Ponguleti Srinivas: 200 కోట్ల రూపాయిలకు పైగా ఖర్చుతో.. మేడారం ఆధునీకరణ పనులు చేపట్టామని మంత్రి పొంగులేటి తెలిపారు. ఇప్పటికీ దాదాపు 95 శాతం పనులు పూర్తయ్యాయని వెల్లడించారు.
సోమవారం శాసనమండలిలో ఈ మేరకు సభ్యులు అడిగిన ప్రశ్నలకు సమాధానమిస్తూ .. కనీసం 200 సంవత్సరాలకు పైగా నిలిచేలా రాతి కట్టడాలతో ఆధునీకరణపనులు చేపట్టామని వివరించారు. ఈ మేడారం చుట్టుపక్కల సుమారు 10 కిలోమీటర్ల మేర నాలుగు లైన్ల రోడ్ల నిర్మాణం చేపట్టామని, ఇప్పటికే ఆధునీకరణ పనుల కోసం 29 ఎకరాల భూమిని అధికారికంగా సేకరించామని తెలిపారు.
భక్తులకు మరిన్ని సౌకర్యాలు కల్పించేందుకు మరో 63 ఎకరాల భూ సేకరణకు నిర్ణయించామని వెల్లడించారు.
ఈనెల 29 నుంచి 31 వరకు జరిగే మేడారం జాతర కోసం కుంభమేళాను తలపించేలా ఏర్పాట్లు చేస్తున్నామని తెలిపారు. గతంలో నిర్లక్ష్యానికి గురైన ఈ మేడారం జాతర, ఏర్పాట్లు, ఆధునీకరణ వంటి అంశాలపై ముఖ్యమంత్రి రేవంత్ రెడ్డి సూచనల మేరకు ఉమ్మడి వరంగల్ జిల్లా ఇన్ఛార్జి మంత్రిగా తాను, ములుగు నియోజకవర్గ ప్రతినిధి, మంత్రి సీతక్క, దేవాదాయ శాఖ మంత్రి కొండా సురేఖలతో కలిసి పలు మార్లు పర్యవేక్షిస్తూ ఎప్పటికప్పుడు తగు సూచనలు ఇస్తున్నామని తెలిపారు.
Also Read: త్వరలో 850 పోస్టుల భర్తీ చేస్తాం.. మంత్రి కీలక ప్రకటన
ఈనెల 18 వ తేదీన మేడారం ఆధునీకరణ పనులు ప్రారంభించేందుకు.. గౌరవ ముఖ్యమంత్రి రేవంత్ రెడ్డితో సహా శాసనసభ, శాసన మండలి సభ్యులను, మంత్రులు, స్పీకర్లను ఆహ్వానిస్తామని మంత్రి పొంగులేటి వెల్లడించారు.
Share
Malavika Mohanan: విజయ్ దేవరకొండతో రాజా సాబ్ బ్యూటీ మూవీ ... చివరి నిమిషంలో ఆగిపోయిందా?
NBK 111 Update : బాలయ్య మూవీ నుంచి నయనతార అవుట్... మధ్యలోనే గుడ్ బై చెప్పిన మేకర్స్
