Low Budget Foreign Trip| విదేశీ ప్రయాణం అంటే భారీగా డబ్బు ఖర్చు చేయాల్సిందేనని చాలామంది అనుకుంటారు. అయితే సరైన డెస్టినేషన్ ఎంచుకుని ముందుగానే ప్లాన్ చేసుకుంటే తక్కువ బడ్జెట్లో కూడా ఇంటర్నేషనల్ ట్రిప్ ప్లాన్ చేయవచ్చు. ట్రావెల్ కంటెంట్ క్రియేటర్ పలక్ దవ్దా ఇన్స్టాగ్రామ్లో షేర్ చేసిన వివరాల ప్రకారం.. రూ.50 వేలలోపు బడ్జెట్తో 4 నుంచి 5 రోజుల పాటు వెళ్లగల ఏడు దేశాలు ఉన్నాయి.
కజకిస్థాన్లోని అల్మాటీ నగరం ఈ జాబితాలో మొదటి స్థానంలో ఉంది. భారతీయులకు వీసా అవసరం లేదని ఆమె పేర్కొన్నారు. హోటల్కు రాత్రికి సుమారు రూ.2,500, ఆహారానికి రోజుకు రూ.1,500 వరకు ఖర్చవుతుందని అంచనా. రౌండ్ ట్రిప్ విమాన టికెట్లకు సుమారు రూ.20,000, ఇతర ఖర్చులకు రోజుకు రూ.3,000 వరకు కేటాయించాలి.
శ్రీలంక కూడా భారతీయ ప్రయాణికులకు వీసా రహిత గమ్యస్థానంగా పలక్ పేర్కొన్నారు. హోటల్ వసతి కోసం ఒక రాత్రికి సుమారు రూ.2,500, ఆహారానికి రోజుకు రూ.1,500 వరకు ఖర్చవుతుంది. రౌండ్ ట్రిప్ ఫ్లైట్కు సుమారు రూ.18,000, లోకల్ టూర్లకు రోజుకు రూ.3,000 వరకు ఖర్చు అవుతుంది.
మలేషియాలో హోటల్కు రాత్రికి సుమారు రూ.2,000, ఆహారానికి రోజుకు రూ.1,200 వరకు ఖర్చవుతుందని అంచనా. విమాన టికెట్లకు సుమారు రూ.18,000, ఇతర రోజువారీ ఖర్చులకు రూ.2,000 వరకు అవుతుంది.
ఇండియా నుంచి భూటాన్ వెళ్లేందుకు విమానం మార్గంతో రోడ్డు మార్గం కూడా ఉంది. బాగ్డోగ్రా విమానాశ్రయం నుంచి ట్యాక్సీ ద్వారా భూటాన్ సరిహద్దుకు చేరుకోవచ్చు. రోజువారీ ఫీజు సుమారు రూ.1,200, వసతికి రూ.3,000, ఆహారానికి రూ.1,200, డే టూర్లకు రూ.3,000 వరకు ఖర్చవుతుందని ఆమె తెలిపారు.
Also Read: గంధపు చెట్ల మీదే పాములు ఎందుకు ఎక్కువగా నివసిస్తాయి? సువాసన కాదు.. అసలు కారణం ఇది
ఒమన్ ఈ-వీసాకు సుమారు రూ.1,700, హోటల్కు రాత్రికి రూ.3,000 వరకు ఖర్చవుతుంది. ఆహారానికి రోజుకు రూ.1,500, రౌండ్ ట్రిప్ ఫ్లైట్కు సుమారు రూ.15,000, టూర్లకు రోజుకు రూ.3,000 వరకు ఖర్చు కావచ్చు.
కంబోడియాలో వీసా ఆన్ అరైవల్కు సుమారు రూ.2,700, వసతికి రాత్రికి రూ.2,000, ఆహారానికి రోజుకు రూ.1,200 వరకు ఖర్చవుతుంది. ఫ్లైట్కు సుమారు రూ.23,000, డే టూర్లకు రూ.2,500 వరకు అవసరం కావచ్చు.
థాయ్లాండ్లో హోటల్కు రాత్రికి రూ.2,000, ఆహారానికి రోజుకు రూ.1,200, రౌండ్ ట్రిప్ ఫ్లైట్కు సుమారు రూ.15,000, టూర్లకు రోజుకు రూ.2,000 వరకు ఖర్చవుతుందని అంచనా.
గమనిక: వీసా నిబంధనలు, విమాన ఛార్జీలు, హోటల్ ధరలు మారే అవకాశం ఉన్నందున బుకింగ్ చేసే ముందు తాజా అధికారిక వివరాలను చెక్ చేయడం మంచిది.
Also Read: డిగ్రీ లేకపోయినా రూ.1 లక్షకు పైగా జీతం.. ఎలా సంపాదిస్తున్నాడంటే
Share
మమిత బైజుకు ఏమైంది..? సినిమాలకు గుడ్ బై..?
బిగ్ బాస్ షోలో అత్యధిక రెమ్యూనరేషన్ తీసుకున్న కంటెస్టెంట్ ఈమె!
