Best Days to Book Flights from India: విమాన ప్రయాణం అనేది ఖరీదైన వ్యవహారం అని చాలా మంది భావిస్తారు. కానీ, అందులో కొంత నిజం ఉన్నా, పూర్తిగా నిజం కాదు. కొన్ని జాగ్రత్తలు తీసుకోవడం వల్ల తక్కువ ధరకు విమాన ప్రయాణం చేసే అవకాశం ఉంటుంది. వాస్తవానికి విమాన టికెట్ ధరలు డైనమిక్ గా ఉంటాయి. అంటే డిమాండ్ కు అనుగుణంగా పెరుగతూ ఉంటాయి. అయితే, వారంలోని కొన్ని రోజులలో డిమాండ్ తక్కువగా ఉంటుంది. ఆ సమయంలో తక్కువ ధరలో విమాన ప్రయాణం చేసే అవకాశం ఉంటుంది. విమాన టికెట్ బుక్ చేసుకోవడానికి బెస్ట్ రోజు ఏది? ఎందుకు? అనేది ఇప్పుడు తెలుసుకుందాం..
విమాన టికెట్ ధరలు హెచ్చు తగ్గుదలతో కొనసాగుతాయి. వారంలో తక్కువ డిమాండ్ రోజు బెస్ట్ డీల్ పొందే అవకాశం ఉంటుంది. కొన్ని విమానయాన నివేదికల ప్రకారం టికెట్ బుక్ చేసుకోవడానికి బెస్ట్ డే ఫ్రై డే. విమాన టికెట్ ఎంత ముందుగా బుక్ చేసుకున్నాం అనేది కాకుండా, ఎంత తక్కువ ధరకు టికెట్ పొందాం అనేది ముఖ్యం. అయితే, దేశీయ ప్రయాణాలకు ఒకటి నుంచి మూడు నెలల ముందుగా టికెట్ బుక్ చేసుకోవడం మంచిది. అంతర్జాతీయ ప్రయాణాలకు రెండు నుంచిఎనిమిది నెలల ముందుగా బుక్ చేసుకుంటే, తక్కువ ధరకు ప్రయాణించే అవకాశం ఉంటుంది.
వాస్తవానికి వారంలో తక్కువ ధరలో విమాన ప్రయాణం చేయడానికి బెస్ట్ డే శుక్రవారం. 2026 ఎక్స్ పీడియా డేటా ప్రకారం వారంలోని ప్రతి రోజు సగటు ధర ర్యాంక్ చేస్తుంది. దేశీయ విమానాలకు చౌకైన ప్రయాణ రోజులను ఈ డేటా వెల్లడించింది. అత్యంత చౌకైన రోజులు శుక్రవారం, గురువారం, మంగళవారం, బుధవారం, శనివారం, సోమవారం. అత్యంత ఖరీదైన ప్రయాణ రోజు ఆదివారం.
ఆదివారం, సోమవారం దేశీయంగా ప్రయాణించడానికి అత్యంత ఖరీదైన రోజులుగా ఉంటాయి. శుక్రవారం లేదంటే మంగళవారం ప్రయాణించలేకపోతే, మంగళవారం నుంచి గురువారం వరకు ప్రయాణించడం వల్ల చౌకగా వెళ్లొచ్చు. ఇక అంతర్జాతీయ ప్రయాణానికి ఈ నిబంధనలు వర్తించవు. కానీ, వారం మధ్యలో బయలుదేరేవి ఇప్పటికీ చౌకైన ఆప్షన్స్ గా చెప్పుకోవచ్చు.
విమాన ప్రయాణానికి చౌకైన నెలలు సాధారణంగా ఆగస్టు, సెప్టెంబర్, జనవరి కాగా, విమాన ప్రయాణానికి అత్యంత ఖరీదైన నెలలు డిసెంబర్, జూన్, జూలైగా చెప్పుకోవచ్చు. జనవరి, సెప్టెంబర్ నెలలు ఎక్కువ డిమాండ్ ను కలిగి ఉంటాయి.
కచ్చితంగా, సెప్టెంబర్ సాధారణంగా విమాన ప్రయాణానికి చౌకైన నెలలలో ఒకటి. కానీ, లేబర్ డే వీకెండ్ లో ఈ నియమాలు వర్తించవు. సెలవు రోజుల్లో సాధారణంగా ఎక్కువ మంది ప్రయాణిస్తారు. కాబట్టి తక్కువ విమాన సీట్లు అందుబాటులో ఉంటాయి. అధిక ధరలు ఉంటాయి.
Read Also:ఫ్లైట్ టికెట్ కొనేందుకు డబ్బులు లేవా? నో టెన్షన్, హ్యాపీగా ట్రావెల్ చెయ్యొచ్చు!
Share
Gadwal District: దర్జాగా ఫుట్పాత్లపై అక్రమ దుకాణాలు ఏర్పాటు.. పట్టించుకోని అధికారులు
Medical Drama Web series OTT: దాదాపు 16 ఏళ్ల విరామం తర్వాత ఓటీటీలోకి మెడికల్ డ్రామా... 10 సీజన్లు వచ్చినా తగ్గని క్రేజ్
