Youtuber Vaishnavi:జగిత్యాల జిల్లా కోరుట్లలో చోటు చేసుకున్న విషాదం యావత్ దేశాన్ని కదిలించింది అనే చెప్పాలి. కారణం యూట్యూబర్ వైష్ణవి దారుణ హత్య. రీల్స్ చేస్తూ తనకంటూ ఒక ప్రత్యేకమైన గుర్తింపును సొంతం చేసుకొని అత్యధిక ఫాలోవర్స్ దక్కించుకున్న యూట్యూబర్ వైష్ణవి ఆమె భర్త చేతుల్లోనే అత్యంత దారుణ హత్యకు గురవడం అందరినీ కలిచివేసింది. పెద్దలను ఎదిరించి ప్రేమ వివాహం చేసుకున్న ఎనిమిది నెలలకే పైగా అప్పటికే నాలుగు నెలల గర్భవతి కూడా.. అలాంటి వైష్ణవిని ఆమె భర్త అత్యంత దారుణంగా హతమార్చడం జీర్ణించుకోలేకపోతున్నారు. ఇకపోతే వైష్ణవిని హత్య చేయడం వెనుక విస్తుపోయే నిజాలు బయటకు వస్తున్నాయి.
అసలు విషయంలోకి వెళ్తే.. కోరుట్లలోని మాదాపూర్ గ్రామానికి చెందిన యూట్యూబర్ వైష్ణవి వయసు 19 సంవత్సరాలు. ఆమె భర్త హరిబాబు ఆమెను అత్యంత కిరాతకంగా గొంతు నులిమి కత్తితో పొడిచి హత్య చేశాడు. ప్రస్తుతం వైష్ణవి 4 నెలల గర్భవతి కూడా.. ఇక ఈ విషయాన్ని కూడా హరిబాబు పట్టించుకోకుండా ఈ ఘాతుకానికి పాల్పడడంతో స్థానికంగా కలకలం రేపుతోంది. సోమవారం అర్ధరాత్రి ఈ ఘటన జరగగా.. మంగళవారం వైష్ణవి తల్లిదండ్రులు ఈ విషయాన్ని గమనించారు. అర్ధరాత్రి ఓసారి అరుపులు విని అత్తమామలు వెళ్లి చూడగా.. కూతురు, అల్లుడు నిద్రపోతున్నట్లు కనిపించడంతో తిరిగి వారి గదికి వచ్చి నిద్రపోయారు. ఉదయం లేచి చూస్తే కూతురు దారుణ హత్యకు గురైందని తెలిసి వైష్ణవి తల్లిదండ్రులు గుండె పగిలేలా రోదిస్తున్నారు. నమ్మి కూతుర్ని చేతిలో పెడితే ఇంత దారుణం చేశాడు అంటూ ఆవేదన వ్యక్తం చేస్తున్నారు.
ALSO READ:Ustaad Bhagat Singh: ఉస్తాద్ హైలెట్స్.. వీటి కోసమైనా సినిమా చూడాల్సిందే!
ఇకపోతే వైష్ణవిని ఇంత దారుణంగా హత్య చేయడానికి కారణం ఆస్తి కోసమే అనే వార్తలు వినిపిస్తున్నాయి. ఈ సందర్భంగా డీఎస్పీ కూడా మీడియాతో మాట్లాడుతూ.. గత కొంతకాలంగా వరకట్నం కోసం హరిబాబు వైష్ణవిని శారీరకంగా, మానసికంగా వేధిస్తున్నాడని ఈ క్రమంలోనే దంపతుల మధ్య తరచూ గొడవలు జరుగుతున్నాయని తెలిపారు. మృతిరాలి తండ్రి ఇచ్చిన ఫిర్యాదు మేరకు కేసు నమోదు చేసి అన్ని కోణాలలో దర్యాప్తు చేస్తున్నట్లు పోలీసులు పేర్కొన్నారు. ఇకపోతే ఆస్తి కోసమే తాను ప్రేమించి పెళ్లి చేసుకొని గర్భవతిని చేసిన తన భర్త హరిబాబే వైష్ణవిని అత్యంత దారుణంగా హతమార్చినట్లు సమాచారం. హరి బాబే వైష్ణవి ని వెంటపడి వేధించాడు. వైష్ణవి ఒప్పుకోకపోతే విషం కూడా తాగేసాడట. ఇక దాంతో హరిబాబుని ఇచ్చి వైష్ణవికి పెళ్లి చేశారట ఆమె కుటుంబ సభ్యులు. వైష్ణవి వాళ్ళ వంశం మొత్తంలో ఏకైక ఆడ సంతానం. వైష్ణవికి 15 మంది అన్నలు ఉన్నారు. 15 మంది అన్నలకు వైష్ణవి అంటే ప్రాణం అట. అంతమంది అన్నలు ఉండి కూడా వైష్ణవిని కాపాడలేకపోవడం నిజంగా దురదృష్టకరమనే చెప్పాలి. ఏదేమైనా ఆస్తికోసం ఆ వంశ ఏకైక గారాల పట్టి వైష్ణవిని హరిబాబు హత్య చేయడం బాధాకరం అనే చెప్పాలి.
యూట్యూబర్ వైష్ణవి హత్య కేసులో వెలుగులోకి కీలక విషయాలు
భర్తతో చాలా వీడియోలు తీసి అప్‌లోడ్ చేసిన వైష్ణవి
హరికి మరొకరితో ఎఫైర్ ఉందంటూ ఇంట్లో పంచాయతీ పెట్టినట్లు వీడియో క్రియేట్ చేసిన దంపతులు
వీడియోల విషయంలోనే హరికి వైష్ణవికి గొడవ జరిగినట్లు అనుమానాలు
వైష్ణవిని వీడియోలు చేయొద్దని… https://t.co/1AncEWgAMd pic.twitter.com/UDxAMRpSQl
— BIG TV Breaking News (@bigtvtelugu) March 17, 2026
Share
BRS : ఇందుకేనా ప్రజలు మిమ్మల్ని నమ్మి ఓటేసింది?
Sreeleela: శ్రీలీలను చెల్లెమ్మా అంటూ పిలిచిన అభిమాని...భలే కౌంటర్ ఇచ్చిన నటి!
