Rajampet Clash: రాజంపేటలో రాజకీయ ఘర్షణలు తీవ్ర ఉద్రిక్తతకు దారితీశాయి. వైసీపీ ఎమ్మెల్యే ఆకేపాటి అమర్నాథ్ రెడ్డి నివాసంపై టీడీపీ నాయకులు, కార్యకర్తలు దాడికి దిగినట్లు సమాచారం. అమర్నాథ్ రెడ్డి కారును మొత్తం ధ్వంసం చేసి టీడీపీ నాయకులు నిప్పంటించారు. మున్సిపల్ ఎన్నికల నామినేషన్ల నేపథ్యంలో చోటుచేసుకున్న ఘర్షణలతో ఆగ్రహానికి గురైన టీడీపీ శ్రేణులు ఎమ్మెల్యే ఇంటి వద్దకు చేరుకుని దాడికి పాల్పడినట్లు తెలుస్తోంది.
ఈ ఘటనలో ఇంటి వద్ద ఉన్న కారుకు నిప్పంటించినట్లు సమాచారం. అంతేకాకుండా ఇంట్లోని ఫర్నిచర్, అద్దాలు, కుర్చీలు సహా పలు వస్తువులను ధ్వంసం చేసినట్లు అక్కడి అధికారుల తెలిపారు. ఇప్పటికే నామినేషన్ల సందర్భంగా రాజంపేటలో చోటుచేసుకున్న ఘర్షణలు రాజకీయంగా తీవ్ర కలకలం రేపుతుండగా తాజాగా ఎమ్మెల్యే నివాసంపై దాడి ఘటన పరిస్థితిని మరింత ఉద్రిక్తంగా మార్చింది.
ఎన్నికల పోటీ కాస్తా.. పరస్పర దాడులకు దారితీస్తోందా? రాజంపేటలో శాంతిభద్రతల పరిస్థితి ఏమిటి? రాజకీయ విభేదాలు హింసాత్మక ఘటనలకు దారితీయడం ప్రజల్లో ఆందోళన కలిగిస్తోంది. ఈ ఘటనపై పోలీసులు ఎలాంటి చర్యలు తీసుకుంటారు బాధ్యులపై ఎలాంటి చర్యలు ఉంటాయి అనేది ఇప్పుడు చర్చనీయాంశంగా మారింది. ఘటనకు సంబంధించిన వివరాలు, నష్టం, బాధ్యులపై అధికారిక నిర్ధారణ రావాల్సి ఉంది.
Also read: ఇస్లామాబాద్ లో హై టెన్ష‌న్‌…ఇంగ్లాండ్ క్రికెట‌ర్లు బ‌స చేస్తున్న హోట‌ల్ ద‌గ్గ‌ర భారీ బ్లాస్ట్ !
Share
డ్రోన్ తో వందే భారత్ వీడియోలు తీస్తున్నారా? ఇక కటకటాల్లోకి వెళ్లక తప్పదు!
మాజీ సీఎం కోసం.. 9 హత్యలు చేశా.. లైవ్లో ఒప్పుకున్న ఎమ్మెల్యే!
