Rain in Hyderabad: హైదరాబాద్ నగరంలోని పలు ప్రాంతాల్లో వాతావరణం ఒక్కసారిగా చల్లబడింది. శుక్రవారం రాత్రి నగరంలోని వాయువ్య, ఉత్తర మండలాల్లో ఉరుములు, మెరుపులతో కూడిన మోస్తరు నుండి భారీ వర్షం కురుస్తోంది. ముఖ్యంగా కూకట్పల్లి, జెఎన్టియు (JNTU), మూసాపేట వంటి రద్దీ ప్రాంతాల్లో వర్షం పడుతుండటంతో వాతావరణం ఆహ్లాదకరంగా మారింది. అదేవిధంగా కుత్బుల్లాపూర్ నియోజకవర్గ పరిధిలోని పలు కాలనీల్లో కూడా వాన పలకరించింది.
నగరంలోని ఇతర ప్రాంతాలైన అల్వాల్, మచ్చ బొల్లారం, జవహర్ నగర్, ఈసీఐఎల్ (ECIL), కుశాయిగూడ పరిసరాల్లో కూడా వర్షం కురుస్తున్నట్లు సమాచారం అందుతోంది. గత కొన్ని రోజులుగా ఎండ తీవ్రతతో ఇబ్బంది పడుతున్న నగరవాసులకు ఈ అకస్మాత్తు వర్షం కొంత ఉపశమనాన్ని కలిగించినప్పటికీ, ప్రయాణికులకు మాత్రం ఇబ్బందులు తప్పడం లేదు.
అకస్మాత్తుగా కురుస్తున్న వర్షం కారణంగా కూకట్పల్లి మెయిన్ రోడ్డు, జెఎన్టియు జంక్షన్ వంటి కీలక ప్రాంతాల్లో వాహనాల రాకపోకలకు స్వల్ప అంతరాయం ఏర్పడింది. రోడ్లపై నీరు నిలవడంతో ట్రాఫిక్ నెమ్మదిగా సాగుతోంది. వాహనదారులు జాగ్రత్తగా ఉండాలని, లోతట్టు ప్రాంతాల ప్రజలు అప్రమత్తంగా ఉండాలని అధికారులు సూచిస్తున్నారు. రాబోయే కొన్ని గంటల్లో నగరంలోని మరికొన్ని ప్రాంతాలకు వర్షం విస్తరించే అవకాశం ఉంది.
Share
Richest IPL Cricketers: ధోని, కోహ్లీ, రోహిత్ ఎవరూ కాదు..ఐపీఎల్ లో రిచెస్ట్ క్రికెటర్ ఎవరంటే
Vande Bharat Food: వందేభారత్ లో పురుగుల పెరుగు, ఐఆర్సిటిసి, కాంట్రాక్టర్ కు రైల్వే షాక్!
