Tv Actress Anshu Reddy: బుల్లితెర నటిగా ఎన్నో అద్భుతమైన సీరియల్స్ లో నటించి మంచి గుర్తింపు సంపాదించుకున్న వారిలో అన్షు రెడ్డి(Anshu Reddy) ఒకరు. ప్రస్తుతం ఈమె స్టార్ మాలో ప్రసారమవుతున్న ఇల్లు ఇల్లాలు పిల్లలు (Illu Illaalu pillalu) అనే సీరియల్ లో నర్మదా పాత్రలో నటిస్తున్నారు. ఈ పాత్ర ద్వారా అన్షు రెడ్డికి ఎంతో మంచి పేరు ప్రఖ్యాతలు రావడమే కాకుండా భారీ స్థాయిలో ఫ్యాన్ ఫాలోయింగ్ కూడా పెరిగిపోయింది. ఇల్లు ఇల్లాలు పిల్లలు సీరియల్ ద్వారా మరింత మంది ప్రేక్షకులకు దగ్గరైన అన్షు రెడ్డి ఇటీవల ఒక సందర్భంలో తనకు సీరియల్ అవకాశాలు రావడం గురించి మాట్లాడుతూ చేసిన కామెంట్స్ వైరల్ అవుతున్నాయి.
తనకు మొట్టమొదట సీరియల్ లో అవకాశం ఒక టీవీ షో ద్వారా వచ్చిందని తెలిపారు.. ఈమె కాలేజీ చదువుతున్న సమయంలో ఈటీవీలో సుమ (Suma) వ్యాఖ్యతగా వ్యవహరించిన స్టార్ మహిళ కార్యక్రమం(Star Mahila) ఎలాంటి ఆదరణను పొందినదో అందరికీ తెలిసిందే. ఈ కార్యక్రమం దాదాపు 12 సంవత్సరాల పాటు ప్రసారమవుతూ రికార్డులను సృష్టించింది. అయితే ఈ కార్యక్రమానికి తాను ఒక ఆడియన్ గా వెళ్లాననీ, ఆ సమయంలో ఈటీవీ మేనేజ్మెంట్ తనని చూసి భార్యామణి సీరియల్ ఆడిషన్ కు పిలిపించారని ఈమె తెలిపారు.
ఈ సీరియల్ కు తాను ఎంపిక అయ్యానని అనంతరం ఇద్దరు అమ్మాయిలు, సూర్యవంశం, గోకులంలో సీత వంటి తదితర సీరియల్స్ లో చేసే అవకాశం వచ్చిందని తెలిపారు. ఇక ప్రస్తుతం అన్షు రెడ్డి ఇల్లు ఇల్లాలు పిల్లలు సీరియల్ తో మంచి ఆదరణ సొంతం చేసుకున్నారు. ఈమె కేవలం తెలుగు సీరియల్స్ మాత్రమే కాకుండా తమిళ సీరియల్స్ కూడా చేశారు. ఇలా ఒకవైపు బుల్లితెర నటిగా వరుస సీరియల్స్ చేస్తూనే మరోవైపు ఈటీవీలో ప్రసారమైన ఢీ 20 కార్యక్రమంలో కూడా కంటెస్టెంట్ గా పాల్గొన్న సంగతి తెలిసిందే. ఇలా కెరియర్ పరంగా బిజీగా ఉన్న అన్షు రెడ్డి మరోవైపు యూట్యూబ్ ఛానల్ కూడా రన్ చేస్తున్నారు.
నిశ్చితార్థం రద్దు చేసుకున్న అన్షు రెడ్డి..
యూట్యూబ్ ఛానల్ , సీరియల్స్, ఇంస్టాగ్రామ్ రీల్స్ ద్వారా కెరియర్ పరంగా ఈమె ఎంతో బిజీగా గడుపుతున్నారు .ఇక అన్షు రెడ్డి వ్యక్తిగత విషయానికి వస్తే తెలంగాణలోని సిద్దిపేట్ కు చెందిన ఈమె టీవీ సీరియల్స్ చేస్తూ బిజీగా ఉన్నారు. ఇక ప్రస్తుతం అన్షు రెడ్డి సింగిల్ గా ఉన్న సంగతి తెలిసిందే. గతంలో ఈమె నిశ్చితార్థం ఎంతో అంగరంగ వైభవంగా జరిగింది కొన్ని కారణాల వల్ల ఈమె తన నిశ్చితార్థం రద్దు చేసుకున్న సంగతి తెలిసిందే.
Also Read: ఫైనల్లీ విడుదలకు సిద్ధమైన విశ్వంభర.. రిలీజ్ డేట్ ఫిక్స్?
Share
మణిపూర్లో మళ్లీ మొదలైన మారణహోమం.. బాంబు దాడిలో చిన్నారులు మృతి
అల్లూరి జిల్లాలో విషాదం.. ఫోటోల సరదా ముగ్గురి ప్రాణాలు తీసింది!
