Sankranti Holidays 2026: తెలంగాణ విద్యార్థులకు గుడ్ న్యూస్.. సంక్రాంతికి 7 రోజులు సెలవులు!

Sankranti Holidays 2026: తెలంగాణ విద్యార్థులు ఎగిరి గంతేసే న్యూస్ వచ్చేసింది. సంక్రాంతి సెలవులపై అప్టేట్ వచ్చింది. సంక్రాంతి పండుగకు వారం రోజుల పాటు సెలవులు(జనవరి 10-16 వరకు) రానున్నాయని సమాచారం. జనవరి 11 నుంచి 15వ తేదీ వరకు.. వరుసగా ఐదు రోజులు సెలవులు ఉంటాయని అకడమిక్ క్యాలెండర్ లో పాఠశాల విద్యాశాఖ ప్రకటించింది. తాజాగా రాష్ట్ర ప్రభుత్వం సెలవులు పొడిగించే యోచనలో ఉందని సమాచారం.

వరుస సెలవులు

జనవరి 14న భోగి, 15న సంక్రాంతి, 16న కనుమ, జనవరి 10న రెండో శనివారం, 11వ తేదీ ఆదివారం రావడంతో గతంలో ప్రకటించిన సెలవుల్ని పునఃసమీక్షించారు. జనవరి 10 నుంచి 16వ తేదీ వరకు సెలవులుగా ప్రకటించనున్నారు. జనవరి 17 శనివారం స్కూల్స్ తిరిగి ప్రారంభం కానున్నాయి. దీనిపై త్వరలోనే పాఠశాల విద్యాశాఖ అధికారిక ప్రకటన విడుదల చేయనుంది.

కొత్త షెడ్యూల్ ప్రకారం

• జనవరి 10- రెండో శనివారం సెలవు
• జనవరి 11- ఆదివారం సాధారణ సెలవు
• జనవరి 12 నుంచి 16 వరకు సంక్రాంతి సెలవులు
• జనవరి 17న స్కూల్ పునః ప్రారంభం
• జనవరి 17 శనివారం కావడంతో ఆ రోజు కూడా సెలవు ప్రకటించి 19న స్కూల్స్ ఓపెన్ చేయాలని విద్యార్థుల తల్లిదండ్రులు కోరుతున్నారు.

Also Read: AP TG Weather: తెలుగు రాష్ట్రాలపై చలి పంజా.. మరో రెండ్రోజులు కనిష్ఠ ఉష్ణోగ్రతలు

ఆంధ్రప్రదేశ్ ప్రభుత్వం పాఠశాలలకు సంక్రాంతి సెలవులు ప్రకటించింది. ప్రభుత్వ, ప్రైవేటు, ఎయిడెడ్ స్కూళ్లకు సంక్రాంతి సెలవులు ఖరారు చేసింది. జనవరి 10 నుంచి 18వ తేదీ వరకు సెలవులు ఇవ్వాలని విద్యాశాఖ నిర్ణయించిది. జనవరి 19న తిరిగి పాఠశాలలు ప్రారంభం కానున్నాయి.

Share

• 
• 
• 
• 
• 
•