Jofra Archer In Sri Lanka: ఇంగ్లాండ్ క్రికెటర్, డేంజర్ ఆల్ రౌండర్ జోఫ్రా ఆర్చర్ గురించి తెలియని వారి ఉండరు. కరేబియన్ దీవుల్లో పుట్టి పెరిగిన జోఫ్రా ఆర్చర్, ఆ తర్వాత బతుకుతెరువులో భాగంగా ఇంగ్లాండ్ వెళ్లిపోయాడు. అక్కడే సెటిల్ అయిన ఆర్చర్, ఇంగ్లాండ్ జట్టులోకి వచ్చి… ఇప్పుడు ప్రపంచ క్రికెట్ ను ఏలుతున్నాడు. ఇంగ్లాండ్ జట్టు ఆడే ప్రతి మ్యాచ్ లోను ఆడుతూ… అదరగొడుతున్నాడు. అయితే అలాంటి ఆర్చర్… శ్రీలంక జట్టులోకి వెళ్లిపోయినట్లు సోషల్ మీడియాలో పోస్టులు అలాగే వీడియోలు వైరల్ అవుతున్నాయి. తాజాగా ఆర్చర్ శ్రీలంక జెర్సీ వేసుకొని బౌలింగ్ చేసిన వీడియో ఒకటి వైరల్ గా మారింది. దీంతో జోఫ్రా ఆర్చర్ ఇంగ్లాండును కూడా వీడి.. శ్రీలంక జట్టులో చేరిపోయినట్లు వార్తలు క్రియేట్ చేసి రచ్చ రచ్చ చేస్తున్నారు.
శ్రీలంక జట్టుకు (Jofra Archer In Sri Lanka) సంబంధించిన జెర్సీ ధరించి, సోషల్ మీడియాలో వైరల్ అవుతున్న బౌలర్ జోఫ్రా ఆర్చర్ కాదు. అతడు శ్రీలంకకు సంబంధించిన క్రికెటర్. కానీ హెయిర్ స్టైల్, బౌలింగ్ యాక్షన్ అన్నీ కూడా ఆర్చర్ లాగానే ఉన్నాయి. దీంతో శ్రీలంక యువ సంచలనం చమిందు విక్రమసింఘేను ( Chamindu Wickramasinghe) చూసి, అందరూ ఇంగ్లాండ్ బౌలర్ జోఫ్రా ఆర్చరని బ్రహ్మ పడుతున్నారు. శ్రీలంక క్రికెట్ జట్టులో ఇప్పుడిప్పుడే ఎదుగుతున్న చమిందు విక్రమసింఘే… బౌలింగ్ యాక్షన్ ఆర్చర్ లాగానే ఉంటుంది. అతని హెయిర్ స్టైల్ కూడా… అచ్చం అలాగే ఉంది. ఆర్చర్ అలాగానే చమిందు విక్రమసింఘే కూడా నల్లగానే ఉన్నాడు. దీంతో చమిందు విక్రమసింఘేను చూసి అందరూ ఆర్చరే అని బిత్తర పోతున్నారు.
శ్రీలంక క్రికెట్ జట్టులో ఇప్పుడిప్పుడే ఎదుగుతున్న చమిందు విక్రమసింఘే, 2002లో జన్మించాడు. ఇతడు రైట్ ఆర్మ్ బౌలింగ్ చేస్తాడు. బ్యాటింగ్ మాత్రం లెఫ్ట్ హ్యాండ్. ఆర్చర్ తరహాలోనే లోయర్ ఆర్డర్ లో వచ్చి భారీ సిక్సర్లు కొడతాడు. అంటే చమిందు విక్రమసింఘే కూడా చిన్నపాటి ఆల్ రౌండరే. 2024 జూలైలో భారత జట్టుతో జరిగిన మ్యాచ్ సందర్భంగా అంతర్జాతీయ టి20లలో అడుగుపెట్టాడు. 2024 నవంబర్ లో న్యూజిలాండ్ వర్సెస్ శ్రీలంక మధ్య వన్డే సిరీస్ జరిగింది.
అప్పుడు వన్డేల్లో కూడా అడుగు పెట్టాడు. ప్రస్తుతం లంక ప్రీమియర్ లీగ్ జరుగుతున్న క్రమంలో అందులో కూడా అద్భుతంగా రానిస్తున్నాడు. ఈ టోర్నమెంట్లో జాఫ్నా కింగ్స్ జట్టు తరఫున ప్రాతినిధ్యం వహిస్తున్న విక్రమసింహ.. గతంలో దంబుల్లా సిక్సర్స్ తరఫున కూడా ఆడాడు. కొన్ని సందర్భాల్లో చమిందు విక్రమసింఘే స్ట్రైక్ రేట్ 250 కి చేరుకున్న సందర్భాలు కూడా ఉన్నాయి. ఇతని వయసు కేవలం 23 సంవత్సరాలు కావడం గమనార్హం. ఆర్చర్ తరహా లోనే చమిందు విక్రమసింఘే కు మంచి కెరీర్ ఉందని నిపుణులు కూడా చెబుతున్నారు.
He is not Jofra Archer; he is Sri Lankan bowler Chamindu Wickramasinghe. He has the same bowling action as Jofra Archer. pic.twitter.com/DBXrwoLnjd
— Vipin Tiwari (@Vipintiwari952) July 17, 2026
Share
Intinti Ramayanam Today Episode: పల్లవికి ఘోర అవమానం.. అవనికి అడ్డంగా దొరికిన పల్లవి.. స్ట్రాంగ్ వార్నింగ్..
ప్రతి రోజు టీ తాగే అలవాటు ఉందా? మీ వ్యక్తిత్వంలో ఈ మార్పులకు కారణం అదే
