Europe like places in India: పాస్పోర్ట్ లేదు, వీసా టెన్షన్ అసలే లేదు.. కానీ యూరప్లో.. తిరిగినంత క్రేజీ ఫీలింగ్ కావాలా ? అయితే మీరు వెంటనే మీ ట్రావెల్ బకెట్ లిస్ట్ రీ-రైట్ చేసుకోవాల్సిందే! ఫ్రెంచ్ కేఫ్లు, ఆల్ప్స్ మంచు కొండలు, కలర్ఫుల్ పోర్చుగీస్ స్ట్రీట్స్.. ఇలా యూరప్లోని రొమాంటిక్ వాతావరణాన్ని గుర్తు చేసే అద్భుతమైన డెస్టినేషన్లు మన దేశంలోనే పుష్కలంగా ఉన్నాయి. తక్కువ బడ్జెట్లోనే యూరప్ వైబ్స్ అందించే.. టాప్ 5 ప్రదేశాలు, వాటి అంచనా ఖర్చు వివరాలు ఇప్పుడు చూద్దాం.
హిమాచల్ ప్రదేశ్లోని చంబా జిల్లాలో ఉన్న ‘ఖజియార్’ ప్రాంతాన్ని అధికారికంగానే “Mini Switzerland of India” అని పిలుస్తారు. పచ్చటి గడ్డి మైదానాలు, దట్టమైన పైన్ చెట్లు, చుట్టూ మంచుతో.. కప్పబడిన కొండలు మిమ్మల్ని స్విస్ ఆల్ప్స్ ప్రపంచంలోకి తీసుకెళ్తాయి. పారాగ్లైడింగ్, జోర్బింగ్, గుర్రపు స్వారీ వంటి కూడా ఇక్కడ అందుబాటులో ఉంటాయి.
బడ్జెట్ : రోజుకు రూ.1,500 – రూ.3,000 (హోమ్స్టేలు, ఫుడ్ కలిపి).
మీకు యూరోపియన్ సంస్కృతి, క్లాసిక్ కేఫ్లు అంటే.. ఇష్టమైతే పాండిచ్చేరిలోని ‘వైట్ టౌన్’ ఖచ్చితంగా విజిట్ చేయాలి. పసుపు రంగు పురాతన బంగ్లాలు, ఫ్రెంచ్ పేర్లతో ఉండే వీధులు, వైబ్రంట్ బొగన్విల్లా పూల రంగులు మిమ్మల్ని దక్షిణ ఫ్రాన్స్లోని వీధుల్లో తిరుగుతున్న ఫీలింగ్ ఇస్తాయి. సైక్లింగ్, ఫ్రెంచ్ కేఫ్లలో ఫ్రెంచ్ బేకరీ ఐటమ్స్ రుచి చూడటం, ఆరోవిల్ వంటివి ఎంజాయ్ చేయొచ్చు.
బడ్జెట్ : రోజుకు రూ.2,000 – రూ.4,000 (స్కూటర్ రెంట్, కేఫ్స్ & స్టే).
స్నో లవర్స్ గుల్మార్గ్ ఒక స్వర్గధామం. శీతాకాలంలో ఇక్కడ కురిసే.. తెలుపు రంగు మంచు తుంపరలు, అందమైన ఆల్పైన్ రిసార్టులు సరిగ్గా స్విట్జర్లాండ్ లేదా ఆస్ట్రియాలోని స్కీ రిసార్టులను తలపిస్తాయి. గొండోలా కేబుల్ కార్ రైడ్ , స్కీయింగ్, స్నోబోర్డింగ్ వంటివి ఇక్కడ అందుబాటులో ఉంటాయి.
బడ్జెట్ : రోజుకు రూ.3,500 – రూ.6,000 (గొండోలా టికెట్, స్కీయింగ్ &స్టే).
గోవా అంటే కేవలం బీచ్లే కాదు! పనాజీలోని ‘ఫొంటెయిన్హాస్’ అనే ఫ్రెంచ్/పోర్చుగీస్ క్వార్టర్ మిమ్మల్ని లిస్బన్ లేదా పోర్టో (పోర్చుగల్) వీధుల్లోకి తీసుకెళ్తుంది. బ్రైట్ పసుపు, నీలం, ఎరుపు రంగుల్లో మెరిసిపోయే ఇళ్లు, చెక్క బాల్కనీలు ఇన్స్టాగ్రామ్ ఫోటోలకు పర్ఫెక్ట్ స్పాట్! హెరిటేజ్ వాక్, ఆర్ట్ గ్యాలరీలు, లాటిన్ క్వార్టర్ బేకరీలు ఇక్కడ చాలా బాగుంటాయి.
బడ్జెట్ : రోజుకు రూ. 2,000 – రూ.3,500 (స్టే, ఫుడ్).
Also Read: మాన్సూన్ వైబ్స్.. పుణేకి దగ్గర్లో ఉన్న 5 అద్భుతమైన హిడెన్ వాటర్ఫాల్స్ ఇవే!
ఉత్తరాఖండ్లోని ‘ఆలీ’ (Auli) మన దేశపు ప్రతిష్టాత్మక స్కీయింగ్ డెస్టినేషన్. జోషిమఠ్ నుంచి ఆలీ వరకు వెళ్లే రోప్వే ప్రయాణంలో కనిపించే సీన్స్ ప్రసిద్ధ ఫ్రెంచ్ స్కీ రిసార్ట్లను పోలి ఉంటాయి. స్కీయింగ్, ఆలీ ఆర్టిఫిషియల్ లేక్, ట్రెక్కింగ్ ఇక్కడ ఫేమస్.
బడ్జెట్: రోజుకు రూ.2,500 – రూ.5,000 (రోప్వే,స్టే & ఫుడ్).
లక్షల రూపాయలు ఖర్చు చేసి యూరప్ వెళ్లే ముందు, మన దేశంలో దాగి ఉన్న ఈ అద్భుతమైన ప్రదేశాలను ఒక్కసారి ప్లాన్ చేయండి. ఇవి మీ జేబుకు భారం కాకుండానే ఇంటర్నేషనల్ వెకేషన్ ఫీల్ గ్యారెంటీగా ఇస్తాయి!
Share
'సర్' ప్రక్రియలో గందరగోళం.. అధికారుల లెక్కలు వేరు.. గ్రౌండ్ రియాలిటీ వేరు!
ఒకే హీరోకి కూతురిగా, లవర్గా, తల్లిగా నటించిన సీనియర్ హీరోయిన్ ఎవరో తెలుసా?
