Bangladesh Coolie Viral Video: మనుషులలో రోజు రోజుకు మానత్వం కనిపించకుండా పోతుంది. కొంత మంది మరీ పైశాచికంగా వ్యవహరిస్తున్నారు. తాజాగా ఇలాంటి ఘటనే ఒకటి జరిగింది.రైల్వే స్టేషన్ లో స్నాక్స్ అమ్ముతున్న ఓ యువకుడి నుంచి ఓ ప్రయాణీకుడు కొన్ని స్నాక్స్ కొనుగోలు చేశాడు. డబ్బులు ఇవ్వకుండానే రైలెక్కాడు. అదే సమయంలో రైలు కదలడంతో.. ఆ యువకుడు డబ్బులు ఇవ్వాలంటూ రైలు వెంట పరిగెత్తాడు. ఎంతకూ ఇవ్వకపోవడంతో ఆ యువకుడు పరిగెత్తి పరిగెత్తి అలసిపోయాడు. ప్రస్తుతం ఈ వీడయో నెట్టింట వైరల్ అవుతోంది. నెటిజన్లు సదరు ప్రయాణీకుడిపై నిప్పులు చెరుగుతున్నారు. ఆ యువకుడిపై జాలిపడుతున్నారు.
ఈ ఘటన బంగ్లాదేశ్ రాజధాని ఢాకాలో జరిగింది. ఈ వీడియోను సోజోల్ అలీ అనే వ్యక్తి తన ఫేస్ బుక్ లో షేర్ చేశాడు. ఈ వీడియోలో ఓ యువకుడు వేగంగా కదులుతున్న రైలు పక్కన పరుగెత్తుతూ, డబ్బులు ఇవ్వాలని పదే పదే అడుగుతూ, ప్రయాణీకుడు కూర్చున్న కంపార్ట్ మెంట్ వైపు చూస్తూ పిలుస్తున్నట్లు కనిపించింది. అతడు అంతలా పరిగెత్తుతూ వస్తున్నా రైలు లోపలి నుంచి ఎవరూ స్పందించలేదు. ఈ వీడియోను నెటిజన్లు ఎంతో బాధపడుతున్నారు. డబ్బులు ఇవ్వకుండా స్నాక్స్ తీసుకున్న ప్రయాణీకుడిని రైల్వే పోలీసులు అరెస్ట్ చేయాలని డిమాండ్ చేస్తున్నారు.
ఈ వీడియోను చూసిన ప్రతి ఒక్కరూ రైల్వే వెండర్ బాధను చూసి అయ్యో అంటున్నారు. అంత పరిగెత్తినా తన డబ్బులు పొందలేకపోవడాన్ని చూసి ఆవేదన వ్యక్తం చేస్తున్నారు. తీసుకున్న వస్తువులకు డబ్బులు ఇవ్వాలనే కనీస మానవత్వం లేని మనుషులను చూడ్డం నిజంగా దారుణమని మరికొంత మంది కామెంట్స్ పెడుతున్నారు. కష్టజీవుల విషయంలో గౌవరంగా వ్యవహరించాల్సిన అవసరం ఉందంటున్నారు. “డబ్బు చెల్లించని వ్యక్తి పట్ల నాకు జాలిగా ఉంది. ఎందుకంటే త్వరలోనే అతడు తగిన శిక్షను అనుభవిస్తాడు. యువ రైల్వే వెండర్ కు ఏదో ఒకరకంగా మంచి జరగాలని కోరుకుంటున్నాడు. భగవంతుడు తనని చల్లగా చూడాలని వేడుకుంటున్నా” అని కామెంట్ పెట్టాడు. “ఆ పిల్లాడు రైలు వెంట పరిగెత్తుతూ వస్తుంటే నాకు బాధగా ఉంది. మనుషులు మరీ ఇంత మూర్ఖంగా వ్యవహరించడం మంచిది కాదు. కష్టపడి 10 రూపాయలు సంపాదించుకునే వ్యక్తులను ఇలా వేధించడం సరికాదు” అని మరో వ్యక్తి రాసుకొచ్చాడు. “ఇలాంటి అమాయకులను వేధించే వారికి కర్మ అనేది కచ్చితంగా తిరిగి వస్తుంది. కాకపోతే కాస్త టైమ్ పట్టవచ్చు” అని మరో వ్యక్తి కామెంట్ పెట్టాడు. “చిన్న వ్యాపారులు తక్కువ మొత్తంలో లాభం తీసుకుంటూ తమ కుటుంబాలని పోషించుకుంటారు. అలాంటి వారిని వేధించడం సరికాదు. ఇలాంటి క్రూరత్వం, దయలేని పనులు అస్సలు చేయకూడదు” అని మరో వ్యక్తి రాసుకొచ్చాడు. ప్రస్తుతం ఈ వీడియో నెట్టింట తెగ వైరల్ అవుతోంది.
देखकर तो यही लग रहा से सामान लेकर इस लड़के के पैसे नहीं दिए।
उन पैसों के साथ साथ अपनी इज़्ज़त के लिए ये लड़का दौड़ते दौड़ते हाँफ कर रह जाता है।
इंसानियत तो खैर मर ही गई है लेकिन उस यात्री को इसका दोगुना या ज़्यादा नुक़सान होकर ही रहेगा।
“कर्म” कीड़ी को नहीं छोड़ते। pic.twitter.com/OnhfBkC0zb— Anamika Jain Amber (@anamikamber) November 12, 2025
Read Also: రైలు కిందకి దూరి పట్టాలు దాటుతుండగా కదిలిన రైలు.. వెంటనే అతడు ఏం చేశాడంటే?
Share
Bhagyashri Borse: ప్లాపులతో హ్యాట్రిక్ కొట్టిన భాగ్యం.. ఇక రామ్ నే కాపాడాలి
Government Hospital: దారుణం.. ఇంజెక్షన్ వికటించి 17 మంది చిన్నారులకు అస్వస్థత..
