Brahmamudi serial today Episode: అందరూ వెళ్లిపోయాక అపర్ణ, రాజును మీ అమ్మానాన్న పేరేంటి అని అడగ్గానే.. రాజు వర్జినల్ పేర్లు కాకుండా వేరే ఏదైనా పేర్లు చెప్పాలి అని ఆలోచిస్తుంటే.. ఇందు వెంటనే నాన్న చలపతి అమ్మ పేరు లక్ష్మీ తమ్ముడి పేరు వెంకటేశ్వర్లు అని చెప్తుంది. దీంతో రాజు కోపంగా ఇందు అనగానే.. ఏంటి మీ తమ్ముడి లాగే నీక్కూడా వెంకటేశ్వర్లు అనే పేరు నచ్చదా..? అని అడుగుతుంది. దీంతో అది కాదు ఇందు మా అమ్మా నాన్న పేర్లు వాళ్లకు ఎందుకు చెప్పావు అంటాడు రాజు. దీంతో ఇందు వాళ్లు అడిగారు కాబట్టి చెప్పాను అనగానే.. రాజు కోపంగా అయితే మా ఇల్లు పక్కవీధిలో ఉంది. మేము పెళ్లి రోజులు, బర్తుడేలు రిచ్ గా చేసుకోము చికెన్ వండుకుని మాత్రమే తింటామని మా ఇంటి గుట్టు మొత్తం బయటకు చెప్పేయ్ అంటుంటే..
అపర్ణ ఏంటి బాబు ఏమైంది..? ఇంతకీ మీరు ఎక్కడ ఉంటారు అని అడుగుతుంది. ఏం లేదండి.. ఈ సిటీలోనే ఉంటాము అంటాడు రాజు. ఇంతలో స్వాతి కలగజేసుకుని ఈ సిటీ అంటే ఎక్కడ బావ.. అనగానే.. పక్కనే ఉన్న బస్తీలో ఉంటాము అమ్మ అనగానే.. శేషు అనుమానంగా ఆ బస్తీ నీకు కంఫర్ట్ గా ఉంటుందా బాబు అని అడగ్గానే.. ఏం కఫర్ట్ మామయ్య అడ్జస్ట్ అవ్వాలి కదా అని రాజు చెప్పగానే.. శేషు కానీ అసలు నువ్వు మాత్రం అసలు మామూలు ట్విస్టు ఇవ్వలేదయ్యా.. ఈరోజు మా మైండ్ మొత్తం బ్లాక్ అయిపోయింది. ఇదిగో మా ఆవిడను తప్పించి ఇందునే పెళ్లి చేసుకున్నావు అంటే.. భ్రమరాంబ ఇప్పుడు అవన్నీ ఎందుకులే అంటూ వెళ్లిపోతుంది. శేషు వెనకాలే వెళ్లిపోతాడు. ఇందు, స్వాతి దగ్గరకు వెళ్లి స్వాతి ఇప్పుడు హ్యాపీయేనా అని అడగ్గానే.. పెళ్లి ఆగిపోయింది కదా హ్యాపీయే కానీ ఈ ట్విస్టే అర్థం కావడం లేదు అనగానే.. ఇందు నాన్నమ్మ ఇలా జరుగుతుందని నేను అనుకోలేదు.. సడెన్గా అలా జరిగిపోయింది. అని చెప్తుంటే..
రాజు మనసులో సడెన్ గా ఇలా జరిగిపోయింది అంటావేంటి..? నువ్వే కదా అంతా ప్లాన్ చేసింది.. అని మనసులో అనుకుంటాడు. ఇంతలో అపర్ణ బాబు ఇంతకీ మీ ఇంటి పేరేంటి..? అని అడగ్గానే.. అబ్బో ఇక్కడ ఇంకా చాలా సేపు ఉంటే.. పుట్టుపూర్వోత్తరాలు లాగేసేలా ఉన్నారు.. అని మనసులో అనుకుంటూ అవన్నీ తర్వాత మాట్లాడుకుందాం నేను ప్రెష్ అవుతాను అంటూ ఇందుతో పాటు రూంలోకి వెళ్తాడు. అపర్ణ ఆశ్చర్యంగా సుభాష్తో ఏవండి నాకు అసలు నమ్మబుద్ది కావడం లేదండి.. తనను చూస్తుంటే అచ్చం మన కొడుకును చూసినట్టు ఉంది అని చెప్తుంటే.. సుభాష్ కూడా నాకు అలాగే అనిపిస్తుంది అపర్ణ. ఒకవేళ నా అనుమానమే నిజం అయితే వాడు మన మనవడు అయ్యే అవకాశం ఉంది లేకపోతే అచ్చు గుద్దినట్టుగా మన రాజులా ఎందుకు ఉంటాడు అనగానే.. అపర్ణ కూడా అవునండి.. కచ్చితంగా వాడు మన కూతురు కొడుకే.. అది తెలియాలంటే తన అమ్మానాన్నలను కలిసి మాట్లాడాలి అప్పుడే మనకు నిజాలు తెలుస్తాయి అంటుంది. సుభాష్ అవును అంటాడు.
మరోవైపు రూంలోకి వెళ్లిన రేఖ కోపంగా రూంలో వస్తువులన్నీ చిందరవందర చేస్తుంటుంది. భూషణ్ ఆపేస్తాడు. రెండు తరాలుగా ఈ ఆస్థి కోసం ప్రయత్నిస్తున్నాము మా చేతికి అందకుండా పోతుంది అంటూ బాధపడుతుంది. భూషణ్, రేఖ వాళ్లిద్దరి పెళ్లిని క్యాన్సిల్ చేసి మదన్ తో పెళ్లి చేయడానికి ప్లాన్ చేస్తారు. ఇందు రూంలోకి వెళ్లిన రాజు ఆ రూం చూసి ఇది నీ రూమా..? నువ్వు ఈ ప్యాలెస్కు యువరాణివి ఈ స్టోర్ రూంలో ఉంటానంటే నమ్ముతానా అంటాడు. ఇందు కోపంగా ఏయ్ నేను ఉండేది ఈ గదిలోనే అని చెప్పగానే.. రాజు షాక్ అవుతాడు. ఈ రూంలో నువ్వు ఉంటున్నావా..? మోసం చేశావే.. నన్ను మోసం చేశావు.. ఇదో పెద్ద ప్యాలెస్, దీనికి నువ్వే యువరాణివి నాకు బాగా డబ్బులు ఇస్తావని అనుకుంటే ఇప్పుడు ఇలాంటి ట్విస్ట్ ఇస్తే ఎలా అంటూ కోప్పడుతుంటే.. ఇందు కోపంగా రాజును తిడుతుంది. ఇద్దరి మధ్య గొడవ జరుగుతుంది. దీంతో ఇందు అప్పుడే నేను పెట్టిన కండీషన్స్ గుర్తు తెచ్చుకో అని చెప్పగానే.. రాజు ప్లాష్ బ్యాక్ గుర్తు చేసుకుంటాడు. ఇందు వెటకారంగా గుర్తుకు వచ్చిందా అని అడగ్గానే.. రాజు గుర్తుకు వచ్చింది అంటాడు. ఇంతటితో నేటి బ్రహ్మముడి సీరియల్ ఎపిసోడ్ అయిపోతుంది.
Share
మ్యాచ్ ఫిక్సింగ్ కలకలం.. ఈ రెండు తప్పిదాలే, ముంబై ఇండియన్స్ కొంపముంచాయా ?
మదర్స్ డే రోజున దళపతి విజయ్ కొడుకు పోస్ట్ చూస్తే కన్నీళ్ళు ఆగవు భయ్యా..
