Aliabad Budget: స్వేచ్ఛ బ్యూరో: అలియాబాద్ పురపాలక సంఘం 2026–27 ఆర్థిక సంవత్సరానికి సంబంధించి వార్షిక బడ్జెట్‌ను సోమవారం ఆమోదించింది. మున్సిపల్ కార్యాలయంలో జరిగిన ప్రత్యేక బడ్జెట్ సమావేశానికి చైర్‌పర్సన్ కంఠం శిరీష కృష్ణారెడ్డి అధ్యక్షత వహించారు. ఈ సందర్భంగా ఆమె మాట్లాడుతూ, అలియాబాద్ మున్సిపాలిటీని దశలవారీగా అభివృద్ధి చేయడానికి కౌన్సిలర్లు సమిష్టిగా పనిచేయాలని కోరారు. సుమారు రూ.10 కోట్ల అంచనాతో రూపొందించిన బడ్జెట్‌ను సభ ఏకగ్రీవంగా ఆమోదించినట్లు తెలిపారు.
Also Read: పార్లమెంటులో తెలంగాణ క్రీడా నినాదం.. స్పోర్ట్స్ యూనివర్సిటీకి సాయం చేయండి, ఎంపీ చామల డిమాండ్
మున్సిపాలిటీకి ఇంటి పన్నులు, భవన అనుమతులు, లేఅవుట్ ఫీజులు తదితరాల ద్వారా రూ.10.20 కోట్ల ఆదాయం లభిస్తుందని అంచనా వేశారు. వ్యయంగా సిబ్బంది వేతనాలు, శానిటేషన్, కరెంట్ ఛార్జీలు, గ్రీన్ బడ్జెట్, నిర్వహణ పనులు, అభివృద్ధి పనులకు కలిపి రూ.9.62 కోట్లు కేటాయించారు. సిమెంట్ రోడ్లు, అండర్‌గ్రౌండ్ డ్రైనేజీ వంటి అభివృద్ధి పనులకు ప్రత్యేక ప్రాధాన్యం ఇచ్చారు. మొత్తం బడ్జెట్‌లో రూ.58 లక్షలు మిగులు నిల్వగా ఉంటాయని వెల్లడించారు. ఈ సమావేశంలో కమిషనర్ చంద్రశేఖర్, వైస్ చైర్మన్ కన్రెడ్డి మాలతి, కౌన్సిలర్లు, అధికారులు మరియు మున్సిపల్ సిబ్బంది పాల్గొన్నారు.
Also Read: ఏసీబీ వలలో చిక్కిన తిమ్మాజీపేట ఎస్సై హరిప్రసాద్ రెడ్డి
Share
భార్యాభర్తలు ఈ విషయాలు దాచారో.. మీ కాపురం కొంపకొల్లేరే!
అసలు రాష్ట్రాన్ని దోచుకున్నదే కేసీఆర్ కుటుంబం.. మహేష్ కుమార్ గౌడ్ సంచలన వ్యాఖ్యలు
