Telangana Budget 2026: తెలంగాణ బడ్జెట్‌లో కొత్త పథకం.. ప్రతి కుటుంబానికి జీవిత బీమా

Telangana Budget 2026: తెలంగాణ బడ్జెట్-2026లో రాష్ట్ర ప్రజలకు శుభవార్త చెప్పారు ఆర్థిక మంత్రి భట్టి విక్రమార్క. ఇందిరమ్మ కుటుంబ జీవిత బీమా పథకాన్ని ప్రారంభిస్తున్నట్లు ప్రకటించారు. ఈ పథకం ద్వారా 1.15 కోట్ల కుటుంబాలకు లబ్ది చేకూరనుంది. రూ. 5 లక్షల వరకు జీవిత బీమా కల్పిస్తామన్నారు. పేద-ధనిక అనే తేడా లేకుండా రాష్ట్ర ప్రజలందరికీ వర్తింపజేస్తామని ప్రకటించారు.

తెలంగాణ బడ్జెట్‌-2026లో కొత్త పథకం

తెలంగాణ ప్రజలకు రేవంత్ ప్రభుత్వం శుభవార్త చెప్పింది. రాష్ట్రంలో ప్రతి కుటుంబానికి రూ.5 లక్షల జీవిత బీమాను కల్పించనున్నట్లు బడ్జెట్‌లో ప్రస్తావించింది. 2026-27 బడ్జెట్‌ సందర్భంగా ఆర్థిక మంత్రి భట్టి విక్రమార్క సభలో ఈ ప్రకటన చేశారు. దాదాపు 1.15 కోట్ల కుటుంబాలకు ఈ పథకం అందనుంది.

ప్రతీ ఫ్యామిలీకి రూ.5 లక్షల జీవిత బీమా అందనుంది. దీనికి ఇందిరమ్మ కుటుంబ జీవిత బీమా అని పేరు పెట్టారు. తెలంగాణ రాష్ట్ర ఆవిర్భావ దినోత్సవం రోజు అంటే జూన్ 2 నుంచి ఈ పథకం అమల్లోకి రానున్నట్లు తెలిపారు. సామాజిక అంతరాలతో సంబంధం లేకుండా అన్ని‌వర్గాల వారికి ఈ పథకాన్ని వర్తింప జేస్తామని వెల్లడించారు.

రాష్ట్రంలో ప్రతి కుటుంబానికి జీవిత బీమా పథకం

కుటుంబ ఆర్థిక పరిస్థితితో సంబంధం లేకుండా రాష్ట్రంలో అన్ని కుటుంబాలకు ఈ పథకం వర్తింపజేస్తామని ఆర్థికమంత్రి భట్టి ప్రకటించారు. దీనివల్ల పేద కుటుంబాలకు ఆర్థిక భరోసా లభించనుంది. తెలంగాణలో జన్మించడం, జీవించడం ఒక వరంగా మారేలా చర్యలు తీసుకుంటామని ఆర్థిక మంత్రి భట్టి విక్రమార్క అన్నారు.

కుటుంబంలో ఇంటి యజమాని అకస్మాత్తుగా మరణిస్తే ఆ కుటుంబం అనుభవించే మానసిక వేదన, వారు ఎదుర్కొనే ఆర్థిక సంక్షోభం మరొక ఎత్తని అన్నారు. ఇలాంటి ఘటన వల్ల ఆ కుటుంబాన్ని రోడ్డున పడేసే ప్రమాదం ఉందన్నారు. తెలంగాణ బిడ్డలెవరూ అలాంటి భయం, అభద్రతా భావంతో జీవించ కూడదన్నదే ప్రజా ప్రభుత్వ సంకల్పమన్నారు.

ALSO READ: జనం మెచ్చితే ఎవరు ఆపుతారు?

తెలంగాణ బడ్జెట్‌లో కొత్త పథకం ప్రకటన

ఇందిరమ్మ కుటుంబ జీవిత బీమా పథకం

కోటి 15 లక్షల కుటుంబాలకు రూ.5 లక్షల బీమా

జూన్‌ 2 నుంచి పథకం అమలు

New Scheme Indiramma Family Life Insurance Announcement in Telangana Budget

Insurance of ₹5 lakh for 1 crore 15 lakh families

Scheme to… pic.twitter.com/L5ljmEiimp

— BIG TV Breaking News (@bigtvtelugu) March 20, 2026

Join WhatsApp Channel

Share

• 
• 
• 
• 
• 
•