AUS vs ZIM-IND WC Wins: టి20 ప్రపంచ కప్ 2026 టోర్నమెంట్ ( T20 World Cup 2026 tournament ) నేపథ్యంలో ఇండియా వరుసగా విజయాలు నమోదు చేసుకుంటూ ముందుకు సాగుతోంది. దీంతో ఈ సారి ఇండియా టైటిల్ గెలుస్తుందని అందరూ అంటున్నారు. దానికి తగ్గట్టుగానే జింబాబ్వే ( zimbabwe ) సెంటిమెంట్ కూడా వర్కౌట్ అయ్యేలా కనిపిస్తోంది. ఐసీసీ నిర్వహించిన టోర్నమెంట్స్ లో ఆస్ట్రేలియాను ( australia) జింబాబ్వే ఓడిస్తే ఇండియా గెలుస్తోంది. ఆ టోర్నమెంట్ లో ఛాంపియన్ గా నిలుస్తోంది. 1983 అలాగే 2007 సంవత్సరాలలో ఇదే సెంటిమెంట్ వర్కౌట్ అయింది. ఈ 2026 T20 ప్రపంచ కప్ టోర్నమెంటులో కూడా ఆస్ట్రేలియాను జింబాబ్వే ఓడించింది. దీంతో ఇండియా నే ( Team India) ఛాంపియన్ అవుతుందని సోషల్ మీడియాలో పోస్టులు పెడుతున్నారు క్రికెట్ అభిమానులు.
టి20 ప్రపంచ కప్ 2026 టోర్నమెంట్ లో ( T20 World Cup 2026 tournament ) భాగంగా ఇండియా అద్భుతంగా రాణిస్తోంది. ఈ టోర్నమెంట్ లో ఇప్పటికే రెండు మ్యాచ్లు విజయం సాధించిన టీమిండియా రేపు పాకిస్తాన్ తో తలపడుతుంది. అందులో విజయం సాధిస్తే సూపర్ 8లోకి దూసుకు వెళ్తుంది. అయితే ఇలాంటి నేపథ్యంలో సెంటిమెంట్ టీమిండియాకు కలిసి వచ్చేలా కనిపిస్తోంది. జింబాబ్వే వర్సెస్ ఆస్ట్రేలియా మధ్య మ్యాచ్. శుక్రవారం జరిగిన జింబాబ్వే వర్సెస్ ఆస్ట్రేలియా మ్యాచ్ లో అనుకోని సంఘటన జరిగింది. బలమైన ఆస్ట్రేలియా జట్టును జింబాబ్వే చిత్తుగా ఓడించింది. అయితే ఈ ఐసీసీ టోర్నమెంట్ లో ఎప్పుడైతే ఆస్ట్రేలియాలో జింబాబ్వే ఓడిస్తుందో.. ఆ టోర్నమెంట్ లో ఇండియా ఛాంపియన్ అవుతోంది.
1983 సంవత్సరంలో వన్డే వరల్డ్ కప్ జరిగింది. ఆ సమయంలో 13 పరుగుల తేడాతో ఆస్ట్రేలియాను ( Australia) జింబాబ్వే ( Zimbabwe) ఓడించింది. దీంతో ఫైనల్ లో కపిల్ దేవ్ కెప్టెన్సీలో తొలి వన్డే వరల్డ్ కప్ గెలిచింది ఇండియా. ఇక 2007లో ఐదు వికెట్ల తేడాతో టి20 ప్రపంచకప్ లో ఆస్ట్రేలియాను ఓడించింది జింబాబ్వే. అప్పుడు కూడా ధోని ( Ms Dhoni) కెప్టెన్సీలోని టీమిండియా టి20 ప్రపంచ కప్ తొలి ట్రోఫీని అందుకుంది. ఇక ఇప్పుడు 23 పరుగుల తేడాతో ఆస్ట్రేలియాను చిత్తుగా ఓడించింది జింబాబ్వే. అంటే పైన పేర్కొన్న సెంటిమెంట్ ప్రకారం 2026 టీ20 ప్రపంచ కప్ 2026 టోర్నమెంటును సూర్య కుమార్ యాదవ్ కెప్టెన్సీ లోని టీమ్ ఇండియా గెలుచుకోనుంది అన్నమాట. దీంతో ఇండియన్ ఫ్యాన్స్ సంబరపడిపోతున్నారు. టి20 ప్రపంచ కప్ 2026 టోర్నమెంట్ ఇండియాలోనే జరుగుతోంది. ఇది టీమిండియా జట్టుకు కాస్త అడ్వాంటేజ్ కానుంది. ఇక జింబాబ్వే వర్సెస్ ఆస్ట్రేలియా సెంటిమెంట్ ప్రకారం అన్ని వర్కౌట్ అయితే కచ్చితంగా సూర్యకుమార్ యాదవ్ సేన టైటిల్ ఎగురేసుకు వెళ్ళనుంది
Zimbabwe winning against Australia in World Cups
1983 – by 13 runs (ODI)
2007 – by 5 wickets (T20)
2026 – by 23 runs (T20) pic.twitter.com/p6uPY2znPX— Cricketopia (@CricketopiaCom) February 13, 2026