Vijay Viral Speech: కోలివుడ్ సూపర్ స్టార్ విజయ్.. తమిళనాడు రాజకీయాలతో పాటు ఏపీలోనూ హాట్ టాపిక్ గా మారుతున్నారు. ‘తమిళగ వెట్రి కళగం’ పేరుతో కొత్త పార్టీ స్థాపించిన విజయ్.. ఏప్రిల్ 23న జరిగే తమిళనాడు అసెంబ్లీ ఎన్నికల్లో ఒంటరిగా పోటీ చేస్తున్నారు. అయితే విజయ్ కొత్త పార్టీ స్థాపించిన దగ్గర నుంచి తమిళనాడుతో పాటు ఏపీలోనూ రాజకీయంగా తీవ్ర చర్చనీయాంశంగా మారుతున్నారు. ఏపీ డిప్యూటీ సీఎం పవన్ కళ్యాణ్ తరహాలోనే.. విజయ్ సినీరంగానికి చెందినవారు కావడంతో ఆయన చేసే వ్యాఖ్యలు, తీసుకునే నిర్ణయాలను పవన్ కళ్యాణ్ తో సరిపోల్చుతున్నారు. ఈ క్రమంలోనే ఆయన ఒంటరిగా ఎన్నికల బరిలోకి దిగడంతో వైసీపీ శ్రేణులు సహజంగానే పవన్ తో పాటు కూటమి ప్రభుత్వంపై విమర్శలు చేస్తున్నాయి. ఈ క్రమంలోనే తాజాగా ఎన్నికల ప్రచారంలో విజయ్ మాట్లాడుతూ.. జగన్ పై తీవ్ర విమర్శలు చేసినట్లుగా నెట్టింట ఓ వీడియో వైరల్ అవుతోంది. ప్రస్తుతం అది ఏపీ రాజకీయాల్లో తీవ్ర చర్చకు దారితీస్తోంది.
ఎన్నికల ప్రచారంలో భాగంగా విజయ్ మాట్లాడిన మాటలను ‘Sandy Papa YSCRP’ ఎక్స్ ఖాతాలో పోస్ట్ చేశారు. అయితే తమిళంలో ఉన్న ఆయన మాటలకు అర్థం ఇదేనంటూ పెట్టిన తెలుగు ట్రాన్స్ లేషన్ ప్రస్తుతం నెట్టింట వైరల్ అవుతోంది. గొడ్డలితో ఏసేసి సీఎం అవ్వడానికి తనకు బాబాయి లేడని.. కోడి కత్తి డ్రామాలు తనకు తెలియవని విజయ్ చెప్పినట్లుగా పేర్కొన్నారు. ఆస్తి కోసం సొంత చెల్లెల్ని బయటకు తోసేసే రకాన్ని కాదని.. సోదరిని సోషల్ మీడియాలో బండబూతులు తిట్టించే వాడిని కాదని.. మీ ఓటు విజిల్ గుర్తుకే వేయాలని విజయ్ చెప్పినట్లుగా క్యాప్షన్ పెట్టారు. అయితే వైసీపీ అధినేత జగన్ ను ఉద్దేశించి సెటైరికల్ గా ఈ పోస్ట్ చేసినట్లు అర్థమవుతోంది.
అమ్మ…. ఉంగలకి తమిళ్ తెరియదా ??
తెలుగులో మక్కీకి మక్కీ దిస్తా.. అనువదిస్తా చూడండి..
నాకు బాబాయి లేడు గొడ్డలితో ఏసేసి సీఎం అవ్వడానికి.. కోడి కత్తి డ్రామాలు తెలియదు.. ఆస్తి కోసం సొంత చెల్లెల్ని బయటకు తోసేసే రకాన్ని కాదు.. మా కుక్కలతో సొంత చెల్లెల్ని సోషల్ మీడియాలో బండ బూతులు… pic.twitter.com/vLQ8fpqjjr
— Sandy Papa YSCRP ☺️🇱🇸 (@PapalakeyPapa) March 31, 2026
సోషల్ మీడియా పోస్టులో విజయ్ అన్నట్లుగా ఉన్నది అవాస్తవమేనని చెప్పవచ్చు. నిజానికి ఆ బైట్ లో జగన్ కు వ్యతిరేకంగా ఎలాంటి విమర్శలు విజయ్ చేయలేదు. ‘ఎన్నో వసతులు ఉన్నా కూడా.. ఎంతో ఆడంబరమైన జీవితాన్ని వదిలిపెట్టి మీకోసం రాజకీయాల్లోకి వచ్చాను. మీ రుణం తీర్చుకోవడం కోసం పాలిటిక్స్ లో చేరాను. ఎప్పుడూ కూడా అబద్ధాలు చెప్పి నేను మిమ్మల్ని మోసం చేయలేదు.. చేయను కూడా. తమిళనాడులోకి నాలుగు పార్టీలు కాదు.. 40 పార్టీలు వచ్చినా ఇక్కడ పోటీ రెండు పార్టీల మధ్య మాత్రమే. అది ఒకటి టీవీకే అయితే రెండోది డీఎంకే. ప్రజల మీద పెత్తనం చేసే స్టాలిన్ కావాలా? ప్రజల్ని ప్రేమించే విజయ్ కావాలో మీరే నిర్ణయించుకోండి. మీ అన్న, తమ్ముడు, కుమారుడితో సమానమైన విజయ్ కు ఒకే ఒక్క ఛాన్స్ ఇవ్వండి’ అంటూ విజయ్ చెప్పడంలో ఆ వీడియోలో ఉంది.
Also Read: eSIM vs Physical SIM: రెండింటికి తేడా ఏంటి? నెట్ స్పీడ్, కాల్స్ నాణ్యతకు.. ఏది బెస్ట్ ఛాయిస్!
ఏపీ డిప్యూటీ సీఎం పవన్ కళ్యాణ్.. టీడీపీతో పొత్తు పెట్టుకొని గత ఏపీ ఎన్నికల్లో 100 స్ట్రైక్ రేట్ సాధించారు. తద్వారా వైసీపీని 11 స్థానాలకు పరిమితం చేసి.. కోలుకోలేని దెబ్బ తీశారు. అయితే పవన్ తరహాలోనే సినీ బ్యాక్ గ్రౌండ్ తో వచ్చిన విజయ్.. తన మెుట్టమెుదటి ఎన్నికల్లో ఒంటరిగానే బరిలోకి దిగుతున్నారు. ఈ క్రమంలో పొత్తు గురించి ఆయన చేసిన వ్యాఖ్యలను.. పవన్, టీడీపీకి వ్యతిరేకంగా వైసీపీ నేతలు ఉపయోగించుకుంటున్నారు. ‘నేను పొత్తు పెట్టుకొని మిమ్మల్ని ఏ జెండా మోయనివ్వను’ అని విజయ్ అన్నట్లుగా ఉన్న వీడియోను వైసీపీ సోషల్ మీడియా హ్యాండిల్స్ వైరల్ చేస్తున్నాయి. మెుత్తంగా చూస్తే విజయ్ అంశం.. మరోమారు ఏపీలో ఆసక్తికర చర్చకు కారణమైందని చెప్పవచ్చు.
Okate jenda… okate agenda.
Padhi mandiki jai kottanavaram ledhu..Prathi Vooru ki velli akkada nenu puttanu ani cheppanavasaram ledhu.. pic.twitter.com/C37VhXo4Cn
— Political అభిమాని 🏴💙 (@lady_biggboss) March 31, 2026
Also Read: April Rules: ట్యాక్స్ నుంచి టికెట్ దాకా.. ఏప్రిల్ 1 నుంచి అమల్లోకి ఈ కొత్త రూల్స్!
Share
సూరత్లో అగ్నిప్రళయం.. ఒకే కుటుంబంలో ఐదుగురు సజీవ దహనం!
వావ్, ఏముందీ సోలార్ ఫ్యాన్ హ్యాట్.. ఎండలో తిరిగే వారికి ఏసీ కూలింగ్, ధర కూడా తక్కువే!
