Anasuya:సోషల్ మీడియాలో ఎప్పుడూ ట్రెండింగ్‌లో ఉండే నటి, అనసూయ భరద్వాజ్(Anasuya Bhardwaj) తాజాగా పోస్ట్ చేసిన వర్కవుట్ వీడియో ఇంటర్నెట్‌ను షేక్ చేస్తోంది. ఇటీవలే కొన్ని వివాదాలు, ట్రోల్స్‌ ఎదుర్కొన్నప్పటికీ, వాటితో నాకు సంబంధం లేదన్నట్లుగా ఆమె పంచుకున్న లేటెస్ట్ ఫిట్‌నెస్ పిక్స్, రీల్ ఇప్పుడు నెటిజన్లను ఆశ్చర్యపరుస్తున్నాయి. ఏమాత్రం తగ్గేదేలే అంటూ మైండ్ బ్లాకింగ్ స్పీడ్‌తో అనసూయ చేసిన ఈ ఎనర్జటిక్ వర్కవుట్ వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. ఆ వివరాలు చూద్దాం..
తాజా వీడియోలో అనసూయ బ్లాక్ స్లీవ్‌లెస్ స్పోర్ట్స్ ట్యాంక్ టాప్, ఫిట్టెడ్ యాక్టివ్‌వేర్ షార్ట్స్‌లో కనిపించి కేక పుట్టించింది. ఇక చేతులకు రెడ్ అండ్ బ్లాక్ బాక్సింగ్ గ్లోవ్స్ తొడుక్కుని ఆమె పంచ్‌లు విసురుతూ, చెమటలు చిందిస్తూ వర్కవుట్స్ చేసిన తీరు చూసి ఫ్యాన్స్ ఫిదా అవుతున్నారు. “ఆగష్టు నెల నన్ను మరింత బలంగా మార్చింది.. నా బాటలో నేను ముందుకు సాగుతున్నాను” అని ఆసక్తికరమైన క్యాప్షన్ జత చేసింది.
also read:రష్మికను ఆనంద్ ‘వదిన’ అని పిలవరా.. మరి ఏమని పిలుస్తారు?
మరోవైపు ఆమె మహిళలు భర్త చనిపోతే బొట్టు, గాజులు తీసేయాలనే సంప్రదాయాన్ని ప్రశ్నిస్తూ చేసిన వ్యాఖ్యలపై కొన్ని హిందూ సంఘాలు తీవ్ర ఆగ్రహం వ్యక్తం చేశాయి. అయితే తాను సనాతన ధర్మాన్ని పాటించే హిందువునని, జై శ్రీరామ్, జై హనుమాన్ నినాదాలతో ఆమె స్పష్టం చేసింది. దేవుడి పేరుతో వ్యాపారం చేస్తూ, మత విద్వేషాలను రెచ్చగొట్టే వారికే తాను కౌంటర్ ఇచ్చానని, తన వ్యాఖ్యలను వక్రీకరించారని గట్టిగా బదులిచ్చింది.
తన ప్రగతిశీల ఆలోచనలపై సమాజంలో భిన్నమైన అభిప్రాయాలు వ్యక్తమవుతున్నా, అనసూయ మాత్రం పర్సనల్ ఎటాక్స్ చేసిన వారికి తనదైన శైలిలో సమాధానమిచ్చింది. విమర్శలను ఏమాత్రం పట్టించుకోకుండా తన ఫ్యూచర్ ప్రాజెక్టులపై దృష్టి పెట్టింది. ఇటీవల ‘నాగబంధం’ సినిమాలో ఓ కీలక పాత్ర పోషించిన ఈ భామ, మరిన్ని కొత్త సినిమాలతో ప్రేక్షకులను అలరించడానికి సిద్ధమవుతోంది.
ఎంతమంది ట్రోల్ చేసినా, వివాదాలు చుట్టుముట్టినా బెదిరిపోకుండా జిమ్‌లో కష్టపడుతూ మైండ్, బాడీని ఫిట్‌గా ఉంచుకునే అనసూయ ధైర్యాన్ని అభిమానులు మెచ్చుకుంటున్నారు. ఇక ఈ వీడియో చూసిన నెటిజన్లు “మీ స్పీడ్ వేరే లెవెల్ మేడమ్” అంటూ కామెంట్లు పెడుతున్నారు. విమర్శలను పక్కన పెట్టి, ఫిట్‌నెస్‌తో పాటు తన కెరీర్‌ను విజయవంతంగా బ్యాలెన్స్ చేస్తున్న అనసూయ, రాబోయే రోజుల్లో వెండితెరపై మరిన్ని పవర్ ఫుల్ పాత్రలతో మెరవాలని ఫ్యాన్స్ కోరుకుంటున్నారు.
?utm_source=ig_web_copy_link&igsi=MzRlODBiNWFlZA==
Share
రూ.599లకే 45 గంటల బ్యాటరీ బ్యాకప్ ఇయర్ బడ్స్..
భార్యాభర్తల మధ్య ఊహించని రచ్చ... నవ్విస్తూనే మతిపోగొట్టే ట్విస్టులున్న మలయాళ డ్రామా తెలుగులోనే
