IPL Auction 2026: పృథ్వీ షా, స‌ర్ఫ‌రాజ్‌ UNSOLD..KKR లోకి కామెరాన్ గ్రీన్…ఎన్ని కోట్లంటే

IPL Auction 2026: ఇండియన్ ప్రీమియర్ లీగ్ 2026 టోర్నమెంటుకు సంబంధించిన మినీ వేలం కాసేపటి క్రితమే ప్రారంభమైంది. అబుదాబి వేదికగా మధ్యాహ్నం రెండున్నర గంటలకు ప్రారంభమైన ఈ మినీ వేలంలో కీలక ప్లేయర్లకు ఊహించని ఎదురు దెబ్బ తగిలింది. దాదాపు చాలా మంది అన్ సోల్డ్‌ గా మిగిలిపోతున్నారు. ఈ లిస్టులో పృథ్వీ షా, జాక్ ప్రెజర్, చెన్నై సూపర్ కింగ్స్ జట్టుకు సంబంధించిన డేవన్ కాన్వే అన్ సోల్డ్‌ అయ్యారు. ఈ ముగ్గురు ప్లేయర్లు మొదట వేలంలోకి రాగా, ఏ ఫ్రాంచైజీ కూడా కొనుగోలు చేసేందుకు ముందుకు రాలేదు. దీంతో పృథ్వీ షాతో పాటు మిగిలిన ఆ ఇద్దరు ప్లేయర్లకు షాక్ తగిలింది. అటు డేవిడ్ మిల్లర్ రెండు కోట్లు పలికాడు. రెండు కోట్లకు డేవిడ్ మిల్లర్ ను ఢిల్లీ క్యాపిటల్స్ తెలివిగా దక్కించుకుంది. అతడు గతంలో గుజరాత్ టైటాన్స్ ఆడిన సంగతి తెలిసిందే. ఇప్పుడు ఢిల్లీకి ఆడ బోతున్నాడు మిల్ల‌ర్‌.

Also Read: Vaibhav Suryavanshi: 3 ఏళ్లుగా అదే చెబుతున్నావ్, వైభ‌వ్ ఏజ్ పై పాకిస్తాన్ ఫ్యాన్స్ ట్రోల్స్‌.. ఛీట‌ర్ అంటూ అరుపులు

కేకేఆర్ లోకి గ్రీన్‌…ఎన్ని కోట్లంటే

ఐపీఎల్ 2026 టోర్నమెంట్ మినీ వేలంలో ఆల్రౌండర్ కామెరాన్ గ్రీన్ అందరు ఊహించినట్లుగానే భారీ ధర పలికాడు. కామెరాన్ గ్రీన్ ను కొనుగోలు చేసేందుకు అన్ని ఫ్రాంచైజీలు పోటీపడ్డాయి. కానీ చివరికి కేకేఆర్ జట్టు కామెరాన్ గ్రీన్ ను 25.20 కోట్లకు దక్కించుకుంది. కామెరాన్ గ్రీన్ ను దక్కించుకునేందుకు చెన్నై సూపర్ కింగ్స్ కూడా చివరి వరకు ట్రై చేసింది. కానీ కేకేఆర్ దగ్గర డబ్బులు ఎక్కువగా ఉన్న నేపథ్యంలో, చెన్నై సూపర్ కింగ్స్ అతన్ని వదులుకోవాల్సి వచ్చింది. ఈ నేపథ్యంలోనే గ్రీన్ 25.20 కోట్లు దక్కించుకొని రికార్డు సృష్టించాడు.

సర్ఫరాజ్ ఖాన్ కూడా అన్ సోల్డ్‌

ఎన్నో అంచనాల మధ్య సర్ఫరాజ్ ఖాన్ ఐపీఎల్ మినీ వేలంలోకి దిగాడు. సర్ఫరాజ్ ఖాన్ ను ఎవరో ఒకరు కొనుగోలు చేస్తారని అందరూ అంచనా వేశారు. చివరికి చెన్నై సూపర్ కింగ్స్ జట్టైనా కొనుగోలు చేస్తుందని అనుకున్నారు. కానీ సర్ఫరాజ్ ఖాన్ కు ఊహించని ఎదురు దెబ్బ తగిలింది. పృథ్వీ షా తరహాలోనే స‌ర్ఫ‌రాజ్‌ కూడా ఎవరు కొనుగోలు చేయలేదు.

Also Read: IPL 2026 Auction: ఐపీఎల్ 2026 షెడ్యూల్ లో మార్పు…నేడే మినీ వేలం, టైమింగ్స్, ఉచితంగా ఎక్క‌డ చూడాలంటే