Rain Forecast: తెలంగాణలో నేడు అతి భారీ వర్షాలు.. బీ అలర్ట్ : వాతావరణ శాఖ

Rain Forecast to many Districts: హైదరాబాద్ లోని వాతావరణ కేంద్రం తాజాగా వర్షాలకు సంబంధించిన కీలక సూచనలు చేసింది. నేడు అతిభారీ వర్షాలు కురుస్తాయని పేర్కొన్నది. పలు ప్రాంతాల్లో భారీ వర్షాలు కురుస్తాయని వెల్లడించింది. ఈ క్రమంలో ప్రజలు, అధికారులు అప్రమత్తంగా ఉండాలంటూ సూచించింది. ఇందుకు సంబంధించి పూర్తి వివరాల్లోకి వెళితే..

Also Read: దేవర మూవీ ప్రీ రిలీజ్ ఈవెంట్‌పై కేటీఆర్ కామెంట్స్.. 10 యేండ్ల పాటు…

బంగాళాఖాతంలో అల్పపీడనం ఏర్పడిందని, ఈ కారణంగానే రాష్ట్రంలో తెలుగు రాష్ట్రాలోనూ భారీ వర్షాలు కురుస్తాయని తెలిపింది. పలు ప్రాంతాల్లో భారీ నుంచి అతి భారీ వర్షాలు కురుస్తాయని పేర్కొన్నది. మొత్తం ఏడు జిల్లాల్లో నేడు భారీ నుంచి అతి భారీ వర్షాలు కురిసే అవకాశముందని వాతావరణ శాఖ అధికారులు సూచించారు.

మధ్య, వాయవ్య బంగాళాఖాతంలో ఏర్పడిన అల్పపీడనంతో బుధవారం నిజామాబాద్, నిర్మల్, ఆదిలాబాద్, జగిత్యాల, మెదక్, సిరిసిల్ల, కామారెడ్డి జిల్లాల్లో భారీ వర్షాలు కురిసే అవకాశముందని వాతావరణ శాఖ స్పష్టం చేసింది. అదేవిధంగా మిగిలిన జిల్లాల్లోనూ ఓ మోస్తరుగా వర్షాలు పడే అవకాశముందని హెచ్చరించింది. ఈ క్రమంలో సంబంధిత అధికారులు, ప్రజలు అప్రమత్తంగా ఉండాలంటూ సూచించింది.

Also Read: తెలంగాణలో బిగ్ టీవీ మెగా ఫ్రీ మెడికల్ క్యాంప్స్.. ఈ నెల 27 నుంచి.. వివరాలు ఇవిగో