Brahmamudi serial today Episode: కావ్య రూంలో ఉండగా రాజ పాలు తీసుకుని వచ్చి శ్రీమతి గారికి చక్కని చిక్కని పాలు అంటూ ఇస్తాడు. ఆ పాలు తీసుకుని చూసిన కావ్య ఏంటండి పాలు ఇలా ఎర్రగా ఉన్నాయి అని అడుగుతుంది. మీ అమ్మ తెచ్చిన కుంకుమపువ్వు కలిపానని చెప్తాడు రాజ్. అది సరే కానీ మీ అన్నదమ్ములు ఇద్దరూ కలిసి అనుకున్నారా ఏంటి..? ఇద్దరూ ఆడపిల్లలే పుట్టాలని కోరుకుంటున్నారు.. అయినా మీకు ఆడపిల్లలు అంటే మీకెందుకండి అంత ఇష్టం.. అని అడుగుతుంది.
దీంతో అమ్మాయిలు అనుకుంటే పుట్టరు.. ఎంతో అదృష్టం ఉంటే పుడతారు.. అయినా అబ్బాయిలు ఆస్తులే అమ్మా నాన్న అనుకుంటారు.. కానీ అమ్మాయిలు మాత్రం అమ్మా నాన్నలే ఆస్తులు అనుకుంటారు. అందుకే నాకు ఆడపిల్ల కావాలనుకుంటున్నాను అని చెప్తాడు రాజ్. తర్వాత కావ్య పాలు తాగి అవును మీ అక్క గురించి ఏమనుకుంటున్నారు అని అడుగుతుంది. ఏమనుకోవడం ఏంటి..? రేపు వెళ్లి ఇంటికి తీసుకురావడమే.. అయినా నువ్వు ఇలాంటి విషయాలు ట్రెస్‌ తీసుకోవద్దని చెప్పాను. అన్ని నేను చూసుకుంటాను నువ్వు పడుకో అంటాడు రాజ్.
రాహుల్ రూంలో ఏదో ఆలోచిస్తుంటాడు. ఏవేవో లెక్కలు వేస్తుంటాడు. ఇంతలో రుద్రాణి వస్తుంది. ఆశ్చర్యంగా చూస్తూ ఏంట్రా ఏదో పంచాంగం చెప్పే పండితుడిలా అలా లెక్కలు వేస్తున్నావేంటి…? అంటుంది. ఏం లేదు మమ్మీ ఇప్పుడు నేను చేస్తున్న ఈ పనులన్నీ ప్రొఫెషన్‌ లాగా చేస్తే ఎంతొస్తుందా అని లెక్కలు వేస్తున్నాను అని చెప్తాడు రాహుల్. దీంతో రుద్రాణి కోపంగా అరేయ్‌ ఇడియట్‌ ఎవరైనా ఆకాశానికి ఎగరాలనుకుంటారు. నువ్వేంట్రా పని వాడిలా ఆలోచిస్తూ కల్లాపి చల్లాలి అనుకుంటున్నావు నీకేమైనా పిచ్చి కానీ పట్టిందా..? అంటుంది.
దీంతో రాహుల్ పిచ్చి ఏం కాదు మమ్మీ పరిస్థితులు చూస్తుంటే.. అలాగే ఉన్నాయి. నువ్వేమో అది చేస్తా ఇది చేస్తా అన్నావు తప్పా చేసింది ఏమీ లేదు.. అందరూ కలిసిపోయి ప్రేమ జంటల్లా హ్యాపీగా ముచ్చట్లాడుతున్నారు. వీళ్లను ఇలాగే వదిలేశామంటే వాళ్లకు పిల్లలు పుడతారు.. ఆ రాజ్ కు పుట్టినోడు ఇంటికి వారసుడైపోతాడు. అప్పుడు అందరూ పిలిచి నీకు అలవాటైన పనే కదరా అంటూ ఆ పిల్లల ముక్కులు మూతులు కడిగిస్తారు అంటూ బాధపడుతుంటే.. అలాంటి కర్మ నీకెందుకు పట్టనిస్తానురా..?
నువ్వెప్పటికీ రాజే.. నీ కూతురే నీ తర్వాతి వారసురాలు అవుతుంది అని రుద్రాణి చెప్పగానే.. ఎలా అవుతారు మమ్మీ వాళ్లకు కూడా పిల్లలు పుడతారు కదా..? అంటాడు రాహుల్. దీంతో వాళ్లకు పుట్టకుండా చేస్తాను.. నువ్వెప్పుడైనా ఒకే దెబ్బకు రెండు పిట్టలు అనే సామెత విన్నావా రాహుల్.. అని అడుగుతుంది. విన్నాను మమ్మీ కానీ అలా జరిగినట్టు ఒక్కసారి కూడా చూడలేదు అంటాడు. అయితే రేపు చూస్తావు.. అంటూ రుద్రాణి చెప్తుంది. ఏం చేస్తావు మమ్మీ అని రాహుల్ అడగ్గానే.. చెప్పను చేసి చూపిస్తాను అంటుంది రుద్రాణి…
ఇంట్లో వినాయక చవితికి ఏర్పాట్లు చేస్తుంటారు. అన్ని పనులు సుభాష్‌, ప్రకాష్‌ చేస్తుంటారు. ఇంతలో ధాన్యలక్ష్మీ, అపర్ణ వచ్చి ఇంకా పనులు చెప్తుంటే.. మా వల్ల కాదని వెళ్తుంటారు. ఇంతలో రాహుల్ రాగానే.. పిలిచి మీకు ఏవైనా పనులు చేయాలంటే వీడితో చేయించుకోండి అని చెప్తారు. రాహుల్ నాకు చాలా పనులున్నాయి అని చెప్తాడు. ఇంతలో రాహుల్‌ను స్వప్న పిలుస్తుంది. రాహుల్ పైకి పరుగెత్తుకుంటూ వెళ్తాడు.
అపర్ణ కావ్యను పిలుస్తుంది. ఏంటత్తయ్యా పిలిచారు అని అడుగుతుంది. నీకు గిఫ్ట్‌ ఇద్దామని పిలిచాను అంటుంది. దుబాయ్ నుంచి స్పెషల్‌గా నీకోసమే తెపించాను చూడు ఎలా ఉంది నచ్చిందా అని అడుగుతుంది. దీంతో కావ్య అమ్మ కోపాన్ని అత్త ప్రేమని నచ్చినా నచ్చకపోయినా యాక్సెప్ట్‌ చేయక తప్పదు కదా అత్తయ్య గారు.. అంటుంది. దీంతో అంటే ఇప్పుడు నచ్చింది అంటున్నావా..? నచ్చలేదు అంటున్నావా..? అని అడుగుతుంది. ఇంతలో రుద్రాణి వచ్చి అంత ప్రేమగా ఇస్తుంటే నచ్చకుండా ఎలా ఉంటుంది వదిన కచ్చితంగా నచ్చే ఉంటుంది.. డిజైన్‌ బాగుంది. అంటుంది.
అందుకే చేయించాను అని అపర్ణ చెప్పగానే.. ఎంత అయిందేంటి ఖర్చు అని రుద్రాని అడిగితే పది లక్షలు అని అపర్ణ చెప్తుంది. దీంతో రుద్రాణి షాక్ అవుతుంది. ఏంటి పది లక్షలా.? ఇంత అర్జెంట్‌గా అంత ఖర్చు చేసి గిఫ్ట్‌ ఇవ్వడానికి కొత్త కోడలా ఏంటి..? ఓ అర్థమైంది కావ్య ఇప్పుడు ప్రెగ్నెంట్‌ కదా కోడలు వారసుణ్ని ఇవ్వబోతుందని ఈ నెక్లెస్‌ ఇవ్వబొతున్నావా..? వదిన అంటుంది రుద్రాణి. అలాంటి స్వార్థపు ప్రేమలు నీకుంటాయి రుద్రాణి… నాకు కాదు.. నా కోడలికి ఏదైనా బహుమతి ఇవ్వాలని నా మనసుకు అనిపించింది ఇచ్చాను. నువ్వు ఏదైనా ఇవ్వాలనుకుంటే నీకు కోడలు ఉంది కదా..? ఇచ్చుకో అని చెప్తుంది. దీంతో మేం మీ అంత అదృష్ట వంతులం కాదులే వదిన అంటుంది. దీంతో కావ్య కోపంగా రుద్రాణికి గడ్డి పెడుతుంది. రుద్రాణి అక్కడి నుంచి వెళ్లిపోతుంది.
తర్వాత వినాయక పూజ చేయడానికి పంతులు వస్తాడు. పూజకు ఇంకా టైం ఉందని అంత వరకు ఇంట్లో వాళ్ల చేతులు చూసి జాతకాలు చెప్తుంటాడు పంతులు. ఒక్కోక్కరి చేయి చూసి చెప్తుంటాడు. కావ్య వెళ్లగానే చేయి చూసి మీకు ఇద్దరు సంతానం ఉన్నారని ఒకరు ఆడపిల్ల, మరొకరు మగపిల్లాడు అని చెప్తాడు. దీంతో అందరూ హ్యాపీగా ఫీలవుతారు. ఇంతలో ఆత్రుతగా రాజ్ ముందు ఎవరు పుడతారు అని అడుగుతాడు. దీంతో అది ఎవరు చెప్తారు దేవుడి ప్రసాదం ఎవరొచ్చినా స్వీకరించాలి కదా అని చెప్తాడు. ఇంతటితో నేటి బ్రహ్మముడి సీరియల్‌ ఎపిసోడ్‌ అయిపోతుంది.
ALSO READ: మిథున రాశిలోకి శుక్రుడు – ఆ ఐదు రాశులకు గజలక్ష్మీ యోగం – అపర కుబేరులు అవ్వడం ఖాయం
Share
Revanth Simplicity: రేవంత్ అందరివాడు.. జనం మెచ్చిన నేత.. ప్రజల హనుమంతు..
Illu Illalu Pillalu Today Episode: పోలీసుల దగ్గరకు రామరాజు.. భాగ్యం ప్లాన్ అదుర్స్.. శ్రీవల్లికి ప్రేమపై అనుమానం..?
