SA vs AUS 2nd ODI : ప్రపంచ ఛాంపియన్ షిప్ ను చిత్తుగా ఓడించిన సౌతాఫ్రికా

SA vs AUS 2nd ODI :  సాధారణంగా క్రికెట్ లో ఎప్పుడూ ఏ జట్టు విజయం సాధిస్తుందో ఊహించడం కష్టమే అని మనం పలు సందర్భాల్లో చెబుతుంటాం. తాజాగా ఆస్ట్రేలియా వర్సెస్ సౌతాఫ్రికా మధ్య జరిగిన మ్యాచ్ ఇందుకు కరెక్ట్ ఉదాహరణగా చెప్పవచ్చు. ఆస్ట్రేలియా వర్సెస్ సౌతాఫ్రికా మ్యాచ్ జరుగుతుందంటే..? ఎవరైనా ఆస్ట్రేలియానే విజయం సాధిస్తుందని చెబుతారు. కానీ ఇప్పటివరకు జరిగిన రెండు మ్యాచ్ ల్లో కూడా సౌతాఫ్రికా ఘన విజయం సాధించి ఆస్ట్రేలియాను సొంత గడ్డపై మట్టిలో కరిపించింది. ముఖ్యంగా  వన్డేల్లో ప్రపంచ ఛాంపియన్ అయిన ఆస్ట్రేలియాకు సౌతాఫ్రికా భారీ షాకిచ్చింది. ఆసీస్ ను వారి సొంత ఇలాకాలో చిత్తుగా ఓడించింది. మూడు మ్యాచ్ ల వన్డే సిరీస్ లో భాగంగా మరో మ్యాచ్ మిగిలుండగానే సిరీస్  కైవసం చేసుకుంది సౌతాఫ్రికా.

Also Read : BCCI Sponsors : బీసీసీఐని ఆదుకున్న కంపెనీలకు భారీ లాస్.. ఎన్ని కోట్లు అంటే!

ఆస్ట్రేలియా పై సౌతాఫ్రికా కి ఇది ఐదో ద్వైపాక్షిక సిరీస్ 

ఆస్ట్రేలియాపై సౌతాఫ్రికా కు ఇది వరుసగా ఐదో ద్వైపాక్షిక సిరీస్ విజయం. దీనికి ముందు 2016(5- 0),2018(2- 1),2019(3- 0),2023(3- 2)లో కూడా సౌతాఫ్రికా ఆసీస్ ను మట్టి కరిపించింది. ఆస్ట్రేలియా కు వరుసగా ఇది మూడో వన్డే సిరీస్ పరాజయం. సౌతాఫ్రికా కంటే  ముందు ఆస్ట్రేలియా శ్రీలంక, పాకిస్తాన్ వంటి చిన్న జట్ల చేతుల్లో కూడా సిరీస్ కోల్పోవడం గమనార్హం.  మెక్ కే వేదికగా ఇవాళ జరిగిన రెండో వన్డేలో సౌతాఫ్రికా ఆస్ట్రేలియా పై 84 పరుగుల తేడాతో గెలుపొందింది. ఈ మ్యాచ్ లో టాస్ గెలిచి తొలుత బ్యాటింగ్ చేసిన సౌతాఫ్రికా 49.1 ఓవర్లలో 277 పరుగులకు ఆల్ అవుట్ అయింది. మాథ్యూ బ్రీట్జ్కే (88), ట్రిస్టన్ స్టబ్స్(74) అర్థ సెంచరీలతో రాణించారు. టోనీ డి జోర్జీ (38), వియాన్ ముల్ధర్ (26), కేశవ్ మహారాజ్ (22 నాటౌట్) ఓ మోస్తరు స్కోర్లు చేశారు. రికెల్టన్ (8), మార్క్రమ్ (0), బ్రెవిస్(1), ముత్తుస్వామి (4), బర్గర్ (8), ఎంగిడి (1) నిరాశపరిచారు.

193 పరుగులకే ఆలౌట్..

ఇక  ఆసీస్ బౌలర్లలో ఆడమ్ జంపా 3, బార్ద్ లెట్, నాదన్ ఎల్లిస్, లబూషేన్ తలో 2, హాజిల్ వుడ్ ఓ వికెట్ పడగొట్టారు. అనంతరం 278 పరుగుల లక్ష్య చేధనకు దిగిన ఆఫీస్.. లుండి ఎంగిడి (8.4-1-42-5) ధాటికి 37.4 ఓవర్లలో 193 పరుగులకే ఆల్ అవుట్ అయింది. ఎంగిడికి బర్గర్ (6-0- 23-2), ముత్తుస్వామి (8-0-30-2), ముల్దర్ (5-0-31-1) కూడా జత కలవడంతో ఆసీస్ ఇన్నింగ్స్ ఒక్కసారిగా కుప్పకూలింది. మధ్యలో జోష్ ఇంగ్లిస్ (87) ఆసిస్ ను ఆదుకునే ప్రయత్నం చేశాడు. అయితే అతనికి ఒక్కరి నుంచి కూడా సహకారం లభించలేదు. ఇంగ్లిస్ మెరుపు ఇన్నింగ్స్ తో అడ్డుతగలడంతో ఆసీస్ పతనం కాస్త లేట్ అయ్యింది. ఆ జట్టు తరఫున ఇంగ్లిస్ తో పాటు కెమరూన్ గ్రీన్ (35) ఒక్కడే చెప్పుకోదగ్గ స్కోర్ చేశాడు. హెడ్ (6), మార్ష్ (18), లబూషేన్ (1), క్వారీ (13), హార్డీ (10), బర్ట్ లెట్ (8), ఎల్లిస్ (3) జంపా (3) దారుణంగా నిరాశపరిచారు. ఈ సిరీస్ లో తొలి వన్డేలో కూడా ఆసీస్ ఇలాగే ఘోర పరాజయాన్ని చవిచూసింది. మిగిలిన నామమాత్రపు వన్డేలో అయిన ఆసీస్ రాణిస్తుందేమో చూడాలి.

Share

• 
• 
• 
• 
• 
•