Rohit Sharma: టీమిండియా స్టార్ క్రికెటర్ రోహిత్ శర్మ ( Rohit Sharma) గురించి ప్రత్యేకంగా చెప్పాల్సిన పనిలేదు. టి20 లతోపాటు టెస్టులకు రిటైర్మెంట్ ప్రకటించిన రోహిత్ శర్మ కేవలం వన్డేలు మాత్రమే ఆడుతున్నాడు. ఈ నేపథ్యంలోనే మొన్న దక్షిణాఫ్రికా పైన దుమ్ము లేపిన రోహిత్ శర్మ, టీమిండియాకు సిరీస్ రావడంలో తన వంతు కృషి చేశాడు. అయితే, అలాంటి రోహిత్ శర్మ, రితిక సజ్దేతో అల్లు అర్జున్ సోదరుడు అల్లు శిరీష్ ఎంజాయ్ చేస్తూ కనిపించాడు. దీనికి సంబంధించిన వీడియో అలాగే ఫోటోలు వైరల్ గా మారాయి.
టీమిండియా స్టార్ ఓపెనర్, మాజీ కెప్టెన్ రోహిత్ శర్మ ఫ్యామిలీతో అల్లు అర్జున్ సోదరుడు అల్లు శిరీష్ సందడి చేశారు. ఈ సందర్భంగా డిన్నర్ చేసినట్లుగానే ఒకే టేబుల్ పైన రోహిత్ శర్మ, ఆయన భార్య రితిక సజ్దే శర్మ అలాగే అల్లు శిరీష్ మెరిశారు. ఈ సందర్భంగా వాళ్ళ మధ్య ఆసక్తికర సంభాషణ జరిగింది. అయితే ఈ ముగ్గురు కలవడానికి ఒక ప్రత్యేకమైన కారణం ఉంది. యాక్సిస్ మ్యాక్స్ లైఫ్ ( Axis Max Life ) యాడ్ షూట్ లో భాగంగా ఈ ముగ్గురు కలిశారు. యాక్సిస్ బ్యాంకు కు సంబంధించిన లైఫ్ ఇన్సూరెన్స్ ప్రాజెక్టును ఈ సందర్భంగా ప్రమోట్ చేశారు.
ఈ ప్రమోషన్ వీడియోలో షూటింగ్ గురించి అల్లు శిరీష్ ( Allu Sirish ) మాట్లాడుతుంటే, ఫుల్ షాట్ ఆడతనంటూ రోహిత్ శర్మ సందడి చేస్తూ ఉంటాడు. అటు వీళ్ళిద్దరి డైలాగ్ల మధ్య రితిక సజ్దే ( Ritika Sajdeh) నోరు తెరిచి చూస్తూ ఉంటారు. దీంతో ఈ వీడియో వైరల్ గా మారింది. అయితే ఈ వీడియోని చూసిన క్రికెట్ అభిమానులు, సినిమా ప్రియులు రకరకాలుగా కామెంట్స్ చేస్తున్నారు. రోహిత్ శర్మ కుటుంబంతో అల్లు అర్జున్ కుటుంబానికి సంబంధాలు ఉన్నాయని అంటున్నారు. వాళ్లు చుట్టాలు అవుతారని మరి కొంతమంది కామెంట్స్ చేస్తున్నారు. త్వరలోనే తన పెళ్లి కాబట్టి రోహిత్ శర్మ కుటుంబాన్ని అల్లు శిరీష్ కలిసినట్లు మరి కొంతమంది సెటైర్లు పేలుచుతున్నారు.
అల్లు అర్జున్ సోదరుడు అల్లు శిరీష ( Allu Sirish ) త్వరలోనే పెళ్లి చేసుకోబోతున్న సంగతి తెలిసిందే. తన ప్రియురాలు నయనికను వివాహం చేసుకోబోతున్నాడు అల్లు శిరీష్. ఇందులో భాగంగానే అక్టోబర్ 31వ తేదీన అల్లు శిరీష్ అలాగే నయనిక ( Nayanika) ఎంగేజ్మెంట్ కూడా జరిగింది. అల్లు రామలింగయ్య జయంతి రోజునే వీళ్ళ ఎంగేజ్మెంట్ జరగడం గమనార్హం. ఇంకా ఇద్దరు వివాహం ఫిబ్రవరి ప్రారంభంలో జరిగే అవకాశాలు ఉన్నాయి.
Rohit Sharma and Ritika bhabhi with Allu Arjun brother in new ad shoot for AxisMaxLife❤️
— 𝐑𝐮𝐬𝐡𝐢𝐢𝐢⁴⁵ (@rushiii_12) December 10, 2025
Share
Mobile Recharge Hike: స్మార్ట్ఫోన్ యూజర్లపై టెలికాం కంపెనీల పిడుగు.. మరికొన్ని రోజుల్లో పెరగనున్న మొబైల్ రీచార్జ్ ధరలు
Nindu Noorella Saavasam Serial Today December 11th: ‘నిండు నూరేళ్ల సావాసం’ సీరియల్: ఆరును గుర్తు పట్టి మిస్సమ్మను ఆశీర్వదించమన్న రామ్మూర్తి 
