SRH Vs RR Match Highlights: హైదరాబాద్ మ్యాచ్ లో.. వింతలు-విశేషాలు!

Sunrisers Hyderabad Vs Rajasthan Royals Match Highlights: ఐపీఎల్ మ్యాచ్ ల్లో ఎప్పుడేం జరుగుతుందో ఎవరూ ఊహించలేరు. ఎప్పుడెవరు గెలుస్తారో, ఎవరు ఓడిపోతారనేది ఎవరి చేతుల్లో ఉండదు. చివరి వరకు గెలుస్తారని భావించిన రాజస్థాన్ రాయల్స్ ఓడిపోయంది. అయిపోయిందిరా హైదరాబాద్ పని అనుకున్నది చివరికి గెలిచింది. ఇలా ఉత్కంఠభరితమైన పోరులో జరిగిన ఎన్నో వింతలు, విశేషాలు, రికార్డులను ఒకసారి చూసేద్దాం…

ఐపీఎల్ లో పరుగుల పరంగా చూస్తే రాజస్థాన్ అతి తక్కువ పరుగుల తేడాతో ఓటమి పాలు కావడం ఇది రెండోసారి. మొదటిసారి 2012 సీజన్ లో ఢిల్లీపై ఒక్క పరుగు తేడాతో ఇలాగే ఓటమి పాలైంది.

ఐపీఎల్ లో ఓడిపోయిన మ్యాచ్ లో అత్యధిక భాగస్వామ్యం నమోదైన రెండో జోడీ గా యశస్వి జైశ్వాల్- రియాన్ పరాగ్ నిలిచారు. ఇద్దరూ హైదరాబాద్ పై మూడో వికెట్ కు 134 పరుగులు జోడించారు. అంతకుముందు 2018లో బెంగళూరుపై కేన్ విలియమ్సన్-మనీశ్ పాండె (135) చేశారు.

Also Read: అప్పటివరకు టెన్షన్‌.. విజయం తర్వాత కావ్యమారన్ ఎగిరి..

ఒక ఇన్నింగ్స్ లో అత్యధిక సిక్స్ లు కొట్టిన హైదరాబాద్ ఆటగాళ్ల జాబితాలో 8 సిక్స్ లతో డేవిడ్ వార్నర్, మనీశ్ పాండె, క్లాసెన్, తాజాగా హెడ్, నితీశ్ రెడ్డి చేరారు.

ఐపీఎల్ సీజన్ 2024లో మొత్తం ఆరు మ్యాచ్ ల్లో టార్గెట్లను కాపాడుకుని, ఐదు మ్యాచ్ ల్లో విజయం సాధించింది. ఒకదాంట్లో ఓటమి పాలైంది.

ఐపీఎల్ లో అతి తక్కువ పరుగుల తేడాతో విజయం సాధించడం హైదరాబాద్ కి ఇదే తొలిసారి. ఇదే సీజన్ లో పంజాబ్ పై 2 పరుగుల తేడాతో గెలిచింది.

Also Read: T20 World Cup 2024: టీ 20 ప్రపంచకప్ టీమ్ ప్రదర్శనతో బెంబేలు..! ఇలా ఆడితే కప్పు ఎలా..?

ఎట్టకేలకు హైదరాబాద్ విజయం సాధించి ప్లే ఆఫ్ అవకాశాలను పదిలం చేసుకుంది. ఇప్పటివరకు 10 మ్యాచ్ లు ఆడి 6 మ్యాచ్ ల్లో విజయం సాధించింది. 12 పాయింట్లతో 4వ స్థానంలో ఉంది. ఇంకా నాలుగు మ్యాచ్ లు ఆడాల్సినవి ఉన్నాయి.

మరో 2 గెలిస్తే మాత్రం 16 పాయింట్లతో కళ్లు మూసుకుని ప్లే ఆఫ్ కి చేరుతుందని సీనియర్లు చెబుతున్నారు. పోనీలే రూ.20 కోట్లు పెట్టి కెప్టెన్ కమిన్స్ ని కొన్న హైదరాబాద్ ఫ్రాంచైజీకి తను న్యాయం చేశాడని అందరూ నెట్టింట కొనియాడుతున్నారు.

Share

• 
• 
• 
• 
• 
•