Indian Railway RailOne App: భారతీయ రైల్వే ప్రయాణీకులకు మెరుగైన సేవలు అందించే లక్ష్యంతో RailOne యాప్ ను పరిచయం చేసింది. అంతకు ముందు ఉన్న IRCTC యాప్ స్థానంలో దీనిని తీసుకొచ్చింది. గతంలో ఒక్కో రైల్వే సేవకు ఒక్కో యాప్ ఉపయోగించాల్సి ఉండగా, ఇప్పుడు అన్ని రైల్వే సేవలను ఒకే గొడుగు కిందికి తీసుకొస్తూ ఈ యాప్ ను రూపొందించింది. ఈ యాప్ తో రైలు టిక్కెట్లను బుక్ చేసుకోవడం చాలా సులభం. ప్రయాణీకులు సాధారణ రిజర్వేషన్ టిక్కెట్లు, తత్కాల్ టిక్కెట్లు, ప్రీమియం తత్కాల్ టిక్కెట్లను నేరుగా స్మార్ట్‌ ఫోన్ల నుంచి బుక్ చేసుకునే అవకాశం ఉంటుంది. RailOne యాప్ IRCTC అకౌంట్ డీటైల్స్ తోనూ పని చేస్తుంది.
RailOne యాప్ భారతీయ రైల్వే ప్రయాణీకుల కోసం రూపొందించిన అధికారిక మొబైల్ యాప్. ఈ యాప్ తో రైళ్ల వివరాలు, సీట్ల లభ్యత, టికెట్ల బుకింగ్, PNR స్టేటస్ చెకింగ్, టికెట్స్ క్యాన్సిలేషన్, ఫుడ్ ఆర్డర్, కంప్లైంట్స్ సహా అన్ని సర్వీసులు పొందవచ్చు. ఈ యాప్ లోకి లాగిన్ అయేందుకు IRCTC యూజర్ ID, పాస్‌ వర్డ్ ఉంటే సరిపోతుంది. లేని వాళ్లు కొత్తగా సైన్ ఇన్ అయితే సరిపోతుంది.
ముందుగా RailOne యాప్ లోకి లాగిన్ కావాలి. ప్రయాణీకుల వివరాలను ముందుగానే యాడ్ చేసుకోవాలి. UPI, డెబిట్ కార్డ్, క్రెడిట్ కార్డ్, నెట్ బ్యాంకింగ్ ద్వారా చెల్లింపులు చెయ్యొచ్చు. సాధారణ రిజర్వేషన్ టికెట్ బుక్ చేసుకోవడానికి, ఎక్కడి నుంచి ఎక్కడి వరకు వెళ్లాలో యాడ్ చేయాలి. ప్రయాణ తేదీని సెలెక్ట్ చేయాలి. మీ ప్రయాణానికి సరిపోయే సమయానికి ఏ రైళ్లు అందుబాటులో ఉన్నాయో చూడాలి. ఆ తర్వాత అందుబాటులో ఉన్న రైళ్లలో ఏ క్లాస్ లో వెళ్లాలో సెలెక్ట్ చేసుకోవాలి. సీటు అవైలబులిటీని చెక్ చేయాలి. ప్రయాణీకుల పేరు, వయస్సు, లింగం, బెర్త్ ప్రాధాన్యతను యాడ్ చేయాలి. ఆ తర్వాత పేమెంట్ చేయాలి. SMS ద్వారా, యాప్‌లో కన్ఫర్మేషన్ లభిస్తుంది.
ఎమర్జెన్సీ ప్రయాణీకులకు ఈ టిక్కెట్లు అందుబాటులో ఉంటాయి. రైలు ప్రయాణానికి ఒకరోజు ముందు AC క్లాస్ లకు ఉదయం 10:00 గంటల నుంచి అందుబాటులో ఉంటాయి. నాన్ AC క్లాస్ లకు ఉదయం 11:00 గంటలకు అందుబాటులో ఉంటాయి. బుకింగ్ ఓపెనింగ్ కు 5 నుంచి 10 నిమిషాల ముందు లాగిన్ కావాలి. ప్రయాణించాల్సిన రైలు కోసం చెక్ చేయాలి. కోటా అనే చోట తత్కాల్ అని సెలెక్ట్ చేసుకోవాలి. ఆ తర్వాత క్లాస్ ను సెలెక్ట్ చేసుకోవాలి. సేవ్ చేసిన ప్రయాణీకుల వివరాలను త్వరగా ఎంటర్ చేయాలి. వెంటనే చెల్లింపును పూర్తి చేయాలి. తత్కాల్ టిక్కెట్లు నిమిషాల్లోనే అమ్ముడవుతాయి. వేగవంతమైన ఇంటర్నెట్ కనెక్షన్ చాలా ముఖ్యం. త్వరగా చెల్లింపు కోసం UPIని ఉపయోగించాలి.
ప్రీమియం తత్కాల్ టికెట్లు కూడా ఇంచుమించు ఇలాగే బుక్ చేసుకోవాలి. అయతే, ఛార్జీలు సాధారణ తత్కాల్ ఛార్జీల కంటే చాలా ఎక్కువగా ఉంటాయి. మొత్తంగా RailOne యాప్ రైలు టిక్కెట్ల బుకింగ్‌ను సులభతరం చేస్తుంది. సౌకర్యవంతంగా చేస్తుంది.
Read Also: హోలీ వేళ రైల్వే గుడ్ న్యూస్, అందుబాటులోకి 1,244 స్పెషల్ రైళ్లు!
Share
Comedy Movie OTT: భార్య ఒకరితో భర్త మరొకరితో... సోషల్ మీడియాలో కొత్త ప్రేమ... క్లైమాక్స్ వరకు నవ్వులే
BSNL Rs799 Plan: 200Mbps ఇంటర్నెట్ ప్లాన్ కేవలం రూ.799.. సినిమా డౌన్లోడ్ క్షణాల్లో, ఓటీటీ ఉచితం
