Asia Cup Rising Stars 2025: ఆసియా కప్ రైజింగ్ స్టార్స్ 2025 టోర్నమెంట్ ( ACC Mens Asia Cup Rising Stars 2025) తుది దశకు వచ్చింది. ఈ టోర్నమెంట్ లో భాగంగా ఇప్పటికే నాలుగు జట్లు సెమీ ఫైనల్ కు దూసుకువెళ్లాయి. గ్రూప్ Aలో ఉన్న బంగ్లాదేశ్ A, శ్రీలంక A జట్లు సెమీ ఫైనల్ కు క్వాలిఫై అయ్యాయి. అటు గ్రూప్ బీలో ఉన్న టీమిండియా A అలాగే పాకిస్తాన్ A జట్లు కూడా విజయవంతంగా సెమీ ఫైనల్ కు చేరుకున్నాయి. దీంతో ఈ నాలుగు జట్ల మధ్య సెమీ ఫైనల్ మ్యాచ్ లు రెండు జరగబోతున్నాయి. ఇందులో గెలిచిన జట్లు ఆసియా కప్ రైజింగ్ స్టార్స్ 2025 టోర్నమెంట్ ఫైనల్స్ లో తలపడతాయి. నవంబర్ 23వ తేదీన దోహాలోని వెస్ట్ ఎండ్ పార్క్ ఇంటర్నేషనల్ క్రికెట్ స్టేడియం వేదికగా ఫైనల్ మ్యాచ్ ఉంటుంది.
టీమిండియా A వర్సెస్ బంగ్లాదేశ్ A జట్ల మధ్య శుక్రవారం అంటే నవంబర్ 21వ తేదీన తొలి సెమీ ఫైనల్ మ్యాచ్ జరగనుంది. మధ్యాహ్నం 3 గంటల సమయంలో ఈ సెమీ ఫైనల్ మ్యాచ్ ప్రారంభం కానుంది. దోహాలోని వెస్ట్ ఎండ్ పార్క్ ఇంటర్నేషనల్ క్రికెట్ స్టేడియం వేదికగానే ఈ మ్యాచ్ జరుగుతుంది. ఈ మ్యాచ్ పూర్తికాగానే రాత్రి 8 గంటలకు పాకిస్తాన్ A వర్సెస్ శ్రీలంక A జట్ల మధ్య రెండో సెమీ ఫైనల్ జరగనుంది. టి20 ఫార్మాట్ లో జరగనున్న ఈ రెండో సెమీ ఫైనల్ కూడా దోహా స్టేడియం వేదికగానే జరగనుంది. ఈ రెండు సెమీ ఫైనల్స్ లో గెలిచిన జట్లు ఫైనల్ కు చేరుతాయి. ప్రాథమిక అంచనా ప్రకారం టీమ్ ఇండియా అలాగే పాకిస్తాన్ రెండు జట్లు ఫైనల్ కు వెళ్తాయని అంటున్నారు. ఆసియా కప్ రైజింగ్ స్టార్స్ 2025 టోర్నమెంట్ కు సంబంధించిన సెమీ ఫైనల్ మ్యాచ్ లను సోనీ స్పోర్ట్స్ నెట్ వర్క్ లో తిలకించవచ్చు. అలాగే సోనీ లివ్ యాప్ లో కూడా ఈ ప్రసారాలు రానున్నాయి.
టీమిండియా వర్సెస్ బంగ్లాదేశ్ జట్ల అంచనా
భారతదేశం A: ప్రియాంష్ ఆర్య, వైభవ్ సూర్యవంశీ, నేహాల్ వధేరా, నమన్ ధీర్ (vc), జితేష్ శర్మ (c) (wk), రమణదీప్ సింగ్, హర్ష్ దూబే, అశుతోష్ శర్మ, సుయాష్ శర్మ,, గుర్జప్నీత్ సింగ్, విజయ్ కుమార్ వైషక్.
బంగ్లాదేశ్ A: అక్బర్ అలీ (c), Md. హబీబుర్ రెహమాన్, యాసిర్ అలీ, జిషాన్ ఆలం, అరిఫుల్ ఇస్లాం, రకీబుల్ హసన్, మహిదుల్ అంకోన్ (wk), తోఫెల్ అహ్మద్ రేహాన్, మృత్తుంజోయ్ చౌదరి, మెహెరోబ్ హసన్, రిపాన్ మొండోల్.
Share
Sleeping With Wet Hair: వామ్మో.. తడి జుట్టుతో నిద్రపోతే ఇలా జరుగుతుందా ? ఇకనుంచైనా మానేయండి !
KTR: కేటీఆర్కు హైకోర్టులో భారీ ఊరట.. ఆ కేసు కొట్టివేత
