Lake Shore Mall: హైదరాబాద్లోని కూకట్పల్లి వై జంక్షన్ సమీపంలో ఉన్న లేక్ షేర్ మాల్ లో ఆదివారం సాయంత్రం భారీ ప్రమాదం తప్పింది. మాల్లోని ఒక విభాగంలో పైకప్పుకు సంబంధించిన సీలింగ్ బోర్డులు ఒక్కసారిగా విరిగి కింద ఉన్న సందర్శకులపై పడ్డాయి. ఆదివారం సెలవు దినం కావడంతో మాల్లో జనసంచారం అత్యధికంగా ఉన్న సమయంలో ఈ ఘటన చోటుచేసుకుంది. సీలింగ్ ఒక్కసారిగా కుప్పకూలడంతో ఒక్కసారిగా కలకలం రేగింది. అక్కడున్న వారంతా భయంతో పరుగులు తీశారు.
ఈ ప్రమాదంలో మాల్ను సందర్శించడానికి వచ్చిన పలువురు వినియోగదారులకు గాయాలయ్యాయి. అప్రమత్తమైన మాల్ భద్రతా సిబ్బంది వెంటనే స్పందించి క్షతగాత్రులను బయటకు తీసుకువచ్చారు. గాయపడిన వారిని వెంటనే సమీపంలోని ప్రైవేట్ ఆసుపత్రులకు తరలించి ప్రాథమిక చికిత్స అందించారు. అదృష్టవశాత్తూ ఎవరికీ ప్రాణాపాయం కలగకపోవడంతో అందరూ ఊపిరి పీల్చుకున్నారు. ప్రమాదం జరిగిన వెంటనే ఆ ప్రాంతాన్ని సిబ్బంది ఖాళీ చేయించి, మరమ్మతు పనులను ప్రారంభించారు.
మాల్ నిర్మాణ నాణ్యతపై సందర్శకులు ఆగ్రహం వ్యక్తం చేస్తున్నారు. కొత్తగా ప్రారంభమైన మాల్లలో కూడా ఇటువంటి ప్రమాదాలు జరగడం భద్రతా పరమైన లోపాలను ఎత్తిచూపుతోందని స్థానికులు అభిప్రాయపడుతున్నారు. సెలవు రోజు కావడంతో చిన్న పిల్లలు, వృద్ధులు కూడా భారీ సంఖ్యలో ఉన్నారని.. ఒకవేళ సీలింగ్ భారీ స్థాయిలో కూలి ఉంటే పెద్ద ప్రమాదమే జరిగి ఉండేదని ఆవేదన వ్యక్తం చేస్తున్నారు. పోలీసులు ఘటన స్థలానికి చేరుకుని వివరాలు సేకరిస్తున్నారు. ఈ ఘటనపై మాల్ యాజమాన్యం అధికారికంగా స్పందించాల్సి ఉంది.
కూకట్పల్లి లేక్ షేర్ మాల్లో ప్రమాదం
హైదరాబాద్ కూకట్పల్లి వై జంక్షన్ వద్ద ఉన్న లేక్ షేర్ మాల్లో ఆదివారం ప్రమాదం చోటుచేసుకుంది. మాల్ను సందర్శించడానికి వచ్చిన వినియోగదారులపై అకస్మాత్తుగా సీలింగ్ బోర్డులు కుప్పకూలాయి. ఆదివారం కావడంతో సందర్శకుల రద్దీ ఎక్కువగా ఉండటంతో ఈ ఘటన… pic.twitter.com/0TNVkwx8Lz
— ChotaNews App (@ChotaNewsApp) March 8, 2026
Share
Andaman Travel: 836 దీవుల అద్భుత ప్రపంచం.. అండమాన్ నికోబార్ గురించి మీకు తెలియని కొన్ని నిజాలు
Gas Booking New Rules: 21 రోజుల తర్వాతే గ్యాస్ బుకింగ్.. కొత్త రూల్స్ ఇవే
