Bigg boss 10: ఎట్టకేలకు అభిమానుల ఎదురుచూపుకు తెరదించుతూ.. బిగ్ బాస్ తెలుగు సీజన్ 10 ఘనంగా ప్రారంభమైంది. సెప్టెంబర్ 6 సాయంత్రం 7:00 గంటలకు పది మంది సెలబ్రిటీలు, 6 మంది కామనర్స్ తో హౌస్ కళకళలాడింది. ఇకపోతే బిగ్ బాస్ తెలుగు సీజన్ 10 అలా ప్రారంభం అయ్యిందో లేదో అప్పుడే కంటెస్టెంట్స్ సేఫ్ గేమ్ మొదలు పెట్టారా ? అని అనుమానాలు ఆడియన్స్ లో మొదలయ్యాయి. ఇదిలా ఉండగా చిన్న చిన్న వాటికి నామినేట్ చేస్తుండడం కూడా సోషల్ మీడియాలో వైరల్ గా మారింది. ఇకపోతే ఒక కంటెస్టెంట్ ఏకంగా నీ ఐబ్రోస్ కలర్ నచ్చలేదని నామినేట్ చేస్తానంటూ చేసిన కామెంట్లు ఆశ్చర్యానికి గురిచేస్తున్నాయి.
బిగ్ బాస్ సీజన్ 10 లోకి కంటెస్టెంట్ గా అడుగుపెట్టిన వారిలో ఆటో రాంప్రసాద్, ప్రముఖ సీరియల్ నటి దేబ్జానీ మోదక్ కూడా ఒకరు. హాల్లో కూర్చుని మాట్లాడుతున్న సమయంలో దేబ్జానీ మోదక్ పక్కనే కూర్చున్న జబర్దస్త్ కమెడియన్ ఆటో రాంప్రసాద్ ఆమెతో మాట్లాడుతూ..” నీ ఐబ్రోస్ కలర్ నాకు నచ్చలేదు. అందుకే నామినేట్ చేస్తున్నాను” అంటూ ఫన్నీగా కామెంట్ చేశారు. అయితే దానికి ఆమె మాట్లాడుతూ.. నా ఐబ్రోస్ కలర్ నచ్చక మీరు నామినేట్ చేస్తారా? అని అడగగా.. అవును నీ కళ్ళ వల్ల నా కళ్ళు రిఫ్లెక్ట్ అవుతున్నాయి. కావాలంటే నరేష్ ను కూడా అడుగు అంటూ చెబుతాడు రామ్ ప్రసాద్. దేబ్జానీ నరేష్ ని అడుగుతూ..” మీకు కూడా నా ఐబ్రోస్ కలర్ ప్రాబ్లమా? అంటూ అడుగుతుంది.. దానికి నరేష్ చాలా అందంగా ఉన్నాయి. అదే నాకు ఇబ్బంది అవుతుంది అంటూ కామెంట్ చేశాడు. మరి రాంప్రసాద్ కామెడీగా అన్నాడా లేక సేఫ్ గేమ్ ఆడుతున్నాడా అనే అనుమానాలు ఇప్పుడు ఆడియన్స్ లో మొదలయ్యాయి.
also read:జమీందారు వంశంలో పుట్టి.. బిగ్ బాస్ లోకి ఎంట్రీ.. ఎవరీ కంటెస్టెంట్?
ప్రస్తుతం ఇందుకు సంబంధించిన వీడియో క్లిప్ వైరల్ గా మారడంతో ఇదెక్కడి షో రా బాబు అంటూ కామెంట్లు చేస్తున్నారు. మరికొంతమంది హోస్ట్ నాగార్జున పదిరెట్లు భిన్నంగా ఉంటుంది అంటూ షోపై అంచనాలు పెంచేశారు.. అది ఇదేనా అంటూ కామెంట్లు చేస్తున్నారు. మొత్తానికైతే రాంప్రసాద్ చేసిన కామెంట్లు ఇప్పుడు సోషల్ మీడియాలో వైరల్ గా మారుతున్నాయి.
ఇకపోతే ఆదివారం ఘనంగా బిగ్ బాస్ సీజన్ 10 ప్రారంభం అయింది. మరి తొలివారం ఎలిమినేషన్ కి సంబంధించిన ప్రక్రియ ప్రారంభం కానుంది . ఇక తొలివారం నామినేషన్స్ ఏ విధంగా జరగనున్నాయి? అనే విషయం తెలియాలి అంటే ఇంకొంతసేపు ఆగాల్సిందే. మొత్తానికైతే నామినేషన్ పేరిట ఎవరెవరు ఎవరిని ఉద్దేశించి ఏ విధంగా నామినేట్ చేయాలో అప్పుడే డిసైడ్ అవుతున్నారు అంటూ రాంప్రసాద్ మాటలు విన్న నెటిజన్స్ కామెంట్లు చేస్తున్నారు.
Share
మారుతి కస్టమర్లకు షాక్.. మళ్లీ ధరలు పెంపు, ఈసారి ఎంతంటే?
పాత క్లాసిక్ డిజైన్కు బ్లూటూత్ 6.0 పవర్.. సోనీ లవర్స్ అయితే ఈ పిక్స్ చూడాల్సిందే!
