రెండు నెలల క్రితం టమాటా ధరలు ఏ స్థాయిలో పెరిగాయో గుర్తుంది కదూ. ఆ సమయంలో టమాటాలను పండించిన రైతులు కోటీశ్వరులు కూడా అయ్యారు. అదే సమయంలో కొందరు టమాటా పంటలను, టమాటా లోడుతో వెళ్తున్న ట్రక్కులను సైతం దొంగిలించారు. ఉత్తరాదిన అయితే.. టమాటాలు విక్రయించే దుకాణదారులు వాటికి కాపలాగా బాడీగార్డ్స్ ను పెట్టారన్న వార్తలు కూడా వైరల్ అయ్యాయి. ఆ తర్వాత టమాటాల ధరలు క్రమంగా తగ్గుతూ వచ్చాయి. తాజాగా.. ఉల్లి.. టమాటాలతో పోలిస్తే నేనేమన్నా తక్కువా అంటోంది.
కోయకుండానే కన్నీరు పెట్టించేలా.. రోజురోజుకూ ధరలు పెరుగుతున్నాయి. దసరా, దీపావళి సమయాల్లో ధరలు సాధారణంగానే ఉన్నా.. తాజాగా మళ్లీ పెరుగుతున్నాయి. మెదక్ మార్కెట్లో 10 కేజీల ఉల్లి ధర రూ.800 గా ఉంది. అంటే కేజీ ఉల్లి ధర రూ.80 పలుకుతోంది. అలాగే హైదరాబాద్ లోని మలక్ పేట ఉల్లి మార్కెట్లోనూ ధరలు పెరిగినట్లు వ్యాపారులు చెబుతున్నారు. ఉల్లిధరలు పెరగడంతో.. వాటి వినియోగాన్ని తగ్గిస్తున్నారు. ఇప్పటికే పలు రెస్టారెంట్లు ఆనియన్ స్లైసెస్ కు బదులు.. కీర ముక్కలను సప్లై చేస్తున్నాయి. కిలో రూ.80-90 పలుకుతున్న ఉల్లి ధరలు మరింత పెరగవచ్చని భావిస్తున్నారు.
Share
Telangana CM : ఢిల్లీలో చర్చోపచర్చలు.. సీఎంగా రేవంత్ పేరు ఖరారు చేసే ఛాన్స్..
Telangana Congress : ఎంపీ పదవులకు ఉత్తమ్, కోమటిరెడ్డి రాజీనామా..? సీఎం అభ్యర్థిపై క్లారిటీ..
