‘హిట్లర్’ చుట్టూ రాజకీయాలు.. కేటీఆర్‌కు సామ స్ట్రాంగ్ కౌంటర్, వేలెత్తి చూపే ముందు..

Hyderabad: సోషల్‌మీడియా బలంగా ఉన్న ఈ రోజుల్లో నేతలు వెరైటీగా ఏం మాటలు ఆడినా వెంటనే రియాక్ట్ అవుతున్నారు ప్రత్యర్థులు. క్షణాల్లో గతంలోని వీడియోలు బయటపెడుతున్నారు. కేటీఆర్ విషయంలో కూడా అదే జరిగింది. ఆయన చేసిన కామెంట్స్‌పై కాంగ్రెస్ అధికార ప్రతినిధి సామ రామ్ మోహన్ రెడ్డి స్ట్రాంగ్ కౌంటరిచ్చారు. అసలు మేటరేంటంటే..

‘హిట్లర్’ చుట్టూ తెలంగాణ రాజకీయాలు

రెండురోజుల మీడియా ఈవెంట్‌లో సీఎం రేవంత్‌‌రెడ్డి కొత్త విషయాలు ప్రస్తావించారు. హిట్ల‌ర్ ఫేవ‌రేట్ పదం హైడ్రా అని అన్నారు. హిట్లర్ చెప్పిన పదాన్ని ఇన్స్పిరేషన్ గా తీసుకొని హైడ్రా పేరిట కొత్త వ్యవస్థను తీసుకొచ్చామని చెప్పుకొచ్చారు. హైదరాబాద్‌ సిటీలో చెరువులు, నాలాలు, ప్రభుత్వ భూముల ఆక్రమణలను తొలగించేందుకు రేవంత్ సర్కార్ హైడ్రా వ్యవస్థను తీసుకొచ్చిన విషయం తెల్సిందే.

సీఎం రేవంత్‌రెడ్డి చేసిన వ్యాఖ్యలను తనకు అనుకూలంగా మలచుకునే ప్రయత్నం చేశారు బీఆర్ఎస్ వర్కింగ్ ప్రెసిడెంట్ కేటీఆర్. కోట్లాది మందిని ఊచకోత కోసిన క్రూరుడు.. రాక్షసుడు నీకు రోల్ మోడలా? ఎక్స్ వేదికగా విమర్శలు గుప్పించారు. మానవజాతి చరిత్రలో నరమేథం సృష్టించిన హిట్లర్, నీకు ఆదర్శమని చెప్పడానికి సిగ్గనిపించలేదా? అంటూ కాసింత ఘాటు విమర్శలు చేశారు.

కేటీఆర్‌కు సామ స్ట్రాంగ్ కౌంటర్.. వేలెత్తి చూపే ముందు ఒక్కసారి చూసుకో

కేటీఆర్ చేసిన వ్యాఖ్యలపై తెలంగాణ కాంగ్రెస్ అధికార ప్రతినిధి సామ రామ్ మోహన్ రెడ్డి స్ట్రాంగ్ కౌంటర్ ఇచ్చారు. కేటీఆర్ మరో సెల్ఫ్ గోల్ కొట్టుకున్నారని రాసుకొచ్చారు. గతంలో తనని తానే హిట్లర్ అని ప్రకటించుకున్న తన తండ్రి కేసీఆర్‌ను హటావో తెలంగాణ.. బచావో అని అర్థం వచ్చేలా పిలుపు నిచ్చారు కేటీఆర్.

ఇంకోసారి ఇతరులను వేలెత్తి చూపే ముందు.. నీ వీపు చూసుకో కేటీఆర్. వక్రీకరణ మానుకుని వ్యక్తిత్వం పెంచుకో అంటూ ఎక్స్ వేదికగా సూచన చేశారు. చివరలో జై తెలంగాణ…జై జై తెలంగాణ అంటూ ప్రస్తావించారు. ఇంతకీ గతంలో సీఎంగా ఉన్నప్పుడు కేసీఆర్ ఏమన్నారు? దొంగల పాలిట, తప్పుడు పైరవీలు చేసివారి పట్ల కేసీఆర్ హిట్లరేనని వ్యాఖ్యానించిన వీడియో బయటపెట్టారు. ఆనాడు కేసీఆర్ మాటల వీడియో నెట్టింట చక్కర్లు కొడుతోంది.

ALSO READ: గులాబీ బాస్‌కు సొంత లీడర్ల సెగ.. పార్టీని ముంచుతున్న పోకడలు

మరో సెల్ఫ్ గోల్ కొట్టుకున్న @KTRBRS.

గతంలో తనని తానే హిట్లర్ అని ప్రకటించుకున్న తన తండ్రి కేసీఆర్ ను హటావో తెలంగాణ బచావో అని అర్థం వచ్చేలా పిలుపునిచ్చిన కేటీఆర్.

సూచన: ఇంకోసారి ఇతరులను వేలెత్తి చూపే ముందు నీ వీపు చూసుకో కేటీఆర్. వక్రీకరణ మానుకో వ్యక్తిత్వం పెంచుకో..

జై… pic.twitter.com/07DiOZ3ZNr

— Sama Ram Mohan Reddy (@RamMohanINC) June 8, 2026