ మ్యాచ్ కు గిల్ దూరం అవుతున్నాడు. దీంతో రిష‌బ్ పంత్ కెప్టెన్ గా జ‌ట్టును న‌డిపించ‌నున్నాడు.

Also Read: 2025–26 Ashes series: ఇవాళ్టి నుంచే ‘యాషెస్’ సమరం.. టాస్ గెలిచిన ఇంగ్లాండ్, టైమింగ్స్‌, ఉచితంగా ఎలా చూడాలంటే !

దక్షిణాఫ్రికా వర్సెస్ టీమిండియా మధ్య మ్యాచ్ టైమింగ్స్ లో మార్పులు

దక్షిణాఫ్రికా వర్సెస్ టీమ్ ఇండియా మధ్య నేటి నుంచి గౌహతి బర్సపారా క్రికెట్ స్టేడియం
వేదికగా రెండో టెస్టు ప్రారంభం కానుంది. అయితే ఈ టెస్ట్ నేపథ్యంలో కీలక మార్పులు చోటు చేసుకోనున్నాయి. మ్యాచ్ టైమింగ్స్, లంచ్, టీ బ్రేక్ లలో కీలక పరిణామాలు జరగనున్నాయి. గౌహతిలో సూర్యుడు కాస్త ముందుగా రానున్నాడట. అలాగే సాయంత్రం కూడా త్వరగా చీకటి కానుంది. దీనికి చలికాలమే కారణం. ఈ నేపథ్యంలో టీ బ్రేక్ ఉదయం పూట నిర్వహించబోతున్నారు. మధ్యాహ్నం లంచ్ బ్రేక్ ఉంటుంది. మొదటి సెషన్ 30 నిమిషాలు ముందుగానే ప్రారంభమవుతుంది. మ్యాచ్ సాయంత్రం దాదాపు గంట ముందే ఫినిష్ కానుంది. అంటే 8:30 గంటలకు టాస్ ప్రక్రియ ఉదయం ఉంటుంది. 9 గంటలకు మ్యాచ్ ప్రారంభమవుతుంది. 11 గంటల వరకు తొలి సెషన్ పూర్తవుతుంది. 11 నుంచి 11:20 గంటల వరకు అంటే 20 నిమిషాల పాటు టీ బ్రేక్ ఇస్తారు. 12:20 నుంచి 1:20 మధ్యాహ్నం వరకు రెండవ సెషన్ కొనసాగుతుంది. 1.20 గంటల నుంచి 2PM వరకు లంచ్ బ్రేక్ ఇస్తారు. ఇక మూడవ సెషన్ మధ్యాహ్నం 2 గంటల నుంచి సాయంత్రం నాలుగు గంటల వరకు కొనసాగుతుంది.

Also Read: Asia Cup Rising Stars 2025: టీమిండియా వ‌ర్సెస్ బంగ్లా మ‌ధ్య సెమీస్‌..పాకిస్తాన్ మ్యాచ్ కూడా, టైమింగ్స్‌, ఉచితంగా ఎలా చూడాలంటే

ఇరు జ‌ట్ల అంచ‌నా

ఇండియా ప్రాబబుల్ XI: యశస్వి జైస్వాల్, KL రాహుల్, వాషింగ్టన్ సుందర్, సాయి సుదర్శన్, ధ్రువ్ జురెల్, రిషబ్ పంత్ (c & wk), రవీంద్ర జడేజా, అక్షర్ పటేల్/నితీష్ రెడ్డి, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్

దక్షిణాఫ్రికా ప్రాబబుల్ XI: ర్యాన్ రికెల్టన్, ఐడెన్ మార్క్రామ్, వియాన్ ముల్డర్, టెంబా బావుమా (సి), టోనీ డి జోర్జి, ట్రిస్టన్ స్టబ్స్, కైల్ వెర్రెయిన్నే (వారం), మార్కో జాన్సెన్, కార్బిన్ బాష్/లుంగి ఎన్గిడి, సైమన్ హార్మర్, కేశవ్ మహారాజ్