RR VS SRH: ఇండియన్ ప్రీమియర్ లీగ్ 2026 టోర్నమెంట్ ( Indian Premier League 2026 Tournament) ఎలిమినేటర్ మ్యాచ్ సందర్భంగా సన్ రైజర్స్ హైదరాబాద్, రాజస్థాన్ రాయల్స్ (Sunrisers Hyderabad vs Rajasthan Royals ) మధ్య ఆఫ్ బిగ్ ఫైట్ జరిగింది. అయితే ఇందులో తప్పక గెలవాల్సిన హైదరాబాద్ 47 పరుగుల తేడాతో ఓడిపోయింది. వైభవ్ సూర్య వంశీ 97 పరుగుల భారీ ఇన్నింగ్స్ ఆడిన నేపథ్యంలో.. హైదరాబాద్ కోలుకోలేకపోయింది. టాప్ ఆర్డర్ విఫలమైన తరుణంలో ఓడిపోయి ఇంటిదారి పట్టింది హైదరాబాద్.
Also Read: Vaibhav-Parag: వైభవ్ పెద్ద హీరో ఏం కాదు..అసూయ బయటపెట్టిన రియాన్ పరాగ్, ఇదిగో షాకింగ్ వీడియో
ఎలిమినేటర్ మ్యాచ్ సందర్భంగా రాజస్థాన్ రాయల్స్ చేతిలో హైదరాబాద్ ఓడిపోయిన క్రమంలో ఆసక్తికర చర్చ తెరపైకి వచ్చింది. హైదరాబాద్ ఓటమికి పాకిస్తాన్ కారణమంటూ సోషల్ మీడియాలో పోస్టులు వైరల్ అవుతున్నాయి. ది 100 లీగ్ సందర్భంగా పాకిస్తాన్ ఆటగాడు అబ్రార్ అహ్మద్ ను (Abrar Ahmed) కావ్య పాప (Kavya Maran) కొనుగోలు చేసిన తర్వాత హైదరాబాద్ జట్టుకు దరిద్రం చుట్టుకుందని సోషల్ మీడియాలో పోస్టులు పెడుతున్నారు కొంత మంది క్రికెట్ అభిమానులు. అనవసరంగా పాకిస్తాన్ వాడిని కొనుగోలు చేసి.. నెగిటివిటీని హైదరాబాద్ జట్టు కొని తెచ్చుకుందని మండిపడుతున్నారు.
భారతదేశానికి అన్యాయం చేస్తున్న పాకిస్తాన్ దేశానికి సంబంధించిన అబ్రార్ అహ్మద్ ను కొనకూడదని సోషల్ మీడియాలో చాలా మంది మొత్తుకున్నారు. పహల్గామ్ సంఘటన నేపథ్యంలో దాదాపు 22 మంది యాత్రికులను పాకిస్తాన్ దుర్మార్గులు పొట్టన పెట్టుకున్నారు. ఇదంతా జరిగిన కూడా అబ్రార్ అహ్మద్ ను కొనుగోలు చేసి కావ్య పాప తప్పిదం చేసిందని సీరియస్ అవుతున్నారు. ఆ పాపమే ఇప్పుడు హైదరాబాద్ జట్టుకు చుట్టుకుందని దారుణమైన పోస్టులతో రెచ్చిపోతున్నారు. కాగా అబ్రార్ అహ్మద్ ను సన్ రైజర్స్ లీడ్స్ ఓనర్ గా ఉన్న కావ్య, రూ.2.34 కోట్లు పెట్టి కొనుగోలు చేశారు.
గ్రూప్ స్టేజిలో చెన్నై సూపర్ కింగ్స్ జట్టుపై హైదరాబాద్ అద్భుతంగా రానించి గెలిచింది. అయితే గెలిచిన తర్వాత ఎంఏ చిదంబరం స్టేడియంలోనే చెన్నై సూపర్ కింగ్స్ అభిమానులను కించపరుస్తూ ఇషాన్ కిషన్ రెచ్చిపోయి వ్యవహరించాడు. ధోని చూస్తుండగానే అందరిని వెళ్లిపో అంటూ విజిల్స్ వేశాడు. కావ్య పాప కూడా అదే తరహాలో వ్యవహరించారు. అటు హెడ్ కూడా నోట్లో విజిల్ పెట్టుకొని, దారుణంగా ట్రోల్ చేశాడు. ఈ పాపాలన్నీ ముదిరి.. నిన్న హైదరాబాద్ జట్టును ముంచాయని పేర్కొంటున్నారు క్రికెట్ ఫ్యాన్స్. కర్మ హిట్స్ బ్యాక్ అంటూ పోస్టులు పెడుతున్నారు. అందుకే మ్యాచ్ గెలిచిన తర్వాత ఓవరాక్షన్ చేయకుండా ఉండాలని సూచనలు చేస్తున్నారు చెన్నై సూపర్ కింగ్స్ అభిమానులు. ఇలా పాకిస్తాన్ తో పాటు చెన్నై సూపర్ కింగ్స్ జట్ల కారణంగా హైదరాబాద్ ఓడిపోయిందని ప్రచారం జోరుగా సోషల్ మీడియాలో సాగుతోంది.
Also Read: Abdul Razzaq: PSL అల్లా కంటే పవిత్రమైనది..ఐపీఎల్ అతిపెద్ద ఫిక్సింగ్ హబ్ Abdul Razzaq: PSL
🚨WHY FANS ARE HAPPY ON SRH DEFEAT? 🚨
Here is the reason 👇🏻
🔺Kavya Maran bought Abrar Ahmed for Sunrisers Leed when all other indian owners were boycotting Pakistani players. 🔨
🔺Abrar Ahmed was the one to make fun of Operation sindoor.🤬🤬
🔺Even after people’s backlash,… pic.twitter.com/mModwks0lu— Indian Cricket (@IPL2025Auction) May 28, 2026
Share
100 కి.మీ రేంజ్, సూపర్ స్మార్ట్ ఫీచర్స్.. జస్ట్ రూ. 45 వేలకే బెస్ట్ హీరో ఎలక్ట్రిక్ స్కూటర్!
మీ పాత ఏసీని అమ్మాలా? ఆన్లైన్ vs ఆఫ్లైన్.. ఎక్కడ ఎక్కువ లాభం?
