Big Tv Kissik Talks: బిగ్ టీవీ ఎంతో ప్రతిష్టాత్మకంగా నిర్వహిస్తున్న కిస్సిక్ టాక్స్ కార్యక్రమం ఎంతో మంచి ఆదరణ సొంతం చేసుకుంది. ప్రతివారం ఈ కార్యక్రమంలో భాగంగా సెలబ్రిటీలు పాల్గొంటూ వారికి సంబంధించిన విషయాల గురించి మాత్రమే కాకుండా ప్రతి సమాజంలో జరుగుతున్న అంశాల గురించి మాట్లాడుతూ వారి అభిప్రాయాలను తెలియజేస్తూ అవగాహన కల్పిస్తున్నారు. ఇటీవల కాలంలో ఎక్కువగా పిల్లల పట్ల లైంగిక వేధింపులకు పాల్పడుతున్న సంగతి తెలిసిందే. ఇలాంటి అంశాల గురించి ఈ కార్యక్రమం ద్వారా ప్రస్తావిస్తూ అవగాహన కల్పిస్తున్నారనే చెప్పాలి.
ఇకపోతే ఈ వారం ఈ కార్యక్రమంలో భాగంగా నటి శ్రీ సత్య(Sri Satya) పాల్గొన్నారు. తాజాగా ఈ కార్యక్రమానికి సంబంధించిన ప్రోమో వీడియో విడుదల చేశారు. ఇందులో భాగంగా చిన్నపిల్లల పట్ల లైంక వేధింపుల గురించి అలాగే సినిమా ఇండస్ట్రీలో ఉన్న క్యాస్టింగ్ కౌచ్(Casting Couch) గురించి ఈమెకు ప్రశ్నలు ఎదురవడంతో శ్రీ సత్య తన అభిప్రాయాలను తెలియజేస్తూ అలాగే తనకు జరిగిన సంఘటనలు గురించి కూడా ఈ సందర్భంగా అభిమానులతో పంచుకున్నారు. సినిమా ఇండస్ట్రీలో క్యాస్టింగ్ కౌచ్ ఉందనే సంగతి అందరికీ తెలిసిందే. ఇప్పటికే ఎంతోమంది కాస్టింగ్ కౌచ్ బాధితులు తమ బాధను మొత్తం బయట పెట్టుకున్నారు.
ఈ నేపథ్యంలోనే శ్రీ సత్య కూడా ఇండస్ట్రీలో తనకు ఎదురైన చేదు అనుభవాలను తెలియజేశారు. సినిమా ఇండస్ట్రీలో నేను కూడా ఇలాంటి ఇబ్బందులను ఎదుర్కొన్నానని శ్రీ సత్య తెలిపారు. ఇప్పటికీ కూడా ఇలాంటి ఫోన్ కాల్స్ వస్తాయని, అయితే ఎవరు కూడా ఈ విషయం గురించి నేరుగా అడగకుండా పరోక్షంగా అడుగుతుంటారని తెలిపారు. ఇండస్ట్రీలో తనుకు ఎదురైనా చేదు అనుభవాల గురించి కూడా తెలిపారు. తాను సినిమా అవకాశాల కోసం ఆడిషన్ చేసి ఫోటోషూట్లు చేసిన తర్వాత కూడా నన్ను సినిమాల నుంచి తప్పించారని తెలిపారు. ఇక కొన్ని షోలలో మేకప్ రూమ్ లో వెళ్లి మేకప్ వేసుకుంటున్నప్పుడు కూడా నా బ్యాగ్ తీసి బయటకు పడేసి ఎవరితో పడితే వాళ్లతో ఎందుకు షేర్ చేసుకుంటాం అంటూ అవమానించారని తెలిపారు.
ప్రస్తుతం సమాజంలో చిన్న పిల్లల పట్ల చాలామంది లైంగికంగా ఇబ్బంది పెడుతున్నారు. వాటిపై మీ అభిప్రాయం ఏంటంటే ప్రశ్న ఎదురవడంతో అది చాలా చండాలమని తెలిపారు. ఇప్పుడు చాలామంది అమ్మాయిల వస్త్రధారణ గురించి మాట్లాడుతున్నారు మరి చిన్న పిల్ల ఎలాంటి డ్రెస్ వేసుకుంటుంది అంటూ ఈమె కొంతమందికి కౌంటర్ ఇచ్చేలాగా మాట్లాడారు. మీ చిన్నప్పుడు ఇలాంటి సంఘటనలను విన్నారా అనే ప్రశ్న ఎదురవడంతో నన్నే చిన్నప్పుడు ఇబ్బందులు పెట్టారని తెలిపారు. నేను ఏడో తరగతిలో చదువుతున్నప్పుడు రోడ్డుమీద వెళ్తుంటే నడుము గిల్లి వెళ్లిపోయారు. అక్కడ అందరూ చూస్తున్నారు కానీ ఎవరు కూడా ముందుకు వచ్చి ఆపలేకపోయారు అంటూ తనకు జరిగిన చేదు సంఘటనల గురించి ఈ సందర్భంగా బయటపెట్టారు.
Share
Smartwatches For Kids: ఈ GPS స్మార్ట్‌వాచ్‌లతో.. మీ పిల్లల సేఫ్టీ ఇక సులభం
Jagtial Crime News: యూట్యూబర్ వైష్ణవి హత్య కేసులో పురోగతి.. భర్తతో పాటు అత్త, బావలు అరెస్ట్!
