Anirudh Kavya Maran Wedding: ప్రముఖ సంగీత దర్శకుడు అనిరుధ్ రవిచందర్, సన్ రైజర్స్ హైదరాబాద్ టీమ్ సీఈఓ కావ్యా మారన్ పెళ్లి చేసుకోనున్న సంగతి తెలిసిందే. నవంబర్ 21న చెన్నై వేదికగా జరగనున్న వీరి వివాహ రిసెప్షన్ కు హాజరు కావాలని.. సీఎం రేవంత్ రెడ్డికి ఆహ్వానం అందింది. సన్ గ్రూప్ ఛైర్మన్ కళానిధి మారన్ దంపతులు స్వయంగా జూబ్లీహిల్స్ లోని సీఎం నివాసానికి వెళ్లి.. రేవంత్ దంపతులను రిసెప్షన్ కు ఆహ్వానించారు. తమ కూతురు వివాహ విందుకు రావాలని కోరుతూ ఆహ్వాన పత్రికను అందజేశారు.
మరోవైపు బీఆర్ఎస్ వర్కింగ్ ప్రెసిడెంట్ కేటీఆర్ కు సైతం ఆహ్వానం అందింది. కేటీఆర్ తో పాటు ఆయన భార్య శైలిమను కలిసిన కళానిధి మారన్ దంపతులు.. తమ బిడ్డ రిసెప్షన్ కు రావాల్సిందిగా కోరారు. దీనిపై కేటీఆర్ దంపతులు తమ సుముఖుతను వ్యక్తం చేసినట్లు తెలుస్తోంది. ఈ సందర్భంగా కాబోయే వధూవరులకు కేటీఆర్ దంపతులు.. ముందస్తు శుభాకాంక్షలు తెలియజేశారు.
Sun Group Chairman Shri Kalanithi Maran and his wife, Smt. Kavery Maran, met Hon’ble Chief Minister Shri A. Revanth Reddy at his residence in Jubilee Hills and invited him to the wedding reception of their daughter, Kavya Maran.
The wedding reception of Kavya Maran and Anirudh Ravichander is scheduled to be held in Chennai on November 21.
#KalanithiMaran #KavyaMaran— Telangana CMO (@TelanganaCMO) October 16, 2026
ఇదిలా ఉంటే అనిరుధ్, కావ్యా మారన్ ప్రేమ, పెళ్లి గురించి గత కొద్ది కాలంగా నెట్టింట విపరీతంగా చర్చ జరుగుతోంది. వారిద్దరు ప్రేమలో ఉన్నట్లు పెద్ద ఎత్తున బజ్ వినిపిస్తూ వచ్చింది. తొలుత ఈ వార్తలను అనిరుధ్ ఖండించారు. తాజా ఆహ్వానాలతో ఈ ప్రచారం నిజమేనని వెల్లడైంది. అయితే రిసెప్షన్ తేదీని ఖరారు చేసినప్పటికీ.. పెళ్లి ఎప్పుడన్న దానిపై క్లారిటీ రాలేదు. నవంబర్ 10 లేదా 11 తేదీల్లో గ్రీస్ లో వీరి డెస్టినేషన్ మ్యారేజ్ జరగనున్నట్లు జోరుగా ప్రచారం జరుగుతోంది. అయితే పెళ్లి తేదీపై ఇరు కుటుంబాల నుంచి అధికారిక ప్రకటన రావాల్సి ఉంది. కాగా, ఈ వివాహ రిసెప్షన్ కు సినీ, క్రీడా, రాజకీయ, వ్యాపార ప్రముఖులు పెద్ద ఎత్తున హాజరయ్యే పరిస్థితులు కనిపిస్తున్నాయి.
Share
Brahmamudi Serial Today Episode October 17th ‘బ్రహ్మముడి’ సీరియల్‌: అపర్ణ రాసిన లెటర్ శేషు జీవితాన్ని మలుపు తిప్పుతుందా..? 
Gundeninda GudiGantalu Today episode: బాలును ఇరికించే ప్లాన్.. దొంగగా రోహిణి.. ఇది కదా అసలు ట్విస్ట్..
