Political Controversy: జేడీయూ ఎమ్మెల్యే అనంత కుమార్ సింగ్ చేసిన వ్యాఖ్యలు.. బిహార్ రాజకీయాల్లో తీవ్ర దుమారానికి దారితీశాయి. మాజీ ముఖ్యమంత్రి నితీష్ కుమార్ కోసం తాను ఏకంగా తొమ్మిది మందిని హత్య చేసినట్లు ఆయన బహిరంగంగా ప్రకటించడం రాజకీయ వర్గాల్లో తీవ్ర చర్చనీయాంశమైంది.
వచ్చే శాసనమండలి ఎన్నికల్లో తన రాజకీయ ప్రత్యర్థి అయిన నీరజ్ కుమార్‌కు జేడీయూ టికెట్ కేటాయించడంపై అనంత కుమార్ సింగ్ తీవ్ర అసంతృప్తితో ఉన్నారు. ఈ నేపథ్యంలో తన ప్రత్యర్థిపై విరుచుకుపడుతూ ఆయన ఈ వివాదాస్పద వ్యాఖ్యలు చేశారు. ‘నితీష్ కుమార్‌తో నాకు చాలా కాలం నుంచి అనుబంధం ఉంది. ఆయనకు సహాయం చేయడానికి నేను తొమ్మిది మంది హత్యలకు సూత్రధారిగా వ్యవహరించాను. ఆయన రాజకీయంగా నిలదొక్కుకోవడానికి ఇబ్బంది పడుతున్న సమయంలో నేను అండగా నిలిచాను’ అని సింగ్ పేర్కొన్నారు. తనతో విభేదాలున్న వ్యక్తికి పార్టీ ఎలా నామినేషన్ ఇస్తుందని ఈ సందర్భంగా నీరజ్ కుమార్ ప్రశ్నించారు.
JD(U) MLA Anant Singh, now claims that he got 9 people murdered while standing with Nitish Kumar.
Nitish Kumar turned this notorious criminal into a politician for his political gains and people paid the price https://t.co/hlwfbdSZDV— Manish kumar singh (@manishkrsingh04) October 16, 2026
ఈ వ్యాఖ్యలపై లాలూ ప్రసాద్ యాదవ్ నేతృత్వంలోని రాష్ట్రీయ జనతాదళ్ (ఆర్జేడీ) తీవ్రంగా స్పందించింది. మాజీ ముఖ్యమంత్రి నితీష్ కుమార్‌ను లక్ష్యంగా చేసుకుని తీవ్ర విమర్శలు చేసింది. ఆర్జేడీ నేత శక్తి సింగ్ యాదవ్ మాట్లాడుతూ.. ‘అనంత కుమార్ సింగ్ చేసిన వ్యాఖ్యలు ఆయన చేసిన రాజకీయ నేరాలకు నిదర్శనం. నితీష్ కుమార్ ముఖ్యమంత్రిగా ఉన్న కాలంలోనే ఈ హత్యలు జరిగాయి. నేరస్థులతో సంబంధాలు పెట్టుకోవడం ద్వారానే నితీష్ బీహార్‌లో అధికారాన్ని కూడగట్టుకున్నారు’ అని తీవ్రంగా ఆరోపించారు.
మరోవైపు తమ పార్టీ ఎమ్మెల్యే వ్యాఖ్యలతో జేడీయూ స్పందించింది. ఆ పార్టీ జాతీయ ప్రతినిధి రాజీవ్ రంజన్ ప్రసాద్ స్పందిస్తూ ఈ వ్యాఖ్యలను ఎవరూ సీరియస్‌గా తీసుకోవాల్సిన అవసరం లేదన్నారు. నితీష్ కుమార్ ఎలాంటి నేరాలతో సంబంధం లేకుండా పారదర్శకమైన రాజకీయాలు చేశారన్నారు. ఇలాంటి ప్రకటనలు ప్రజల దృష్టిలో ఎలాంటి ప్రాముఖ్యత సంతరించుకోవని ఆయన అభిప్రాయపడ్డారు.
అయితే తన వ్యాఖ్యలు రాజకీయ దుమారానికి దారి తీయడంతో అనంత కుమార్ సింగ్ వెనక్కి తగ్గారు. ఈసారి నితీష్ కుమార్‌కు బదులుగా లాలూ ప్రసాద్ యాదవ్‌పై విమర్శలు గుప్పిస్తూ మరో వెర్షన్ చెప్పారు. ‘నేను నా ప్రత్యర్థి నీరజ్ కుమార్‌ను ఉద్దేశించి గతంలో మేము చేసిన త్యాగాల గురించే మాట్లాడాను. లాలూ యాదవ్ ప్రభుత్వ హయాంలో నా అనుచరులు తొమ్మిది మంది హత్యకు గురయ్యారు. నేనూ కాల్పులకు గురయ్యాను. మేము నితీష్ కుమార్‌కు మద్దతుగా నిలిచామనే లాలూ యాదవ్ వారిని హత్య చేయించారు’ అని వివరణ ఇచ్చారు.
#WATCH | Patna, Bihar: JD(U) MLA Anant Singh says, “… I have responded to Neeraj Kumar, detailing the sacrifices I have made. During the Lalu Yadav government, nine of my associates were killed, and I myself was shot. It was because we aligned ourselves with Nitish Kumar that Lalu Yadav had them killed. We have suffered such immense losses. My father also passed away due to a heart attack…”
— ANI (@ANI) October 16, 2026
Also Read: ఒక్క రూపాయి ఖర్చు లేకుండా క్రెడిట్ కార్డ్ పాయింట్లను క్యాష్‌గా మార్చడం ఎలా?
బిహార్‌లో ప్రస్తుతం ఎన్నికల వాతావరణం వేడెక్కింది. ఎన్నికల సంఘం షెడ్యూల్ ప్రకారం.. బిహార్ శాసనమండలిలోని ఎనిమిది స్థానాలకు అక్టోబర్ 23న ఉప ఎన్నిక జరగనుండగా.. అక్టోబర్ 27న ఓట్ల లెక్కింపు చేపట్టనున్నారు. సరిగ్గా ఎన్నికల సమయాన వచ్చిన ఈ వివాదం రాష్ట్ర రాజకీయాల్లో ఎలాంటి మలుపులు తిప్పుతుందనేది ఆసక్తికరంగా మారింది.
Also Read: ఇస్లామాబాద్ లో హై టెన్ష‌న్‌…ఇంగ్లాండ్ క్రికెట‌ర్లు బ‌స చేస్తున్న హోట‌ల్ ద‌గ్గ‌ర భారీ బ్లాస్ట్ !
Share
రాజంపేటలో ఉద్రిక్తత.. వైసీపీ ఎమ్మెల్యే అమర్నాథ్ రెడ్డి ఇంటిపై దాడి!
జైలు నుంచి వచ్చి మాఫియా సామ్రాజ్యాన్ని నిర్మించే డాన్... నాలుగో సీజన్ రచ్చ రచ్చ
