Jeevan Reddy Resigns: ఎట్టకేలకు కాంగ్రెస్ పార్టీతో దశాబ్దాల బంధాన్ని తెంచుకున్నారు సీనియర్ రాజకీయ నాయకుడు జీవన్రెడ్డి. మద్దతుదారుల సమక్షంలో కాంగ్రెస్ పార్టీకి రాజీనామా చేస్తున్నట్లు ప్రకటించారు. అంతేకాదు ఎందుకు రాజీనామా చేయాల్సి వచ్చిందో వివరణ కూడా ఇచ్చారు ఆయన. ఇంతకీ ఆయన చెప్పిన విషయాలపై ఓ లుక్కేద్దాం.
కాంగ్రెస్తో నాలుగు దశాబ్దాల బంధాన్ని తెంచుకున్న జీవన్రెడ్డి
తెలంగాణ సీనియర్ జీవన్రెడ్డి కాంగ్రెస్ పార్టీకి గుడ్ బై చెప్పేశారు. ఆ పార్టీతో ఆయనకు దాదాపు 42 ఏళ్ల బంధం తెగిపోయింది. బుధవారం జగిత్యాలలో మద్దతుదారులతో ఏర్పాటు చేసిన సభలో రాజీనామా లేఖను బయటపెట్టారు. ఆ లేఖను ఏఐసీసీ అధ్యక్షుడు మల్లికార్జున ఖర్గేకు పంపారు. తాను రాజీనామా ఎందుకు చేయాల్సి వచ్చిందో క్లియర్గా వివరించారు.
కాంగ్రెస్ పార్టీలో ఇలాంటి పరిస్థితులు వస్తాయని తాను ఊహించలేదన్నారు జీవన్రెడ్డి. విధి లేని పరిస్థితుల్లో రాజీనామా నిర్ణయం తీసుకున్నానని తెలిపారు. తాను రోడ్డు ఎక్కితే ఏ ఒక్కరూ పట్టించుకోలేదని ఆవేదన వ్యక్తం చేశారు. 10 స్థానాలలో ఫిరాయింపు ఎమ్మెల్యేలను ప్రోత్సహించారని ఆరోపించారు. ఇష్టానికి భిన్నమైనా కొన్ని నిర్ణయాలు తీసుకోక తప్పదని తేల్చి చెప్పారు. ఇదే సమయంలో సంచలన వ్యాఖ్యలు చేశారు ఆయన.
విధి లేని పరిస్థితుల్లో రాజీనామా.. మద్దతుదారులకు జీవన్రెడ్డి వివరణ
పార్టీలో మధుయాష్కి, చిన్నారెడ్డి వంటి సీనియర్లు ఉన్నారని, వారిని కాదని వేం నరేందర్ రెడ్డికి రాజ్యసభ సీటు ఇవ్వడం కరెక్ట్ కాదన్నారు. పార్టీలో సీనియర్లను గౌరవించాల్నారు. గడిచిన రెండేళ్లుగా కాంగ్రెస్లో ఎన్నో ఇబ్బందులకు గురయ్యానని మనసులోని మాట బయటపెట్టారు. తనకు అండగా ప్రభుత్వం, పార్టీ లేదన్నారు.
తాను శాసనమండలి సభ్యుడ్ని అని, తాను ముఖ్యమంత్రితో హోదా పొందే స్థాయి కాదా అంటూ ప్రశ్నల మీద ప్రశ్నలు సంధించారు. మహేష్కుమార్ గౌడ్ ఇచ్చిన హామీ ఏమైందని సూటిగా లేవనెత్తారు. పోరాటాలు చేయడం తనకు కొత్తకాదన్నారు. చివరకు కార్యకర్తల హక్కులు కాపాడలేక పోయానని అన్నారు. ఇంకా సంయమనం పాటించాలా? అదే సమయంలో దానం వ్యవహారాన్ని కూడా ఆయన ప్రస్తావించారు. మరి ఇప్పుడు జీవన్రెడ్డి ఏ పార్టీలోకి వెళ్తున్నారు? బీఆర్ఎస్ తీర్థం పుచ్చుకుంటారా? లేకుంటే బీజేపీలో అడుగు పెడతారా? అన్నది ఇప్పుడు ఆసక్తికరంగా మారింది.
ALSO READ: మొండి బకాయిలపై అధికారుల కొరడా.. సీజ్ అవుతున్న భారీ మాల్స్, హోటళ్లు!
విధి లేని పరిస్థితుల్లో రాజీనామా నిర్ణయం తీసుకున్నా: జీవన్ రెడ్డి
నేను రోడ్డు ఎక్కితే ఎవ్వరూ పట్టించుకోలేదు
10 స్థానాలలో ఫిరాయింపు ఎమ్మెల్యేలను ప్రోత్సహించారు
ఇష్టానికి భిన్నమైనా కొన్ని నిర్ణయాలు తీసుకోక తప్పదు
– మాజీ మంత్రి జీవన్ రెడ్డి
Former Minsiter Jeevan Reddy about… pic.twitter.com/I0g6XTFbFU
— BIG TV Breaking News (@bigtvtelugu) March 25, 2026
Share
Putta Report: డ్రగ్స్ కేసులో ట్విస్ట్.. టీడీపీ అధిష్టానానికి చేరిన పుట్టా నివేదిక.. అసలేం జరుగబోతుంది?
LG OLED evo vs Non-evo: థియేటర్ రేంజ్ క్వాలిటీ.. పిక్చర్ నాణ్యతలో తగ్గేదేలే.. రెండింటిలో ఏది బెస్ట్!
