Actress Haritha: అటు సినిమాలలో ఇటు సీరియల్స్ లో నటించే పాత్రలు ప్రేక్షకులను ఏ విధంగా ప్రభావితం చేస్తాయో ప్రత్యేకంగా చెప్పాల్సిన అవసరం లేదు. ముఖ్యంగా హీరో హీరోయిన్స్ రోల్స్ ను అభిమానులు ఏ విధంగా అయితే ఆదరిస్తారో.. అటు విలన్ పాత్రధారులను కూడా అంతే ఆదరిస్తారు అనడానికి బహిరంగంగా జరిగే సంఘటనలే నిదర్శనం అని చెప్పాలి. ఒకప్పుడు తనికెళ్ల భరణి మాతృదేవోభవ సినిమాలో చూపించిన విలనిజానికి, ఆయన బయటకు వెళ్ళినప్పుడు మహిళలు ఆయనను చుట్టుముట్టి చంపేసేంత పని చేశారని ఆయన ఒక ఇంటర్వ్యూలో తెలిపారు. అలాగే సీనియర్ నటి అంజలీదేవి లవకుశ సినిమాలో జానకమ్మ పాత్ర పోషించి అందరిని మెప్పించింది. ఆమె ఒకసారి బయటకు వచ్చినప్పుడు అటుగా వెళుతున్న మహిళలు ఆమె నిజంగానే దేవత అని భావించి,, ఆమె కాళ్ళపై మోకరిల్లి ఆమె ఆశీర్వాదం తీసుకునే ప్రయత్నం చేశారు. ఈ ఉదాహరణలను బట్టి చూస్తే ప్రజలు, ప్రేక్షకులు సినిమా పాత్రలను ఏ విధంగా ఓన్ చేసుకుంటున్నారో అర్థం చేసుకోవచ్చు.
ఈ క్రమంలోనే ఇప్పుడు ఒక సీరియల్ నటి తాను విలన్ పాత్రలు చేయడం వల్ల.. ఆ పాత్ర ప్రేక్షకులకు నచ్చలేదని, అందులో లీనమైపోయి తాను బయట కనిపించినప్పుడు తనను చుట్టుముట్టి దాడి చేసే ప్రయత్నం చేశారు అంటూ కామెంట్ చేసింది. ఇకపోతే గతంలో ఈ విషయాలన్నీ చెప్పగా ఇప్పుడు మళ్ళీ వైరల్ గా మారుతున్నాయి. ఆమె ఎవరో కాదు ప్రముఖ సీరియల్ నటీమణి హరిత (Haritha). తన విలన్ పాత్రల వల్ల తాను ఎదుర్కొన్న ఇబ్బందుల గురించి హరిత మాట్లాడుతూ..” తమిళ్ సీరియల్స్ లో నటించేటప్పుడు చాలా సీరియల్స్ లో నేను విలన్ పాత్రలే పోషించాను. అప్పట్లో జనాల మీద సీరియల్స్ ప్రభావం చాలా తక్కువ. దూరదర్శన్ తో పాటు రెండు మూడు చానళ్లు మాత్రమే ఉండేవి . అందుకే నటీనటులను ప్రేక్షకులు బాగా గుర్తుపెట్టుకునేవారు.
ఒకసారి నేను ఒక సీరియల్లో విలన్ పాత్ర పోషించాను. అది బాగా హిట్ అయింది. కానీ నాకు సమస్యలు తెచ్చి పెట్టింది. ఎలా అంటే నా నంబరు కనుక్కొని మరీ ఇంటికి ఫోన్ చేసి బెదిరించేవారు. తప్పు పనులు చేస్తే ఊరుకోమని .. మళ్లీ కనిపిస్తే బాగోదని హెచ్చరించే వాళ్ళు .. ఇక వాళ్లందరికీ సర్ది చెప్పుకొనే సరికి నా తల ప్రాణం తోకకు వచ్చేది. అంటూ తెలిపింది హరిత.. ఇలాంటి ఇబ్బందులు తెలుగు సీరియల్స్ లో కూడా ఎదురయ్యాయి. నేను తెలుగు సీరియల్స్ లో సుమారుగా 25 కు పైగా సీరియల్స్ లో నటించాను. ఇక్కడ కూడా విలన్ పాత్రలే వచ్చాయి.
ALSO READ:ఓటీటీ స్ట్రీమింగ్ కి సిద్ధమైన నిహారిక రాకాస.. ఎప్పుడు? ఎక్కడ చూడొచ్చంటే?
అలా ఒకసారి హైదరాబాదులో మా కుటుంబ సభ్యులతో కలిసి పెళ్లికి వెళ్తే.. నేను వెళ్తున్న కారు ఆపి మరీ” ఇదిగో ఇదే పాపను నిత్యం ఏడిపించేది.. అసలు నువ్వు ఆడదానివే.. పసిపిల్లని అలా చేస్తావా?” అంటూ తిట్ల పురాణం మొదలుపెట్టారు. ఎలాగోలా అక్కడి నుంచి తప్పించుకుని భయంతో ఇంటికి వెళ్లిపోయాను. అప్పటినుంచి చాలా జాగ్రత్తగా ఉంటున్నాను. ఇక ఇప్పటివరకు ముద్ద మందారం, అగ్నిపూలు, ఇంటింటి రామాయణం, చదరంగం ఇలా సుమారుగా పాతికి పైగా సీరియల్స్ లో నటించాను” అంటూ హరిత తెలిపింది. ఇక హరిత చేసిన ఈ కామెంట్లు సోషల్ మీడియాలో వైరల్ గా మారుతున్నాయి.
Share
Janasena vs Tdp : జనసేన వర్సెస్ టీడీపీ.. కుట్ర ఎవరు చేశారు?
అదిరిపోయే మారుతి ఇగ్నిస్‌.. మార్కెట్‌ లో ఎందుకు సక్సెస్ కాలేకపోయింది?
