Colourful Bed Sheets in Vande Bharat Sleeper: భారతీయ రైల్వే ప్రయాణీకులకు మెరుగైన సౌకర్యాలు కల్పించేందుకు ఎప్పటికప్పుడు సరికొత్త నిర్ణయాలు తీసుకుంటున్నది. పాత పద్దతులకు స్వస్తి పలికి కొత్త విధానాలు అవలంభిస్తోంది. అందులో భాగంగానే.. ఇప్పటి వరకు రైళ్లలో అందించిన తెలుపు రంగు బెడ్ షీట్ల స్థానంలో కొత్త బెడ్ షీట్లను అందుబాటులోకి తీసుకొచ్చింది. తొలిసారి ఈ బెడ్ షీట్లను వందేభారత్ స్లీపర్ రైళ్లలో పరిచయం చేసింది. ఇప్పటి వరకు ఉన్న బెడ్ షీట్లకు పూర్తి విరుద్ధంగా రంగు రంగుల్లో ఆకట్టుకుంటున్నాయి. ఇందుకు సంబంధించి వీడియోలు సోషల్ మీడియాలో వైరల్ అవుతున్నాయి.
నిజానికి ఏసీ క్లాస్ టిక్కెట్ బుక్ చేసుకున్న వారికి దిండ్లు, బెడ్ షీట్లు, దుప్పట్లు ఉచితంగా అందిస్తారు. ప్రయాణీకులకు వారి ఛార్జీలో భాగంగా బెడ్ లినెన్ ఇస్తారు. చాలా కాలంగా ఈ లినెన్లు పూర్తిగా వైట్ కలర్ లో ఉంటాయి. కానీ ఇండియన్ రైల్వే ఈ విధానానికి స్వస్తి పలికింది. ఇప్పుడు కలర్ బెడ్ షీట్స్ అందుబాటులోకి తీసుకొచ్చింది. ఫిబ్రవరి 27న ఇన్ స్టాగ్రామ్ యూజర్ ఓండ్రిలా దత్తా కొత్త వందే భారత్ స్లీపర్ లో ప్రయాణించారు. ఆమె కొత్త బెడ్ షీట్స్ కు సంబంధించి వీడియోను షేర్ చేసింది. ఇప్పటి వరకు తెలుపు రంగు బెడ్ షీట్ కప్పుకుంటే శవానికి దుప్పటి కప్పటినట్లు ఉండేదని, ఇకపై అలా ఉండబోదని చెప్పుకొచ్చింది. వందే భారత్ స్లీపర్ ఎక్స్ ప్రెస్ లోని ప్రయాణీకులు రంగుల బెడ్ షీట్లను కప్పుకున్నట్లు చూపించింది.
రైళ్లలో కొత్త బెడ్ షీట్లను చూసి నెటిజన్లు ఆశ్చర్యం వ్యక్తం చేస్తున్నారు. ఇండియన్ రైల్వే తీసుకున్న ఈ నిర్ణయాన్ని అభినందిస్తున్నారు. కొత్త బెడ్ షీట్లు చూస్తుంటే హాయిగా అనిపిస్తుందని ఓ నెటిజన్ రాసుకొచ్చాడు. గతంతో పోల్చితే కొత్త బెడ్ షీట్లు చాలా బాగున్నాయని మరో యువకుడు కామెంట్ చేశాడు. మరికొంత మంది.. గతంలో మాదిరిగా ఈ బెడ్ షీట్లను దొంగిలించకండి అని ప్రయాణీకులకు సూచించారు. “ఏసీ కంపార్ట్ మెంట్లలో అందించే బెడ్ షీట్లు, దుప్పట్లు, దిండ్లు మీతో పాటు తీసుకెళ్లకండి. మీరు తీసుకెళ్తే. వాటికి అయ్యే ఖర్చును రైల్వే సిబ్బంది జేబుల్లోనుంచి చెల్లించాల్సి ఉంటుంది. వారికి ఆర్థికంగా నష్టం కలిగిస్తుంది” అని ఓ నెటిజన్ రాసుకొచ్చాడు. ఈ బెడ్ షీట్లను వందేభారత్ స్లీపర్ రైళ్లతో పాటు అన్ని ఏసీ కోచ్ కు విస్తరించాలని మరో నెటిజన్ భారతీయ రైల్వేను రిక్వెస్ట్ చేశాడు.
అటు వందేభారత్ స్లీపర్ లో ఫుడ్ సర్వీసింగ్ పైగా ప్రయాణీకులు ప్రశంసలు కురిపిస్తున్నారు. అచ్చం విమానం తరహాలోనే పరిశుభ్రతా ప్రమాణాలను పాటిస్తున్నట్లు వెల్లడించారు. తాజాగా ఇందుకు సంబంధించిన వీడియో ఒకటి నెట్టిం వైరల్ అయ్యింది. క్యాటరింగ్ సిబ్బంది చక్కగా యూనిఫామ్ వేసుకుని, చేతులకు గ్లౌవ్స్ పెట్టుకుని, హెయిర్ నెట్, మాస్క్ ధరించి సీల్ చేసిన ఫుడ్ ప్రయాణీకులకు అందిస్తూ కనిపించాడు. అద్భుతమైన ఫుడ్ సర్వీస్ విధానాన్ని నెటిజన్లు సైతం ప్రశంసించారు.
Read Also: వందేభారత్ స్లీపర్ లో ఫ్లైట్ రేంజ్ ఫుడ్ సర్వీస్, ప్యాసింజర్స్ ఫిదా!
Share
BRS Party: స్పీకర్ పై అవిశ్వాస తీర్మానం పెట్టేందుకు బీఆర్ఎస్ బిగ్ స్కెచ్..!
Walking: రోజూ నడక ఆరోగ్యానికి మంచిదే కానీ.. వయస్సును బట్టి ఎంత నడవాలో తెలుసా?
