టీవీల్లోకి జన నాయగన్.. యజమాని అరెస్ట్!

Jana nayagan: కోలీవుడ్ స్టార్ హీరో విజయ్ దళపతి తన సినిమా కెరియర్ లో చివరి సినిమాగా నటించిన చిత్రం జననాయగన్. ఈ చిత్రాన్ని తెలుగులో జననాయకుడు , హిందీలో జననేత అంటూ విడుదల చేయబోతున్నట్లు ఈ ఏడాది ప్రారంభంలోనే ప్రకటించారు.. అనుకున్నట్టుగానే జనవరి 9వ తేదీన సంక్రాంతి సందర్భంగా ప్రేక్షకుల ముందుకు రావాల్సిన ఈ సినిమా సెన్సార్ పనుల వల్ల వాయిదా పడింది ..ఇక ఆరోజు మొదలుకొని ఇప్పటివరకు ఈ సినిమా విడుదలకు నోచుకోకపోవడం గమనార్హం.. సెన్సార్ ఇష్యూ వల్ల కోర్ట్ మెట్లెక్కిన నిర్మాతలు.. ఆ తర్వాత దిగివచ్చి సెన్సార్ చెప్పినట్లు సినిమాలోని కొన్ని అంశాలను మార్చడానికి కూడా అంగీకరించారు..

విడుదలకు ముందే సినిమా మొత్తం లీక్..

ఇక త్వరలోనే సినిమాను విడుదల చేద్దామని అనుకునే లోపే సినిమా మొత్తం పైరసీ అయిపోయి సోషల్ మీడియాలో దర్శనమిచ్చింది. ఇంకేముంది విజయ్ దళపతి చివరి సినిమా అనుకున్న ఈ సినిమా అనూహ్యంగా సోషల్ మీడియాలో కనిపించేసరికి నిర్మాతలు ఆశ్చర్యపోయారు అసలు ఏం చేయాలో తెలియక దిక్కుతోచని పరిస్థితుల్లో హీరోని ఆశ్రయించగా.. నిర్మాతల కష్టం తనకు తెలుసునని అందుకే తన రెమ్యూనరేషన్ లో సగం వెనక్కి ఇస్తున్నట్లు విజయ్ చెప్పినట్లు వార్తలు వినిపించాయి.

also read:హాట్‌గా పుట్టడం ఇంత తప్పా? ఇది దేవుడిచ్చిన బాడీ.. ఇన్‌స్టా పోస్టులపై విష్ణు ప్రియ కామెంట్స్

లోకల్ ఛానల్స్ లో ప్రసారం.. ఓనర్ అరెస్ట్..

అయితే సినిమాను సోషల్ మీడియాలో పైరసీ చేసిన వారిపై పోలీసులకు కంప్లైంట్ ఇవ్వగా కొన్ని బృందాలుగా ఏర్పడిన పోలీసులు వెంటనే కొంతమందిని అదుపులోకి తీసుకున్నట్లు సమాచారం. అయితే ఇప్పుడు తాజాగా జననాయగన్ సినిమా ఏకంగా టీవీల్లోకి రావడంతో ఆ ఛానల్ ఓనర్ ను అరెస్టు చేశారు. పూర్తి వివరాల్లోకి వెళితే.. జననాయగన్ సినిమా విడుదల కూడా కాలేదు. కానీ ఈ చిత్రాన్ని కోయంబత్తూర్ లోని ఒక లోకల్ ఛానల్లో ప్రసారం చేయడం ఆశ్చర్యానికి గురిచేస్తోంది . ఏప్రిల్ 10వ తేదీన జననాయగన్ సినిమా లీకైందని చిత్ర బృందం గుర్తించింది. దీనికి అడ్డుకట్ట వేసేందుకు సైబర్ పోలీసులు రంగంలోకి దిగారు. అయితే ఏప్రిల్ 11న కోయంబత్తూర్ లోని కొన్ని ప్రాంతాలలో పైగా లోకల్ చానల్స్ లో ఈ సినిమాను ప్రదర్శించారు. ఇక ఈ విషయం తెలుసుకున్న విజయ్ దళపతి తమిళగ వెట్రి కలగం పార్టీ నాయకులు చిత్రప్రసారాన్ని వెంటనే నిలిపివేసి పోలీసులకు ఫిర్యాదు చేశారు. దీంతో ఆ ఛానల్ యజమానిని పోలీసులు అరెస్టు చేశారు. ఇక అప్పటికే పూర్తి సినిమా ఛానల్ లో ప్రసారం అయినట్లు టీవీకే నేతలు తెలిపారు.

క్లారిటీ ఇచ్చిన ఎడిటర్స్ యూనియన్..

మరొకవైపు ఈ సినిమా ఎడిటింగ్ విభాగం నుంచి లీక్ అయినట్లు వార్తలు రాగా ఎడిటర్స్ యూనియన్ ఖండించింది.. ఎడిటర్ ప్రదీప్ ఇ రాఘవ్ కు జన నాయగన్ లీక్ తో ఎటువంటి సంబంధం లేదు అంటూ స్పష్టత ఇచ్చింది. ఇకపోతే ఈ సినిమా లీక్ పై దర్యాప్తు వేగవంతం చేయగా సైబర్ క్రైమ్ విభాగం ఇప్పటికే ఆరుగురిని అరెస్టు చేసింది. ఇక ఈ ఘటనలో మిగతా బాధ్యులను త్వరగా గుర్తించి కఠినంగా శిక్షించాలని అటు సినీ ప్రముఖులు కూడా డిమాండ్ చేస్తున్నారు.

Share

• 
• 
• 
• 
• 
•